Aisaya 17:4 - Uwumbɔr aagbaŋ

⁴ Uwumbɔr ki len ke, “Nwiin mubaa choo, le Israel aapɔɔn ga doo, le kaawangol ga kpaln igiin.

Aisaya 17:4 ပူးပေါင်းရင်းမြစ်များ

Mpiin 41:3

Libuul ngbaan ni, le inaa ilole i kaa filk ki bi kpɔkpɔr na mu nyan ni, ki dan nan sil i filk na chee,

2 Bibɔrb 17:3

Asiria aatiŋ aabɔrkpaan Salmaneser nan faa u butɔb; le Hosea nan di ubaa tii u ke u nyaŋ u le ki pa tipar tii u libiln mɔmɔk.

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

Aisaya 10:16

Uwumbɔr Mpɔɔnsakpiindaan ga di iween di daa binib bi mɔmɔk ji n‑yaan ni nkpan dandana wee na aatafal. Mmii le ga li wu biponn ni, kaan junn.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 10:4

Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 17:3

Israel aatiŋ aan ki li kpa unii u ga li kii ki na, le Damaskus aatiŋ aan ki li bi kibaa pu. Siria yaab bi ŋmar na ga ji inimɔɔn ke Israel yaab aah ji inimɔɔn pu na la. Min, Uwumbɔr Mpɔɔnsakpiindaan le len kina.”

Aisaya 24:13

Kina le ga ŋa dulnyaa aatimbol mɔmɔk ni. Ni ga li naahn tijikaar aacheen yoonn la, buyoonn bi gbaa ker olif aakpan aasubil isui pu doo, ki ker ŋisubil ŋi gur na mu doo pu na.

Aisaya 24:16

Ti ga ŋun dulnyaa aatingbaan i bi dandar na aanib gaa ilahn ki pak Uwumbɔr u ŋan na. Nee mɔmɔk pu na le m bui ke maa kpa limakl. Nwon kpo doo a. Bibɔmbɔtukb beenin tuk tibɔr, le baabiin moo kpae.

Aisaya 9:21

Manase aanib ni Efraim aanib ga to tɔb butɔb, le ki ki gir kpaan ki to Juda yaab butɔb. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Aisaya 9:8

Uwumbɔr bui ke u ga daa Jakob aayaabitiib Israel yaab aatafal.

Esekiel 34:20

“Kina pu na, min Nidindaan Uwumbɔr bui nimi ke m ga gann nimi ipiih i pɔɔ na, ni i kaa pɔɔ na.

Amos 3:12

Uwumbɔr ki len ke, “Samaria aanib bi ka ŋibɔrjal pu na ga nan gur siib ke Uchinn yaa chuu upiih ki ŋman kan, unaakpaal ga ti kan waah ŋman gur itaayakr bee litafal libaa pu na la. Kina le Samaria aanib siib ga ŋmar, le lijal ni tiwandookaan aageln baanja ga li gur baawangol ponn ni.”

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.