Aisaya 18:3 - Uwumbɔr aagbaŋ

³ Unii umɔk bi kitiŋ kee pu na, li pel man. Lik ban limɔkl aatuutaa u ga fii paacham ŋijoo pu na man. Li pel man ukpiin aah wii pu na.

Aisaya 18:3 ပူးပေါင်းရင်းမြစ်များ

Ilahn 50:1

Tidindaan Uwumbɔr Mpɔɔnsakpiindaan le len na; u yin kitiŋ kee pu yaab mɔmɔk ki nyan liwipuul ki ti saa liwilir wɔb.

Aisaya 1:2

Uwumbɔr len ke, “Kitiŋ ni paacham, li pel man maah len pu na. Binib bi m kpiin bi na fii sil m pu.

Aisaya 11:12

Uwumbɔr ga yoor limɔkl aatuutaa paacham, ki mɔk ke u bi kuuni Israel ni Juda yaab bi nan yaa ki bi ntim yayam ni na, ki nyan ni bi dulnyaa aapepel ŋinaa na mɔmɔk ni.

Aisaya 13:2

Ligongoln li kaa kpa nibaa na pu le butɔb aatuutaa fii. Teen ki bui butɔb aajab ngbaan, ki yoor aaŋaal paacham ki mɔk bi ke bi ti tak kitisakpeŋ ki kpa kipupuk na aabisamɔi.

Aisaya 13:4

Li pel kifuuk ŋijoo ngbaan pu man, ni ye kinipaak sakpeŋ aafuuk; kifuuk ngbaan ye ŋitimbol ni nnaan aanib le bi kuuni tɔb chee. Uwumbɔr Mpɔɔnsakpiindaan le bi gor bijab ke bi buen butɔb.

Aisaya 26:11

Saadim aa nyi ke aa ga daa bitafal. Uwumbɔr, jinn bi inimɔɔn ki cha bi ji falaa; cha bi kan ntafadaan mu aa siin bi na. Mɔk bi saah gee saanib sakpen pu na.

Aisaya 31:9

ijawaan pu, le baabɔrkpaan ga san, baaninkpiib aawon ga li gbaa sakpen aan bi di baatuutaa mam di mee.” Uwumbɔr u bi dooni u Jerusalem aatiŋ ni, nin chee waatork aamii gaal na, le len kina.

Aisaya 49:22

Tidindaan Uwumbɔr bui waatimbol ke: “M ga tii ŋitimbol limɔkl aan bi kunn ni saabim.

Aisaya 5:26

Uma Uwumbɔr yin dandar aatimbol. U foo ifoo ki yin bi ke bi nyan ni dulnyaa aanaan mɔmɔk ni ke bi dan. Le bi san ni mala ke libuln na ki choo.

Aisaya 7:18

“N‑yoonn ngbaan yaa nan fuu ni kan, Uwumbɔr ga foo ifoo le ki mɔk Ijipt yaab ke bi fii ni ke tisibir na ki nyan ni Nail aamɔɔpan mɔmɔk; le Asiria yaab mu ga fii nyan ni baatim ni ke inangbee na ki dan.

Jeremia 22:29

Kitiŋ, kitiŋ, kitiŋ, li pel Uwumbɔr aah len pu na.

Jeremia 51:27

“Tii limɔkl ke bi ti tak. Pii ukpiin ki cha ŋitimbol ŋun. Gor ŋitimbol ngbaan ke ŋi ti to Babiloŋ butɔb. Bui Ararat, ni Minni, ni Askenas aanaan ni yaab ke bi ti tak. Ban uninkpel u ga loln bi pu nsan na. Cha itaan dan ke kitoonpaak na.

Maika 1:2

Ŋitimbol mɔmɔk, ŋun tibɔr tee man, binib bimɔk bi kitiŋ kee pu na, li pel man tibɔr tee. Uwumbɔr Mpɔɔndaan ga len ibamɔn, le ki galn nimi. Li pel man. U bi waapaacham aadichal ni le ki len ni.

Maika 6:2

Nimi ŋijoo, nimi n‑yoonn mu kaa kpa ndoon na aatinyik, li pel Uwumbɔr aabɔr man. Uwumbɔr ni waanib le kpa tibɔr. U ban ke u joo ni ngalm Israel aanib pu la.

Maika 6:9

Ni ye nlan aawan le ke ti li san Uwumbɔr. U yin kitiŋ ngbaan ni aanib ke, “Li pel man, nimi bi kuun kitiŋ ngbaan ni na.

Sekaria 9:14

Uwumbɔr ga li bi paacham ki di ubaa mɔk waanib, u ga too waapiin ke utaal aah moor pu na la. Bidindaan Uwumbɔr le ga pii ukpiin; u ga li chuun titaabunn ti nyan ni ŋŋangii wɔb na ni la.

Matiu 13:16

“Nimi maadidiliib, Uwumbɔr aanyoor bi ni pu; ba pu? ninimbil woln, nitafal mu ŋun.

Matiu 13:9

“U kpa litafal na kan, u ŋun.”