Aisaya 19:3 - Uwumbɔr aagbaŋ

³ M ban m bii Ijipt yaab aah kpokl pu na ki yɔl bitaakpab la. Bi ga buen ti bui baawaa ke ŋi ter bi, ki ga buen bipɔnijoob ni bitekpiib chee ke bi mɔk bi baah ga ŋa pu na.

Aisaya 19:3 ပူးပေါင်းရင်းမြစ်များ

2 Samuel 15:31

David aah ŋun ke Ahitofel ti kpee Absalom pu na, le u mee limeel ke, “Uwumbɔr, m gaŋ si ke aa kpeln Ahitofel aasurm mɔmɔk ŋa kijɔrk aaliin.”

2 Samuel 17:14

Le Absalom ni Israel yaab mɔmɔk bui ke, “Husai aasurm ŋan jer Ahitofel aasurm.” Uwumbɔr le nan siin ke bi taa kii Ahitofel aasurm, aan tibɔbir dan Absalom pu.

2 Samuel 17:23

Ahitofel aah kan ke bi yii waasurm na, le u diŋ waabon pu ki gir kun udo aatiŋ ni. Waah ti gor waatuln doo na, le u leen ubaa ŋŋmin ki ku ubaa. Bi nan sub u baadichal aacheek ni la.

2 Bibɔrb 1:2

Israel yaab aabɔr Ahasia nan si waabɔrdichal aachiln li bi ŋa lidichal ngbaan aapaacham na, le ki ker lir ni, ki kan titotonn pam. Kina pu le u nan tun Filistia yaab aawaal Baal‑Sebub li bi Ekronn aatiŋ ni na chee, ke bi ti baa lik ke u ga ŋmar aan waan ŋmar.

1 Bibɔrb Aabɔr 10:13

Sɔɔl aah kaa nan dii Uwumbɔr mbamɔm na, le u nan kpo. U nan yii Uwumbɔr aakaal, le ki tee ban bitekpiib chee nsurm,

Ilahn 107:27

Biwon nan gbaa, le bi chuun gbeer ke bidagbiirb na, baah nan kpa nlan mu na bee fam.

Ilahn 33:10

Uwumbɔr bii ŋinibol aalandak la; u cha baa ŋmaa tun baah ba dak pu na.

Ilahn 76:12

u sunn biyidam bi kpa kigaak na taab ki cha bibɔrkpaam san u ijawaan sakpen.

Ŋiyataŋak 21:30

Unibɔn aalan ni ichiin aan ŋmaa nyaŋ Uwumbɔr.

Aisaya 14:27

Uwumbɔr Mpɔɔnsakpiindaan puu ke u ga ŋa nimina; u fii sil ke u daa binib aatafal, le ubaa aan ŋmaa kiir u ke u taa ŋa kina.

Aisaya 15:2

Dibonn yaab jon ligongoln paab ki ti wii kiwaachuk ni. Moab yaab wii Nebo ni Medeba aatim aanib pu; bi kuu biyikpir ni bilangban mpombiin pu.

Aisaya 19:1

Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Aisaya 44:25

M ŋani bibɔɔb bijɔrb, ki cha baabɔr ti bi len ke ti ga ŋa na beer fam. M yii binimbiwolm aalan, ki mɔk ke baalan ye kijɔrk la.

Aisaya 47:12

Li joo saanyɔk mɔmɔk, ki chaa bibɔɔb chee; saah fii ubo pu na le aa nan ŋani kina. Nibaakan, ni ga ŋmaa ter si siib; nibaakan, aa ga ŋmaa faan saadim.

Aisaya 57:16

M tii maanib limɔfal, kina pu na, maan ki galn bi ki gee liŋuul bi pu ki ti saa n‑yoonn mu kaa kpa ndoon na. M yaa ŋa kina kan, bi ga fik.

Aisaya 8:19

Le binib ga bui nimi ke ni buen bibɔɔb, ni binyɔkdam, ni bipɔnijoob chee ki ti baa bi ke, “Ti ga ŋa kinye?” Bi ga len ke, “Ni ŋan ke binib li buu ibɔɔ ki baa lik bibaa pu.”

Jeremia 46:15

Ni ŋa kinye aan nimi aawaasakpeln Apis lir? Uwumbɔr le faa li lii.’

Esekiel 21:7

Bi yaa baa si ke ba ŋa aa du kan, aa bui bi ke tibɔchann ti choo na pu le aa du. Ti yaa nan fuu ni kan, ijawaan ga gbiin bisui, biŋaal ga yɔl ki jɔnn, baajakaab ga wɔŋ, le bitaŋaayil ga li gbaa. N‑yoonn ngbaan fuu ni a; mu fuu ni do a.” Aadindaan Uwumbɔr le len kina.

Esekiel 22:14

Aa dak ke m yaa doo saabɔr kan, aa ga ki li kpa ntaakpab pɔɔn bee mpɔɔn mubaa gur ki di yoor aaŋaal paacham aa? Min Uwumbɔr le len, ki ŋani maah len pu na.

Daniel 1:20

Mbaan mubaa aa nan bi ubɔr baa, bee limukl libaa dan, aan binachipɔm binaa ngbaan aa ŋmaa gar. Bi nan nyi tiwan ki jer bibɔɔb, ni binib bi joo inyɔk tun iwaan aatuln ki bi nnaan ngbaan ni na.

Daniel 2:2

le ki tun ke bi yin ni waabɔɔb, ni binib bimɔk joo inyɔk tun iwaan aatuln na ke bi dan ki nan kpiir tidaŋ ngbaan aatataa aah ye pu na tuk u. Baah fuu ni ki nan sil unimbiin ni na,

Daniel 5:7

Le u teen ke ubaa yin ni bibɔɔb, ni binib bimɔk joo inyɔk tun lituln na ke bi dan. Baah koo ni na, le ubɔr bui bi ke, “Unii u ŋmaa karn ŋŋmeen mue ki tuk mi mu aatataa na kan, bi ga peen u ŋibɔrbɔkul ŋi ŋmal mmam ni nsiin na, ki gbin u salmaa aaleen mu kpa kipak na uneen ni, aan u li ye unii tatar u aaninkpir paa m pu, nnaan mue ni na.”

1 Samuel 25:37

Le ndaan aah nyan unimbil ni na, le u tuk u ti mɔmɔk. Usui nan fii sakpen, le u lir, kaa ki ŋmaa ŋa nibaa.