Aisaya 17:7 - Uwumbɔr aagbaŋ

⁷ Nwiin ngbaan daal yaa fuu ni kan, binib ga fenn ki ban nterm u naan bi na chee; uma le ye Israel yaab Aawumbɔr u bi chain na.

Aisaya 17:7 ပူးပေါင်းရင်းမြစ်များ

2 Samuel 22:42

Bi lik ban nterm, le ubaa mu aan gaa bi lii, bi yin Uwumbɔr, le waan gar bi.

2 Bibɔrb Aabɔr 31:1

Njim ngbaan aah jer doo na, Israel aanib mɔmɔk nan buen Juda aatiŋ mɔk ni, le ki ti gbaa wiil ŋiwaatakpal, ki gbaa wɔi liwaapii Asera aanaŋ, ki ber ŋiwaa aatork aabimbin ni tiwaachur mɔmɔk. Bi nan ŋa Juda aatim mu gur na ni mu kina la. Bi nan ŋa kina Benjaminn, ni Efraim, ni Manase aapepel ni, le ki nin gir kun.

Ilahn 95:6

Dan man, aan ti nan gbaan ki doon u; Cha ti gbaan man Uwumbɔr u naan timi na aanimbiin ni.

Aisaya 19:22

Uwumbɔr ga daa Ijipt aanib aatafal, le ki mu ga ki sɔŋ bisui. Bi ga fenn dan u chee, le u ga ŋun baameel, le ki nyan bi baafalaa ni.

Aisaya 22:11

ni gbii limɔɔl bil kitiŋ ngbaan ponn ni ke ni chuu nnyun mu nyan ni kibukpiik kpok na ni, kaa tee dak Uwumbɔr u kpokl tibɔbir timina mɔmɔk n‑yoonn mu jer na ki cha ti ŋa kina na ma bɔr.

Aisaya 29:24

Bijɔrb ga bae nlan ki bee baah ga dii nsan mu na, le binib bi ŋulni n‑yoonn mɔmɔk na ga li gur kpa mpopiin ki gaa nsurm.”

Hosea 3:5

Tɔ, n‑yoonn tee choo, le Israel aanib ga nan ki fenn dan Bidindaan Uwumbɔr chee, ki dan ubɔr David aayaabil chee. Le bi ga li san Uwumbɔr ki gaa waapiin i ŋan na.

Hosea 6:1

Binib ngbaan len ke, “Cha ti gir Uwumbɔr chee man. U tii timi titotonn, le ki ga sil tii timi laafee; u tii timi ibuun, le ki ga sil ban litaln poo biin i pu, u ga sil ŋa kina.

Amos 3:12

Uwumbɔr ki len ke, “Samaria aanib bi ka ŋibɔrjal pu na ga nan gur siib ke Uchinn yaa chuu upiih ki ŋman kan, unaakpaal ga ti kan waah ŋman gur itaayakr bee litafal libaa pu na la. Kina le Samaria aanib siib ga ŋmar, le lijal ni tiwandookaan aageln baanja ga li gur baawangol ponn ni.”

Maika 7:7

Le mma ga li lik Uwumbɔr pu; m ga ji limɔr ki li kii Uwumbɔr u ga gaa mi lii na. Maawumbɔr ga ŋun maayim.