Aisaya 2:12 - Uwumbɔr aagbaŋ

¹² Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Aisaya 2:12 ပူးပေါင်းရင်းမြစ်များ

2 Samuel 22:28

Aa gaal binib bi sunn bibaa taab na lir, le ki sunn binib bi kpa kigaak na taab.

Job Aagbaŋ 24:1

Ba ŋa Uwumbɔr aa siin libɔjil aawiin, ba ŋa waa siin binib bi dii u na aabamɔn aawiin?

Ilahn 131:1

Uwumbɔr, m di cha kigaak aatuln kaa ki kpa kalimbaani. Ntafal aa bi tibɔr ti jer mi na ni, kaa bi tiwan ni pɔɔ jer maalan na ni.

Ilahn 18:28

Uwumbɔr, sin le tii mi nwiihn; sin le jenn maabɔmbɔɔn.

Ilahn 37:13

Le Uwumbɔr ma laa bibiindam, ba pu? u nyi ke naan yunn le bi kuln.

Ilahn 94:2

Sin le ye unibɔn mɔmɔk aabɔjir; fii sil ki tii bigaadam tiwan ni ŋeer bi na.

Ŋiyataŋak 16:5

Uwumbɔr aa gee unii u yoor ubaa paacham na; waan cha u nya ntafadaan ni kpala.

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Aisaya 10:33

Tɔ, Uwumbɔr Mpɔɔnsakpiindaan ga daa bi lii ni ke baah gaa bar isubon lir ni kitiŋ pu na. Bininyuum ni kigaadam mɔmɔk ga doon kitiŋ le ki kpaln yaansara aanib.

Aisaya 13:11

Uwumbɔr len ke, “M ga joo ni falaa kitiŋ kee pu aan ki daa titunwanbirdam mɔmɔk aatafal baatunwanbir pu. Umɔk kpa kigaak ni mbiin na, m ga daa utafal ki sunn bigaadam mɔmɔk taab.

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 13:9

Uwumbɔr aawiin choo, nwiin mu ga joo ni libiil, ni liŋuusakpeln, ni libiil li wu ke mmii na choo. Kitiŋ kee ga kpaln kitiŋ ki kaa kpa nibaa ki pu na la, le titunwanbirdam mɔmɔk ga doo.

Aisaya 14:15

Le u tee joo ni si di dan taab taab nin chee nyoo sakpen na, kitekpiitiŋ ni.

Aisaya 23:9

Uwumbɔr Mpɔɔnsakpiindaan le kpokl kina. U kpokl kina ke u kuln baagaak, ni baah tun pu na, ki jinn baaninyuum inimɔɔn.

Aisaya 24:21

N‑yoonn choo, le Uwumbɔr ga daa ipɔɔn i bi paacham na, ni bibɔrkpaam bi bi taab na aatafal.

Aisaya 24:4

Kitiŋ kuur ki yɔl a; dulnyaa mɔmɔk aanib aataakpab yɔl; taab ni paacham bur a.

Aisaya 40:23

U sunni bitinjoob bi pɔɔ sakpen na taab, le baa ki bi tibaa ni.

Aisaya 42:15

M ga ber ŋigongon ni ŋijoo mɔmɔk ki cha timoor ni isui mu kuur. M ga di nnyun aafatann kpaln nteer ki cha tibɔr mu aanyun foor.

Aisaya 5:15

Inimɔɔn ga chuu unibɔn mɔk, le bigaadam na ga sunn bibaa taab.

Aisaya 61:2

U tun ni mi ke m nan moon ke n‑yoonn fuu ni, buyoonn Uwumbɔr ga gaa waanib lii ki nyaŋ waadim na. U tun ni mi ke m nan sɔŋ binib bi wii na aasui,

Jeremia 12:9

Maanib bi m lee bi na naahn unyoon u kaasaa mam mann gob u na la. Yin ni ipeel aan i mu nan ji njim ngbaan.

Jeremia 13:9

“Kina le m ga bii Juda ni Jerusalem yaab aagaak sakpeŋ ngbaan.

Jeremia 30:7

Ijawaan sakpiin aawiin mubaa choo; nwiin ngbaan aaŋeen aatɔ aan li bi, maanib aapombiin aayoonn le bi na, bi mu tee ga ŋmar.”

Jeremia 46:10

Din wee le ye Tidindaan Uwumbɔr Mpɔɔnsakpiindaan aawiin, din le u ga teen waadim; din le u ga daa waadim aatafal. Waajaak aajuk ga geei bi ki ti bab, le ki nyu baasin ki ti gbii. Din wee le Uwumbɔr Mpɔɔnsakpiindaan ga di waadim toor kitork ŋŋangan wɔb, Yufrates aamɔɔl chee.

Jeremia 50:31

“Babiloŋ, aa kpa kigaak sakpen a, kina pu le min, Dindaan Uwumbɔr Mpɔɔnsakpiindaan nyan sil aa pu. N‑yoonn fuu ni ke m daa aatafal.

Esekiel 13:5

Baa kiir kitiŋ ngbaan aagon nin chee kar lir na, kaa maa leŋni ŋigon ngbaan pu, kina pu na, Uwumbɔr aatɔb aawiin daal yaa nan fuu ni kan, Israel aatiŋ aan ŋmaa kiir kibaa.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Amos 5:18

Naan nan li ŋan tii nimi bi kii Uwumbɔr aawiin ngbaan na. Nwiin ngbaan daal aan nan joo ni tiwan nibaa ni ŋan. Ba pu? mu ga nan li ye libɔmbɔln ŋmeen kaan li kpa nwiihn.

Maika 2:3

Kina pu le Uwumbɔr bui ke, “M bi dakl ke m joo ni tibɔbir nan lii ni pu la, le naan ŋmaa nya ti ponn ni. Ni ga kan ke ni bi tibɔr ni la, le naan ki chuun kigaak aasachuln.

Maika 5:11

M ga bii nimi aatim mɔmɔk, le ki ber naah maa tiwan ni mɔmɔk kiir nibaa na.

Sefania 1:16

mu ga li ye nwiin mundaal bijab ga pii butɔb aakpiin, ki faa butɔb aakuun, ki tak ntim mu bi maa tidifɔfɔŋ ni ŋigon kiir mu na la.

Sefania 3:11

N‑yoonn ngbaan na, nimi maanib aan ki san inimɔɔn ke ni nan nyan mpuwɔb. M ga nyan binib bi mɔmɔk kpa kigaak ni kipupuk na ni ponn ni, le naan ki li kpa kalimbaani maagongoln li bi chain na pu daalbaadaal.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Malakai 4:5

“Tɔ, waahr aan min Uwumbɔr aawinbiik ngbaan daal nin fuu ni na, m ga tun ni maabɔnabr Elaija ni chee.

Matiu 23:12

Unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

Tibɔnyaan ti Luk ŋmee ti na 14:11

Naatataa le ye ke unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

1 Korenti 5:5

ni di udaan ngbaan ŋa kinimbɔŋ aaŋaal ni, ke ki cha uwon ji falaa dulnyaa wee ponn ni. Nima le waawiin ga ŋmar bundaln Tidindaan ga ji binib tibɔr na.

1 Tesalonika 5:2

Ba pu? nimi nibaa nyi mbamɔm ke Tidindaan aawiindaal ga fuu ni ke unaayuk aah fuur ni kinyeek pu na la.

Jemisi 4:6

Tɔ, Uwumbɔr tii timi nterm ki jer kina, le waagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”