Aisaya 18:7 - Uwumbɔr aagbaŋ

⁷ N‑yoonn choo le Uwumbɔr Mpɔɔnsakpiindaan ga nan gaa ipiin nyan ni kitiŋ ki ŋimɔɔ yakr ki na chee, litimbol ngbaan le kpa mpɔɔn ki pɔɔ, le ki kpa binib bi fɔk, aan biwon joon kpal kpal, aan dulnyaa wee aanib san bi ijawaan na. Bi ga li joo ni ipiin ngbaan ki dan Sionn aajool pu, nin chee bi dooni Uwumbɔr Mpɔɔnsakpiindaan na.

Aisaya 18:7 ပူးပေါင်းရင်းမြစ်များ

2 Bibɔrb Aabɔr 32:23

Binib pam nan dan Jerusalem ki joo ni ipiin nan tii Uwumbɔr ni Hesekia, le Hesekia nan kan liyimbil ŋitimbol mɔmɔk chee ki joo cha.

Ilahn 68:32

Dulnyaa wee ni aanaan, gaa ilahn tii Uwumbɔr man, gaa ilahn ki pak uma Uwumbɔr

Aisaya 16:1

Sela aatiŋ ki bi nteersakpiin pu na, le Moab aanib di upihbo tun tichandaan, uja u joo Jerusalem na chee.

Aisaya 18:2

Kitiŋ ngbaan ni le bininkpiib bi si baatiŋ aasisiiyaan na nyan ni Nail aamɔɔl ni, ki bi iŋɔi i bi di tikal ŋa i na ni. Ntuun tiib bi ŋmaa chuun mala mala na, gir kun man. Gaa man inaŋ ki di buen nimi aatiŋ ki ŋimɔɔ yakr ki, aan ki ye litimbol li kpa mpɔɔn sakpen, aan kaanib fɔk, aan biwon joon kpal kpal, bi dulnyaa mɔmɔk aanib san bi ijawaan na chee.

Aisaya 18:4

Uwumbɔr bui mi ke, “M ga li bi kitaapaak ki lik ni suuna ke lijikaacheel yoonn aamaln aah naani kinyeek pu na, ki lik chimm ke nwiin aah wiin nwiin pu pu na.

Aisaya 45:14

Uwumbɔr bui Israel yaab ke, “Ijipt ni Kus aatim aawangol ga kpaln nimi yaan la, le Seba aatiŋ aajab bi fɔk sakpen na ga ŋa nimi aanaagbiib; ni ga di tikululn le di dar bi buen. Bi ga gbaan ninimbiin ni le ki gaŋ nimi ki bui ke, ‘Uwumbɔr bi ni chee, uma baanja le ye Uwumbɔr.

Maika 4:13

Uwumbɔr bui ke, “Jerusalem aanib, li cha ti daa nimi aadim aatafal man. M ga cha ni li pɔɔ ke unaaja u kpa tikur aayiin ni tikumann aataabuseen na. Ni ga ber ŋitimbol pam, le baah di mpɔɔn kan liwangol li na, ni ga joo ni li nan tii min, u ye dulnyaa mɔmɔk Aawumbɔr na.”

Habakuk 1:7

Bi ye binib bi biken san bi ijawaan sakpen na la, le ki kpa kigaak ki ŋani baah gee pu na.

Sefania 3:10

Hali maanib bi yaa ki bi Kus aatiŋ ni dandar dandar na ga joo ni ipiin nan tii mi.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Matiu 2:11

Le bi koo lidichal ngbaan ni, ki ti kan ubo ngbaan ni una Mari. Bi nan gbaan kitiŋ ki doon ubo ngbaan, le ki chuu piir baataakɔr ki tii u ipiin. Bi nan tii u salmaa, ni tulalee u bi yin u ke frankinsense, ni tulalee u bi yin u ke mir na.