Aisaya 19:4 - Uwumbɔr aagbaŋ

⁴ M ga di Ijipt yaab tii ubiindaan ubaa, ubɔrkpaan u kpa mbiin sakpen na, le u li joo bi. Min, Uwumbɔr Mpɔɔnsakpiindaan le len kina.”

Aisaya 19:4 ပူးပေါင်းရင်းမြစ်များ

Ilahn 31:8

Saa cha maadim nyaŋ mi ki chuu mi, aa tii mi nsan ke m buen maah gee nimɔk na.

Aisaya 19:2

Uwumbɔr len ke, “M cha butɔb fii Ijipt aatiŋ ni, ki cha unii ni una aabo fenn lir tɔb pu, ki cha unii ni umaantɔ fenn lir tɔb pu. Ntim mu ye tɔb puchatiib na ga fenn lir tɔb pu, le bibɔrb mu li kpak tɔb ki ban mpɔɔn.

Aisaya 20:3

Buyoonn bi nan nyaŋ Asdod aatiŋ na, Uwumbɔr nan ki bui ke, “Maatutunn Aisaya nan chuun uŋmeen, kaa tak ŋinaatak mu, ŋibin ŋitaa. Nimina le ye limɔkl ki mɔk tiwan ni ga ŋa Ijipt ni Kus aatim na.

Aisaya 20:4

Asiria aabɔrkpaan ga di biyom bi u chuu ŋitingbaln ŋilee ngbaan ni na di buen biŋmeen, kaa tak ŋinaatak mu. Mbim ni bininkpiib mɔmɔk ga chuun biŋmeen, kaan li tak ŋinaatak mu, le bimunjal dɔ; nimina le ga joo ni inimɔɔn nan tii Ijipt aatiŋ.

Jeremia 46:26

ki di bi tii binib bi ban ke bi ku bi na; m ga di bi tii Babiloŋ Aabɔr Nebukadnesar ni waajab. Le puwɔb na, binib ga nan ki li koo Ijipt aatiŋ ponn ni ke n‑yaayoonn na. Min Uwumbɔr le len kina.”

Esekiel 29:19

Tɔ, Dindaan Uwumbɔr aah len pu na sɔ: M joo Ijipt aatiŋ tii Ubɔr Nebukadnesar la. U ga koo ki yoor Ijipt aawangol mɔmɔk ke ni li ye waajab aapar.

Esekiel 30:12

M ga cha Nail Aamɔɔl foor ki kuur, aan ki di Ijipt aatiŋ ŋa bibiindam aaŋaal ni. Biwɔwɔm le ga bii kitiŋ ngbaan mɔmɔk doo. Min Uwumbɔr le len kina.”

Nahum 3:10

Le bi nan yoor Tebes aanib buen tinaagbiir ni. Bi nan gbaa ku baabim bil kitiŋ ngbaan aalɔlɔnn mɔmɔk ni. Bi nan di tikululn le gbin binib bi ye baasalolm na, le ki yakr bi tii binib bi nan nyaŋ bi ki chur bi na.

1 Samuel 23:7

Bi nan bui Sɔɔl ke David buen Keila ponn ni, le u bui ke, “Uwumbɔr di u ŋa maapɔɔn ni. David laŋ ubaa ŋa kitiŋ ki bi maa ŋigon gob ki aan ki kpa ibisamɔi na ponn ni.”