Aisaya 17:8 - Uwumbɔr aagbaŋ

⁸ Baan ki li lik ban baah nan di biŋaal maa ŋiwaabimbin ŋi na, kaan ki tii bibaa aaŋaal aah ŋa liwaapii Asera ni ŋiwaabimbin nin chee bi seer nnyɔknii na naadii.

Aisaya 17:8 ပူးပေါင်းရင်းမြစ်များ

2 Samuel 22:42

Bi lik ban nterm, le ubaa mu aan gaa bi lii, bi yin Uwumbɔr, le waan gar bi.

2 Bibɔrb Aabɔr 14:5

Waah nan kuln biwaadam aadoon, ni ŋibimbin ŋi pu bi seer nnyɔknii na Juda aatim ni na, le nnaan ngbaan nan kan nsuudoon waayoonn.

2 Bibɔrb Aabɔr 31:1

Njim ngbaan aah jer doo na, Israel aanib mɔmɔk nan buen Juda aatiŋ mɔk ni, le ki ti gbaa wiil ŋiwaatakpal, ki gbaa wɔi liwaapii Asera aanaŋ, ki ber ŋiwaa aatork aabimbin ni tiwaachur mɔmɔk. Bi nan ŋa Juda aatim mu gur na ni mu kina la. Bi nan ŋa kina Benjaminn, ni Efraim, ni Manase aapepel ni, le ki nin gir kun.

2 Bibɔrb Aabɔr 34:4

U nan cha waajab gbaa wɔi Baal aawaa aatork aabimbin, ki gbaa ber ŋibimbin ŋi pu bi nan seer nnyɔknii na. Bi nan nan liwaapii Asera aanaŋ ni ŋiwaa ŋiken le ni ti kpaln ntayon, le bi di ntayon ngbaan yaa yaa binib bi nan toor ŋi na aakaakul pu.

Nnyam 34:13

Ni gbaa wii baawaa aatork aabimbin, ni ŋitakpal ŋi bi dooni na, ki bii baawaapii li bi yin li ke Asera na, ni laawan mɔmɔk.

Aisaya 1:29

N‑yoonn ngbaan le nisui ga gar ke ni nan chuun dii isui ke i gaa nimi lii, ki toor kisamook ke ki ter nimi ni kan tijikaar.

Aisaya 10:20

N‑yoonn choo le Israel aanib bi ŋmar na aan nan ki li dak linibol li nan ban li ku doo bi na pu. Bi ga nan di baalandak mɔmɔk di tii bima Israel yaab Aawumbɔr u bi chain na la.

Aisaya 17:9

Nwiin ngbaan daal yaa fuu ni kan, ntisakpem mu bi kii mu mbamɔm na ga gur nkuun ni ŋilangben ke ntim mu Hif yaab ni Amor yaab nan san cha buyoonn Israel yaab nan choo na la.

Aisaya 2:8

Ŋiwaa le gbii baatiŋ ngbaan ni, le bi chuun toor tiwan ni bi di bibaa aaŋaal ŋa na.

Aisaya 27:9

Israel yaab yaa nan baawaatakpal ke nfatan na, ki kuln nnyɔknii aabimbin ni liwaapii Asera aanaŋ kan, Uwumbɔr ga di baatunwanbir cha pinn bi.

Aisaya 30:22

Ni ga yoor naah di tikunabr naan nimi aawaa ŋi na, ni naah di salmaa naan ŋi na, ki di ti mee ke ŋi ye tijɔŋ la, ki tar ke, “Taa ki ban ti kan nimi.”

Aisaya 37:19

ki see baawaa mmii, ŋi nan po ye unibɔn aah di uŋaal naan tiwan ni na la.

Aisaya 41:29

Ŋiwaa ŋimina mɔmɔk ye yɔli la; ŋaan ŋmaa ŋa nibaa kpala. Ŋiwaa ŋimina ye fam la, kaa kpa mpɔɔn mubaa.”

Aisaya 44:15

Unii ga di busub aageln libaa tuur mmii, ki di ligeln liken naan liwaal. U ga di ligeln libaa tuur mmii ke u wor ki ga ŋmaa di ŋa tijikaar, le ki di ligeln liken ŋa liwaal ki dooni li.

Jeremia 17:2

Nimi aanib dooni ŋiwaa kitork aabimbin chee, naah naan liwaapii Asera u na aanaŋ bususoom mɔmɔk taab, ni ŋigongon paab,

Esekiel 36:25

M ga di nnyunyaan le yaa yaa ni pu ki nyan nimi, nimi aawaa mɔmɔk, ni tiwan ni mɔmɔk bii nimi na aajɔŋ ni.

Hosea 14:8

Israel aanib aatafal aan ki li bi ŋiwaa ni; m ga kii baameel ki li joo bi. M ga li kii bi ke busub bu aafar aa gbaar na la; min le ye nin chee baanyoor mɔmɔk ga nya ni na.”

Hosea 14:9

Cha binib bi kpa nlan na bee tibɔr ti ŋmee do na aatataa, ki di ti ŋa bisui ni. Uwumbɔr aasan le ŋan, le binib bi aabimbin ŋan na dii ima le ki kpa limɔfal, le titunwanbirdam ma aatafal aa bi i ni, le ki gbeer ki lir.

Sefania 1:3

m ga kuln binib, ni tiwakor, ni inyoon, ni ijan mɔmɔk. M ga cha bibiindam lir baatun mɔmɔk ni. M ga kuln unibɔn, ubaa aan ŋmar. Min Uwumbɔr le len kina.

Sekaria 13:2

N‑yoonn ngbaan kan, m ga nyan ŋiwaa aayimbil mɔmɔk kitiŋ ngbaan pu, le ubaa aan ki teer ŋibɔr daalbaadaal. M ga jenn nyan unii umɔk ŋmann ke u ye maabɔnabr na, le ki nyan binib bimɔk tun lituln li kaa ŋan na kitiŋ ngbaan ni.

Ikaal 7:5

Nima pu na, ni gbaa wii baawaa aatork aabimbin, ki gbaa wii baatakpal aawaa ŋi fɔk ke jaatɔlk na yuk yuk, ki gaa baapiiwaal li bi yin li ke Asera na aawaachur lii, ki see baawaa mɔmɔk mmii.