Aisaya 19:18 - Uwumbɔr aagbaŋ

¹⁸ N‑yoonn ngbaan yaa nan fuu ni kan, bi ga li len Israel yaab aaliin, Ijipt aatim muŋmu ni la. Nima chee aanib ga li gur puur baapuur Uwumbɔr Mpɔɔnsakpiindaan aayimbil pu la. Ntim ngbaan kibaa aayimbil le ga li ye ke, “Nwiin Aatiŋ.”

Aisaya 19:18 ပူးပေါင်းရင်းမြစ်များ

Mpiin 11:1

Njan na, dulnyaa aanib mɔmɔk nan len iliinbaan la.

Nehemia 10:29

sil do ki kpaan timi aayidam chee ki puu tipuur timina, ke ti ga gaa Uwumbɔr Aakaal mu u nan di tii ni waatutunn Moses na; ti ki puu tipuur ke ti ga kii Tidindaan Uwumbɔr aamɔb mbamɔm, ki ga li joo waakaal ni waah ban pu na mɔmɔk.

Ilahn 68:31

Bininkpiib ga nya ni Ijipt ki dan; Kus yaab ga yoor biŋaal paacham ki mee Uwumbɔr.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 14:1

Uwumbɔr ga ki gir san waanib Israel yaab kinimbaak ki lee bi ke uyaab. U ga ki cha bi ki koo baatiŋ ponn ni, le biwɔwɔm ga dan nan li bi bi chee.

Aisaya 19:19

N‑yoonn ngbaan yaa nan fuu ni kan, Uwumbɔr Mpɔɔnsakpiindaan aatork aabimbiln ga li bi Ijipt aatiŋ pu, le bi ga maa ligoln waayimbil pu Ijipt aatiŋ aanaanmɔk.

Aisaya 19:21

Uwumbɔr ga di ubaa mɔk Ijipt aanib, le bi ga bee u ki doon u, aan ki joo ni kitork ni ipiin nan tii u. Bi ga puu tipuur bamɔnn tii u le ki ŋa baah puu pu na.

Aisaya 2:11

Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Aisaya 65:16

Unii umɔk bi kitiŋ ngbaan pu na yaa ban tinyoor kan, u ga cha Uwumbɔr u ŋani waah len pu na le ŋa tinyoor ŋa u pu. Umɔk ban u puu tipuur na ga di Uwumbɔr u ŋani waah len pu na aayimbil le puu tipuur. N‑yoonn mu jer na aabɔbir mɔmɔk ga kuln.”

Jeremia 12:16

Bi yaa gaa maanib aah dii nsan mu na, ni bisui mɔmɔk, ki puur tipuur ke, ‘Uwumbɔr u bi na’ pu, ke baah nan cha maanib puur tipuur tii liwaal Baal pu na kan, bi mu ga li bi maanib ponn ni ki ga kan liwangol.

Sefania 3:9

“N‑yoonn ngbaan le m ga kpeln ŋitimbol ngbaan aanib aabimbin, le bi ga li gur mee min baanja ki taa ki mee liwaal libaa. Bi mɔmɔk ga kii maamɔb.

Sekaria 2:11

N‑yoonn ngbaan kan, ŋitimbol pam ga dan Uwumbɔr chee, ki nan kpaln waanib. U ga nan li koo ni chee, le ni ga bee ke uma le tun ni mi.

Ikaal 10:20

Ni kii Nidindaan Uwumbɔr aamɔb aan ki li dooni uma baanja. Ni li si chob ki dii u mbamɔm, ki li puur tipuur waayimbil baanja pu.