Aisaya 2:11 - Uwumbɔr aagbaŋ

¹¹ Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 2:11 ပူးပေါင်းရင်းမြစ်များ

2 Samuel 22:28

Aa gaal binib bi sunn bibaa taab na lir, le ki sunn binib bi kpa kigaak na taab.

Ilahn 18:27

Aa gaal binib bi sunn bibaa taab na lir, le ki sunn binib bi kpa kigaak na taab.

Ilahn 18:28

Uwumbɔr, sin le tii mi nwiihn; sin le jenn maabɔmbɔɔn.

Ilahn 20:8

Kina aanib ga gbeer le ki lir, le tima ga fii nyal sil.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 46:11

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 94:2

Sin le ye unibɔn mɔmɔk aabɔjir; fii sil ki tii bigaadam tiwan ni ŋeer bi na.

Ŋiyataŋak 16:5

Uwumbɔr aa gee unii u yoor ubaa paacham na; waan cha u nya ntafadaan ni kpala.

Ŋiyataŋak 30:13

Binib bibaa bi, ki dak ke bi ŋan sakpen, bi po dak ke bi ŋan ni ti nyaŋ la.

Aisaya 10:12

Uwumbɔr nan ki bui ke, “M yaa doo maah bi tun lituln li Sionn Aajool pu ni Jerusalem ni na kan, m ga daa Asiria aabɔrkpaan ngbaan aatafal, waah puk tipupuur timɔk na, ni waamakl ngbaan pu.”

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 12:4

Nwiin mubaa ga fuu ni le binib ga gaa nlahn ke, “Doon Uwumbɔr man. Yin u ke u ter nimi man. Tuk ŋitimbol mɔmɔk waah ŋa pu na man. Tuk bi waah kpa liyimbil pu na man.

Aisaya 13:11

Uwumbɔr len ke, “M ga joo ni falaa kitiŋ kee pu aan ki daa titunwanbirdam mɔmɔk aatafal baatunwanbir pu. Umɔk kpa kigaak ni mbiin na, m ga daa utafal ki sunn bigaadam mɔmɔk taab.

Aisaya 14:15

Le u tee joo ni si di dan taab taab nin chee nyoo sakpen na, kitekpiitiŋ ni.

Aisaya 2:17

Unibɔn aagaak ga doo, le unibɔn aakalmbaani mu kuln. Ŋiwaa mɔmɔk ga kuln, le Uwumbɔr baanja le ga kan kipak ni nnyuŋ nwiin ngbaan daal.

Aisaya 23:9

Uwumbɔr Mpɔɔnsakpiindaan le kpokl kina. U kpokl kina ke u kuln baagaak, ni baah tun pu na, ki jinn baaninyuum inimɔɔn.

Aisaya 24:21

N‑yoonn choo, le Uwumbɔr ga daa ipɔɔn i bi paacham na, ni bibɔrkpaam bi bi taab na aatafal.

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 26:1

Nwiin mubaa choo, le binib ga gaa nlahn mumina Juda aatiŋ pu: Timi aatisakpeŋ pɔɔ. Uwumbɔr ubaa le kii kaagon.

Aisaya 28:5

Nwiin mubaa choo, le Uwumbɔr Mpɔɔnsakpiindaan aapak ga li naahn ubɔr aayikpupuk ki tuu nsupuun na aah kpa kipak pu na, ki tii waanib bi ŋmar na.

Aisaya 29:18

Nwiin ngbaan daal yaa nan fuu ni kan, bitafakpaab ga ŋun baah karni kigbaŋ kibaa pu na, le bijoom bi nan bi mbɔmbɔɔn ni na ga likr binimbil ki li waa.

Aisaya 30:18

Nee mɔmɔk pu na, Uwumbɔr beenin si kii ke u san nimi kinimbaak. Waah tun ni ŋan na pu na, u gor ke u san nimi kinimbaak. Binib bi di bibaa tii Uwumbɔr na kpa mpopiin.

Aisaya 30:23

N‑yoonn mumɔk ni bun nimi aajikaabim na kan, Uwumbɔr ga cha utaal nu, aan mu muun ki ŋa mbamɔm, le nimi aawakor mu ga kan timoor pam ki ŋmɔ.

Aisaya 37:23

Aa dak ke ŋma aa bi seei ki ŋani u mbɔnyun? Saa pak mi, Israel yaab Aawumbɔr u bi chain na kpala.

Aisaya 4:1

N‑yoonn ngbaan yaa nan fuu ni kan, bipiib bilole ga buen ti bub chuu ujabaan ki bui u ke, “Ti ga ŋmaa kpiin tibaa ki mu gbab tibaa, aa mu tee cha ti li yin si ke tichal, aan ki nya maakpayal aanimɔɔn ni.”

Aisaya 40:23

U sunni bitinjoob bi pɔɔ sakpen na taab, le baa ki bi tibaa ni.

Aisaya 52:6

N‑yoonn choo le ni ga bee ke m sil ye Uwumbɔr ki bui nimi tibɔr tee.”

Jeremia 12:9

Maanib bi m lee bi na naahn unyoon u kaasaa mam mann gob u na la. Yin ni ipeel aan i mu nan ji njim ngbaan.

Jeremia 9:24

Unii umɔk ban u li kpa kipupuk na u li kpa kipupuk ke u nyi min Uwumbɔr, ba pu? maageehm bi n‑yoonn mɔmɔk la, le m ŋani tiwan ni tok ki ye ibamɔn na. Tiwan ni piir nsui na le na. Min Uwumbɔr le len kina.”

Esekiel 38:14

Kina pu le Tidindaan Uwumbɔr tun mi ke m ti bui Ubɔr Gog waah bi tuk u pu na ke: “Maanib Israel yaab aah bi lifuur ni na, aa ga ŋmaa di

Esekiel 38:19

Maaŋuul ngbaan ponn ni chob, le m ga cha kitiŋ dam ki puu Israel aatiŋ ni, ki li pɔɔ pam.

Esekiel 39:11

Uwumbɔr nan ki bui ke, “Nimina mɔmɔk yaa nan ŋa kan, m ga tii Ubɔr Gog kicheek Israel aatiŋ ni, nin chee bi yin ke Bisachum Aafataŋ, ki bi N‑yaan Aanyusakpem aawipuul wɔb na ni. Bi ga sub Gog ni waatɔb aajab mɔmɔk nima chee la, le bi ga li yin kifataŋ ngbaan ke, ‘Gog Aajab Aafataŋ.’

Esekiel 39:22

N‑yoonn ngbaan le Israel yaab ga bee ke min le ye Bidindaan Uwumbɔr.

Daniel 4:34

Le ubɔr ngbaan bui ke, “Ŋibin ŋilole ngbaan aah jer na, le m waan lik kitaapaak, le maalan ki gir ni m chee. Le m pak Uwumbɔr u kaa kpa ŋeen aatɔ na, ki nyuŋ u waah bi n‑yoonn mɔmɔk pu na pu. U ga li joo dulnyaa wee n‑yoonn mɔmɔk, le waanaan aan li kpa ndoon.

Hosea 2:16

le ki ga ki yin mi ke uchal, waan ki yin mi waaninkpel ke waah yin liwaal Baal pu na.

Hosea 2:18

N‑yoonn ngbaan le m ni ipeel, ni inyoon i bir na ga puu tipuukpaan tii tɔb, le ni taa ŋa maanib nibaa. M ga ki nyan butɔb aajawan mɔmɔk ni ye kijaak aajum na, ni itɔi na kitiŋ ngbaan ni, ki cha maanib li bi nsuudoon, ni lifuur ni.

Hosea 2:21

N‑yoonn ngbaan le m ga kii maanib Israel yaab aameel. M ga cha utaal nu kitiŋ pu, le kitiŋ ga ŋa tijikaar, ni ŋisubil ni olif aasui.

Joel 3:18

N‑yoonn ngbaan kan, ŋijoo mɔmɔk pu ga li ye ikpaakon la; le inaa ga li bi ŋigongon mɔmɔk pu; le Juda aakpen mɔmɔk ponn ni ga li kpa nnyun pam. Nnyun ga li puu nyan ni Uwumbɔr Aadichal ni, ki sɔŋ Sitim Aafataŋ.

Amos 9:11

Uwumbɔr ki len ke, “Nwiin mubaa choo, buyoonn m ga ki gir maa Ubɔrkpaan David aanaan mu bi ke lidichal li ber doo na. M ga ki gir fiin mu. M ga ki fiin mu siin ke mu aah nan bi pu n‑yaayoonn na.

Obadia 1:8

Nwiin mundaal m ga daa Edom yaab aatafal na, m ga ku bilandam mɔmɔk aan baalan mɔmɔk doo.

Maika 2:3

Kina pu le Uwumbɔr bui ke, “M bi dakl ke m joo ni tibɔbir nan lii ni pu la, le naan ŋmaa nya ti ponn ni. Ni ga kan ke ni bi tibɔr ni la, le naan ki chuun kigaak aasachuln.

Maika 4:6

Uwumbɔr bui ke, “N‑yoonn choo, le m ga kuun ni binib bi m daa bitafal, aan bi jin falaa tinaagbiir ni kitiyayaŋ ni na nan kpaan.

Maika 5:10

Uwumbɔr bui ke, “N‑yoonn ngbaan kan, m ga gaa nimi aataan ni chee, le ki bii nimi aataan aatɔroku tiib.

Sefania 3:11

N‑yoonn ngbaan na, nimi maanib aan ki san inimɔɔn ke ni nan nyan mpuwɔb. M ga nyan binib bi mɔmɔk kpa kigaak ni kipupuk na ni ponn ni, le naan ki li kpa kalimbaani maagongoln li bi chain na pu daalbaadaal.

Sefania 3:16

N‑yoonn choo, le bi ga nan bui Jerusalem aanib ke, “Sionn aanib, taa san ijawaan man. Taa cha niwon yɔl.

Sekaria 9:16

Nwiin ngbaan daal yaa nan fuu ni kan, Uwumbɔr ga gaa waanib lii, ke unii aah nyani waawakor linimaln ni pu na. Uwumbɔr aanib ga li moor waatiŋ ni ke kibɔryikpupuk aatakpanyaan na.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Tibɔnyaan ti Luk ŋmee ti na 18:14

M tuk nimi la, Uwumbɔr len ke ulampoogaar ngbaan aabɔr le ŋan, waa len ke Farisii aanii ngbaan aabɔr ŋan; ba pu? unii umɔk nyuŋ ubaa na, Uwumbɔr ga sunn u taab. Unii umɔk sunn ubaa taab na, Uwumbɔr ga nyuŋ u.”

2 Korenti 10:17

Uwumbɔr Aagbaŋ len ke, “Unii umɔk ban ke u puk kipupuk na, cha u puk kipupuk Uwumbɔr pu.”

2 Korenti 10:5

ki nyaŋ binib bi kpa kalmbaani ki dak ke bi kpa nlan ki jer Uwumbɔr na. Ti cha ilandak mɔmɔk kii Kristo aamɔb.

2 Tesalonika 1:10

Bi ga kan ntafadaan ngbaan bundaln Tidindaan ga gir ni na. Liyaadaal ngbaan le waanib bi mɔmɔk gaa u ki kii na ga nyuŋ u, ki pak u. Ni mu ga li bi waanib ngbaan ponn ni; ba pu? taah tuk nimi Yesu aabɔr na, ni gaa ti ki kii la.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”