Aisaya 19:1 - Uwumbɔr aagbaŋ

¹ Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Aisaya 19:1 ပူးပေါင်းရင်းမြစ်များ

Ilahn 104:3

le ki maa saadichal nnyun mu bi paab na aapaacham. Aa di ntaalangbam le ŋa saataan aatɔroku, le ki dik libuln aafeen pu.

Ilahn 104:34

Usui li piin maalahn pu, ba pu? maapopiin mɔmɔk nya ni uma chee la.

Ilahn 18:9

U nan daa kar kitaalangbaŋ ki sunn ni, le ntaalangbam bɔmbɔm bi utaapɔtan taab.

Ilahn 68:4

Gaa ilahn tii Uwumbɔr man, gaa ilahn ki pak waayimbil man; toor nsan tii Uwumbɔr u chuun ntaalangbam pu na man. Waayimbil le ye Uwumbɔr, cha nisui li piin unimbiin ni man.

Nnyam 12:12

“Kinyeek ngbaan le m ga chuun Ijipt aatiŋ ni, ki ku njan aabijabim mɔmɔk, binib ni tiwakor mɔmɔk, ki daa Ijipt yaab aawaa aatafal. Min le ye Uwumbɔr.

Aisaya 13:1

Amos aajapɔɔn Aisaya aah gaa Uwumbɔr chee Babiloŋ aanaŋ i na sɔ:

Aisaya 13:7

Unibɔn mɔmɔk aawon ga yɔl, le ujakaan mɔmɔk ga san ijawaan.

Aisaya 19:16

N‑yoonn mubaa choo le Ijipt yaab ga nan li diin ke bipiib na. Uwumbɔr Mpɔɔnsakpiindaan yaa taln uŋaal ke u daa bitafal kan, biwon ga li gbaa ijawaan pu la.

Aisaya 21:9

Libuul ngbaan ni, le bi nyan ni. Bijab jak itaan, ki dii tɔb bilelee. Ukikiir ngbaan tuk mi waah kan pu na, “Babiloŋ lir a. Baah nan dooni ŋiwaa ŋimɔk na lir kitiŋ ki wii a.”

Jeremia 25:19

Binib bi mu nan ki nyun ki ponn ni na sɔ: Ijipt aabɔr, ni waaninkpiib, ni biyidam, Ijipt aanib mɔmɔk, ni biwɔwɔm bi mɔmɔk bi Ijipt aatiŋ ni na, Us aatiŋ aabɔrb mɔmɔk, ni Filistia aatim mumina: Askelonn, ni Gasa, ni Ekronn, ni Asdod aatiŋ ki gur siib na aabɔrb mɔmɔk; ni Edom, ni Moab, ni Amonn aatim aanib mɔmɔk; ni Taya ni Saidonn aatim aabɔrb mɔmɔk; ni Kaasisik ni Aanyusakpem aatim aabɔrb mɔmɔk; ni Dedann, ni Tema, ni Bus aatim mɔmɔk; ni binib bi mɔmɔk chee biyigbeer pu aayikpir na, ni Arabia aabɔrb mɔmɔk; ni nteersakpiin ni aanibol aabɔrb mɔmɔk; ni Simri, ni Elam, ni Media aatim aabɔrb mɔmɔk; ni ŋŋangan wɔb, ni duun na, ni ni daa na, aabɔrb mɔmɔk ubaabaa. Kitiŋ kee pu aatimbol mɔmɔk ga nyu ki ponn ni. Gbelngbeln yoo le nan ye Babiloŋ aabɔr u ga nyu ki ponn ni na.

Jeremia 4:13

Lik man, udin le choo ke ntaalangbam na. Waajaak aataan, ni yaatɔroku mam bi ke kinaakpaajabuŋ na la, le waataan ŋmaa san mala mala jer ŋikaagii. Ti kuln a. Timi aamɔfal junn a.

Jeremia 44:8

Ba ŋa ni dii ŋiwaa ki toor kitork tii ŋiwaa Ijipt ni do, nin chee ni dan nan koo na, ki ŋani mi liŋuul? Ni ŋani kina ke ni kuln, aan binib li lik nimi fam ki joo nimi aayimbil puuni lir biken pu la aa?

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Jeremia 51:44

M ga daa Babiloŋ aawaal Bel aatafal, ki cha li giin laah sun tiwan ni na mɔmɔk; ŋitimbol aan ki li dooni li.

Esekiel 30:13

Tidindaan Uwumbɔr ki len ke, “M ga kuln ŋiwaa ni inyɔk Memfis aatiŋ ni. Ubaa aan ki li bi ki ye Ijipt aatiŋ aajojoor, le m ga cha ijawaan sakpiin chuu kaanib mɔmɔk.

Joel 3:19

Ijipt ni Edom aatim ga kpaln nin chee nnyun aa bi na la. Litambol ŋmeen le ga li gur bi nima, ba pu? bima le buen ti tak ki ku Juda aanib bi kaa tun taani ubaa na.

Nahum 1:1

Uwumbɔr aabɔnabr Nahum u nyan ni Elkos aatiŋ ni na aah nan kan Ninefa aatiŋ aabɔr ti na sɔ. Uwumbɔr le nan kpiir ti mɔk u.

Nahum 1:3

Uwumbɔr aaŋuul aa fiir mala mala, le u tee kpa mpɔɔn sakpen, le ki dar binib bi aabɔr aa ŋan na aatafal, kaa joo cha pinni bi. Kitaabuŋ fii nin chee Uwumbɔr chuun na la; utaa aatangbaak le ye ntaalangbam.

Sekaria 10:11

Bi yaa nan nyan baabɔbir ti wiir ke nnyusakpem na ni kan, le min Uwumbɔr ga nyii tinyunkpenn, le Nail aamɔɔl ga foor ki cha kitikuun. M ga sunn Asiria aatiŋ aagaak taab, le mpɔɔndaan Ijipt aatiŋ aapɔɔn ga doo.

Sekaria 14:18

Ijipt yaab yaa yii kaa ji Tikakar Aajim kan, iweenbaan i Uwumbɔr tii litimbol limɔk yii kaa chaa na le ga lir bi pu.

Nkahm 33:4

N‑yoonn ngbaan, Ijipt yaab nan bi sui baajan aabijabim mu Uwumbɔr nan ku bi na la. Uwumbɔr aah nan ŋa kina na, u nan cha Ijipt yaab bee ke u kpa mpɔɔn ki jer baawaa mɔmɔk.

Ikaal 33:26

Israel aanib, ubaa aa ki bi ke nimi Aawumbɔr na, uma le bi paacham, ntaalangbam ni, ki ter nimi.

Josua 2:11

Taah ŋun kina na, le ijawaan chuu timi, ti mɔmɔk aataakpab yɔl ni pu a. Nidindaan Uwumbɔr le ye paacham ni kitiŋ mɔmɔk Aawumbɔr.

Josua 2:24

le ki bui ke, “Ni sil ye mbamɔn, Uwumbɔr le di kitiŋ ngbaan tii timi. Binib bimɔk bi nima na aapobil fii a.”

Josua 2:9

le ki ti bui bi ke, “M bee ke Uwumbɔr le di kitiŋ kee tii nimi. Unii umɔk bi kitiŋ kee ni na aapobil yuk ni pu la.

Tibɔkpiirkaan 1:7

Lik, u ga dii ntaalangbam ni ki dan. Binib mɔmɔk aanimbil ga kan u. Binib bi nan saa u na mu ga kan u. U pu, le ŋinibol ŋimɔk bi dulnyaa wee ni na ga wii. Ni ye mbamɔn la. Amii.