Aisaya 18:2 - Uwumbɔr aagbaŋ

² Kitiŋ ngbaan ni le bininkpiib bi si baatiŋ aasisiiyaan na nyan ni Nail aamɔɔl ni, ki bi iŋɔi i bi di tikal ŋa i na ni. Ntuun tiib bi ŋmaa chuun mala mala na, gir kun man. Gaa man inaŋ ki di buen nimi aatiŋ ki ŋimɔɔ yakr ki, aan ki ye litimbol li kpa mpɔɔn sakpen, aan kaanib fɔk, aan biwon joon kpal kpal, bi dulnyaa mɔmɔk aanib san bi ijawaan na chee.

Aisaya 18:2 ပူးပေါင်းရင်းမြစ်များ

2 Bibɔrb Aabɔr 14:9

Kus aanii ubaa, bi nan yin u ke Sera nan di bijab ŋichur ŋichur lichur, ni itaan aatɔroku tiib ikui itaa koo Juda aatiŋ ni, ki yoor ti saa Maresa aatiŋ ni.

2 Bibɔrb Aabɔr 16:8

Kus ni Libia aajab aa nan wiir ki kpa itaan aatɔroku tiib ni bitandam ki jer kina aa? Tɔ, saah nan lik Uwumbɔr pu na, u nan cha aa nyaŋ bi.

Job Aagbaŋ 9:26

Maamɔfal jer mala ke buŋɔb bu ŋmaa chuun sakpen na la, ki naahn likaagiil aah booni pu ke li ti chuu sandee na la.

Nnyam 2:3

Buyoonn u ti bee ke waan ki ŋmaa bɔr u na, le u ban kibɔɔkuuk, le ki ban tiwan teŋ ki ponn ni aan nnyun taa koo u chee, ki nan di ubo ngbaan ŋa kibɔɔkuuk ngbaan ponn ni, le ki di u ti bɔr tikal ni, limɔɔl aagbaan.

Aisaya 18:7

N‑yoonn choo le Uwumbɔr Mpɔɔnsakpiindaan ga nan gaa ipiin nyan ni kitiŋ ki ŋimɔɔ yakr ki na chee, litimbol ngbaan le kpa mpɔɔn ki pɔɔ, le ki kpa binib bi fɔk, aan biwon joon kpal kpal, aan dulnyaa wee aanib san bi ijawaan na. Bi ga li joo ni ipiin ngbaan ki dan Sionn aajool pu, nin chee bi dooni Uwumbɔr Mpɔɔnsakpiindaan na.

Jeremia 49:14

Le m bui ke, “Edom aatiŋ, Uwumbɔr le di inaŋ tii ni mi. U tun ni ntuun ke mu nan bui ŋitimbol ke ŋi kuun ŋaajab, ki gor, ki ti tak si.

Esekiel 30:9

“Nwiin ngbaan yaa fuu ni aan Ijipt aatiŋ kuln kan, m ga tun binib iŋɔi ni, le bi ti bui Kus yaab bi kaa nyi kina pu na, le ijawaan sakpiin ga chuu bi. Nwiin ngbaan choo.”

Obadia 1:1

Tidindaan Uwumbɔr aah di tibɔr ti tuk waabɔnabr Obadia, ki joo cha Edom aatiŋ wɔb na sɔ. Uwumbɔr tun waabɔnabr ŋitimbol mɔmɔk chee, le ti ŋun waabɔr ti u tuk u na ke, “Gor nibaa man. Cha ti buen ti to Edom yaab butɔb man.”

Habakuk 1:7

Bi ye binib bi biken san bi ijawaan sakpen na la, le ki kpa kigaak ki ŋani baah gee pu na.

Tibɔnyaan ti Luk ŋmee ti na 10:19

Lik man, m tii nimi mpɔɔn, ni ti taa ikuub ni inyoohn pu, ki tii nimi mpɔɔn, ni nyaŋ timi aadin kinimbɔŋ aapɔɔn mɔmɔk, le tiwan nibaa aan ŋmaa ŋa nimi nibaa.