Aisaya 2:2 - Uwumbɔr aagbaŋ

² N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga li fɔk chaar jer ŋigongon mɔmɔk, le ŋinibol pam ga dan li chee,

Aisaya 2:2 ပူးပေါင်းရင်းမြစ်များ

Mpiin 49:1

Jakob nan yin ujapɔtiib ki bui ke, “Tiŋ ni, ki mann goln mi man, aan m tuk nimi tiwan ni choo ni pu ki ga nan ŋa na.

Job Aagbaŋ 19:25

Le m tee nyi ke ubaa bi paacham ki nan len maabɔr tii mi.

Ilahn 102:23

M laa ye unachipɔɔn la, le Uwumbɔr cha maa ki kpa mpɔɔn, u gii maamɔfal pu.

Ilahn 2:8

Mee mi, aan m ga di ŋitimbol ngbaan mɔmɔk tii si; kitiŋ kee mɔmɔk ga li ye sin yaan la.

Ilahn 22:27

Ŋitimbol mɔmɔk ga teer Uwumbɔr bɔr. Bi ga nya ni dulnyaa aapepel mɔmɔk ni, ki dan u chee; Ŋinibol mɔmɔk ga doon u.

Ilahn 22:28

Uwumbɔr le ye ubɔr, le ki joo ŋitimbol mɔmɔk.

Ilahn 48:2

Uwumbɔr aajool Sionn fɔk paacham, le ki ŋan; Ubɔrkpaan ngbaan aatiŋ joo ni mpopiin le nan tii dulnyaa mɔmɔk.

Ilahn 68:17

Uwumbɔr ga di waataan aatɔroku mam ŋichur ŋichur bi kpa mpɔɔn na nyan ni Sainai aajool ki nan koo ni nin chee bi chain na.

Ilahn 72:8

Waanaan ga taln ti saa ni mɔmɔk, ki nya Yufrates aamɔɔl ni ki ti saa kitiŋ aanaanmɔk.

Ilahn 86:9

Saah naan ŋitimbol ŋi mɔmɔk na ga dan ki nan gbaan aanimbiin ni; bi ga pak saah tun ŋitukpaan ŋi na.

Ilahn 87:1

Uwumbɔr maa waatiŋ ligongoln li bi chain na pu la.

Ilahn 87:2

U gee Jerusalem aatiŋ jer Israel aatim mɔmɔk.

Aisaya 11:10

Nwiin mubaa choo, le ubɔrkpaan pɔɔn ubaa ga nyan ni ubɔrkpaan David aamaal ni, ki fuu ni, ki ga li ye ŋitimbol mɔmɔk aamɔkl. Bi ga kuun waanaan aatiŋ ni ki nyuŋ u.

Aisaya 25:6

Sionn Aajool pu do, le Uwumbɔr Mpɔɔnsakpiindaan ga gor njim siin dulnyaa aatimbol mɔmɔk. Njim mu aajikaar nyuun aan mu aadaan pɔɔ ti nyaŋ na.

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Aisaya 30:29

Le nimi Uwumbɔr aanib ga li kpa mpopiin ki gaa ilahn ke naah ŋani pu kinyeek ki ni ji Uwumbɔr aajim mubaa na. Ni ga li kpa mpopiin ke binib bi waa kulufeeŋ aawaal ki cha Uwumbɔr u ye Israel yaab aakikiir na Aadichal ni na.

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Aisaya 56:5

saayimbil ga yunn Maadichal ni, ni maanib ni, ki jer saah ba ga li kpa mbijabim ni mpiibim pu na. Baan suln aabɔr kpala.”

Aisaya 56:7

“M ga di nimi dan Sionn, maagongoln li bi chain na pu, ki tii nimi mpopiin Maameen Aadichal ni, ki gaa nimi aapiin aatork ki ni toor maabimbiln paab na. Bi ga yin Maadichal ke Mmeen Aadichal, nin chee ŋinibol mɔmɔk mee mi na la.”

Aisaya 60:3

Ŋitimbol ga kuun dan saawiihn chee, le bibɔrb san dan saataak ki bi wolni na chee.

Aisaya 65:11

“Le nimi bi yii mi na ma kan, naan li bi kina, nimi bi yii maagongoln Sionn li bi chain na, ki dooni ŋiwaa Gad ni Meni, ŋiwaa ŋi ni bui ke ŋi kpa liyimɔɔn na, ki siin nimi aabimbin aah ga li doo pu na.

Aisaya 66:20

Bi ga giin joo ni nimi aatiŋ aanib ki nyan ni ŋitimbol ngbaan ni ke ipiin na la, ki nan tii mi. Bi ga joo ni bi itaan, ni ibon, ni laakumii tiib pu, ni itaan aatɔroku tiib pu, ki di dan maagongoln li bi chain na pu, ke Israel yaab aah joo ni njikaabim aapiin choo Jerusalem, min Uwumbɔr Aadichal ni, ŋisambil ŋi bi chain na ponn ni pu na la.

Aisaya 66:23

Uŋmapɔɔn aajim, ni Likpaakool daal aakuun mɔmɔk ponn ni, ŋitimbol mɔmɔk aanib ga dan Jerusalem do le nan doon mi.” Uwumbɔr le len kina.

Jeremia 16:19

Uwumbɔr, sin le kii mi ki tii mi mpɔɔn; aa ter mi tibɔr aayoonn. Ŋitimbol ga nya kitiŋ aanaanmɔk ki nan bui ke, “Tiyaajatiib nan kpa ŋiwaa baanja la, bi nan kpa ŋiwaa ŋi bi fam na baanja la.

Jeremia 23:20

kaan ŋmin see waah ban pu na mɔmɔk ti ŋa. N‑yoonn choo le waanib ga nan bee nimina mɔmɔk chain.”

Jeremia 26:18

“Hesekia aah nan ye Juda aabɔr na, Uwumbɔr aabɔnabr Maika u nan bi Moresef aatiŋ ni na nan tuk binib mɔmɔk ke Uwumbɔr Mpɔɔnsakpiindaan len ke, ‘Bi ga kpar Sionn ke lisikpel na, le Jerusalem kpaln tilangbenn aakpuk, le Uwumbɔr Aadichal aagongoln ga kpaln kichook.’

Jeremia 3:17

N‑yoonn ngbaan yaa nan fuu ni kan, bi ga li gur yin Jerusalem ke ‘Uwumbɔr Aabɔrjal’ la, le ŋitimbol mɔmɔk ga kuun nima ki doon mi. Baan ki ŋa bisui i bir ki kpa maaŋuntafal na aah mɔk bi ke bi ŋa pu na.

Jeremia 31:12

Bi ga dan ki nan gaa mpopiin aalahn Sionn Aajool pu, le bisui piir maapiin i m ga tii bi na pu, ipiin i ga li ye njikaabim, ni ndaan, ni olif aakpan, ni ipiih, ni inaa na. Bi ga li bi ke tikpifar aasaak ki kpa nsoon na la; bi ga li kpa baah ban tiwan ni na mɔmɔk.

Jeremia 48:47

N‑yoonn mu choo na, Uwumbɔr ga nan ki tii Moab nkam. Uwumbɔr aah len ke tiwan ni mɔmɔk ga ŋa Moab aatiŋ na le na.

Jeremia 49:39

Puwɔb na, m ga nan ki cha Elam aanib kan nkam. Min Uwumbɔr le len kina.”

Jeremia 51:44

M ga daa Babiloŋ aawaal Bel aatafal, ki cha li giin laah sun tiwan ni na mɔmɔk; ŋitimbol aan ki li dooni li.

Esekiel 38:16

Aa ga tak maanib Israel yaab ke kitaabuŋ ki bɔ kitiŋ ponn ni ki jer na. N‑yoonn ngbaan yaa nan fuu ni kan, m ga cha aa ti koo maatiŋ ni ki di mɔk ŋitimbol maah ye Uwumbɔr u na, ki di maah joo si tun lituln li na mɔk maah ye chain pu na.

Esekiel 40:2

Ni nan ŋa mi ke tidaŋ na la, le Uwumbɔr di mi buen Israel aatiŋ pu, ki di mi tɔŋ lijool li paa na pu. M nan kan ŋidichal ŋibaa si mmɔb wɔb ki naahn kitiŋ kibaa.

Daniel 10:14

M dan ke m nan cha aa bee tiwan ni ga nan ŋa saanib n‑yoonn mu choo na la. Lijinjiir aawan ngbaan ye n‑yoonn mu choo na aabɔr la.”

Daniel 2:28

Tɔ, Uwumbɔr ubaa u bi paacham, ki ŋmaa kpiir iwaan aawan mɔk na baanja le ga ŋmaa ŋa kina. Uma le tuk mpɔɔndaan tiwan ni ga ŋa n‑yoonn mu choo na. M ga tuk si tidaŋ ti aa nan dɔ geen ki daŋ na.

Daniel 2:35

Libuul ngbaan ni le tikur, ni tiyakr, ni tikumann, ni tikunabr, ni salmaa na mɔmɔk wur lir kitiŋ yak yak, ki nan bol bol ke lipeel aapaal pu aatan na. Le libuln daa ni mɔmɔk buen, kaa gur nibaa. Le litakpal na ma filk ki ti ŋa lijool ki biin kitiŋ kee mɔmɔk pu.

Daniel 2:45

Aa nan kan litakpal aah ker nyan ni lijool aamɔgbeln aan unii ubaa aa meeh li, le li nan yun tiwanaankaan ni bi di tikur, ni tikumann, ni tiyakr, ni tikunabr, ni salmaa naan ni na. Uwumbɔr u kpa mpɔɔn sakpen na bi tuk si tiwan ni ga ŋa n‑yoonn mu choo na la. M tuk si saah daŋ pu na ni taatataa mu chob la.”

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Sekaria 14:10

Lipepel ngbaan mɔmɔk ni, ki nya Geba aatiŋ ki bi ŋŋangan wɔb na, ki ti saa Rimonn aatiŋ ki bi ŋŋangii wɔb na ga ŋa taar. Kitiŋ ki mann Jerusalem ki ti ton na ga li waa ki. Kitiŋ ngbaan ga nya mbisamɔb mu bi yin mu ke Benjaminn Aabisamɔb na, ki ti saa mu bi yin mu ke Kilɔlɔŋ ni Aabisamɔb, nin chee mbisamɔb nan puen bi na, ki nya Hananel Aakikiib Aadifɔfɔk na chee ki ti saa libɔrchiln ni aasubil aadaan aabuu aah bi nin chee na.

Sekaria 14:9

Le Uwumbɔr ga li ye kitiŋ kee mɔmɔk aabɔr. Unii mɔk ga li dooni u ke u ye Uwumbɔr, le ki li nyi u liyimbil ngbaan pu.

Sekaria 8:22

Binib pam ni ŋitimbokpaan ga dan Jerusalem ki nan doon min Uwumbɔr Mpɔɔnsakpiindaan, ki mee limeel ban maanyoor.

Sekaria 8:3

M ga gir ni Jerusalem aatiŋ pu. Kima le ye maatiŋ ki bi chain na, le m ga li koo ki ponn ni. Kaayimbil le ga li ye ke kitiŋ ki dii min Uwumbɔr mbamɔm na, le min Uwumbɔr Mpɔɔnsakpiindaan na aagongoln aayimbil ga li ye ke ligongoln li kaa kpa tijɔŋ na.

Malakai 3:12

Le ŋitimbol mɔmɔk aanib ga yin nimi ke mpopiindam, ba pu? nimi aatiŋ ga li ye kitinyaan tii binib ke bi li koo ki ponn ni.”

Nkahm 24:14

Balaam nan ki bui Balak ke, “Dandana wee, m ban m gir kun ndo yaab chee la; waahr aan m gir buen na, cha m sur si, ki tuk si Israel yaab aah ga nan ŋa saanib pu, n‑yoonn mu choo na.”

Lituln 2:17

‘N‑yoonn mu choo na, m ga di Maafuur Nyaan ŋa binib mɔmɔk pu. Nijapɔtiib ni nibisatiib ga nabr min Uwumbɔr aah len pu na. Nimi aanachipɔm ga kan lijinjiir aawan. Nimi aaninkpiib ga daŋ tidaŋ.

2 Timoti 3:1

Tɔ, aa li nyi ke n‑yoonn mu choo na ga li ye falaa aayoonn la.

Hiibru Yaab 1:2

Kookoo aayoonn mue le u cha Ujapɔɔn tuk timi waabɔr. Uma le u nan cha u naan dulnyaa wee, ki len ke uma le ga li yeh tiwan mɔmɔk.

2 Piita 3:3

Njan, m ban ke ni li nyi ke binib bi dii bisui aah ban pu na ga li bi kookoo aayoonn, ki ga ŋa nimi mbɔnyun,

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”

Tibɔkpiirkaan 20:4

Le m kan ŋibɔrjal, ni binib bi ka ŋi pu na. Le Uwumbɔr tii bi nsan ke bi ji binib tibɔr. Bi nan ye binib bi nan kpo Yesu pu na aawiin. Binib nan chuu gii biyil lii; ba pu? bi nan moon tibɔbamɔnn ti Yesu nan kpiir na ni Uwumbɔr aabɔr. Baa dii upeel ngbaan, bee waawaal, kaa gaa waadaan biyigbeer pu, bee biŋaal pu. Bi nan kpa limɔfal ki jin nnaan Kristo chee ŋibin lichur.