Aisaya 17:3 - Uwumbɔr aagbaŋ

³ Israel aatiŋ aan ki li kpa unii u ga li kii ki na, le Damaskus aatiŋ aan ki li bi kibaa pu. Siria yaab bi ŋmar na ga ji inimɔɔn ke Israel yaab aah ji inimɔɔn pu na la. Min, Uwumbɔr Mpɔɔnsakpiindaan le len kina.”

Aisaya 17:3 ပူးပေါင်းရင်းမြစ်များ

2 Bibɔrb 16:9

Ahas aagaŋ ngbaan pu, le Tiglaf Pileser nan di waajab buen Damaskus aatiŋ pu, le ki ti nyaŋ ki, le ki ku Ubɔr Resinn, le ki chur kaanib tinaagbiir buen Kir aatiŋ ni.

2 Bibɔrb 17:6

nima le nan ye Hosea aanaan aabiwawaer ni, le Siria aatiŋ aabɔrkpaan ti nyaŋ Samaria aatiŋ, le ki chur Israel aanib tinaagbiir buen Asiria aatiŋ ni, le ki ti di bi ponn ni bibaa kaan Hala aatiŋ ni, le ki kaan biken Habor Aamɔɔl chee, Gosann aapepel ni, le ki kaan biken mu Media aatim ni.

Aisaya 10:9

M nyaŋ Kalno ni Kakemis aatim mɔmɔk, ki nyaŋ Hamaf ni Apad aatim mɔmɔk. M nyaŋ Samaria ni Damaskus aatim.

Aisaya 16:14

Le dandana wee Uwumbɔr bui ke, “Joo cha ni ŋibin ŋitaa na Moab aawangol mɔmɔk ga wɔŋ. Kaanipaak na ponn ni siib le ga ŋmar, le ki mu aan li kpa mpɔɔn kpala.”

Aisaya 17:4

Uwumbɔr ki len ke, “Nwiin mubaa choo, le Israel aapɔɔn ga doo, le kaawangol ga kpaln igiin.

Aisaya 25:2

Aa cha ntisakpem kpaln ŋilangben, ki bii ntim ngbaan aah bi nin chee na. Timi aadim aah nan maa ŋibɔrdichal ŋi na kuln, kaa ki si.

Aisaya 7:16

Waahr aan n‑yoonn ngbaan nin fuu ni na, bibɔrb bilee bi faani nimi na aatim ga kpaln tilangbenn la.

Aisaya 7:8

ba pu? Siria aapɔɔn aa fuu Damaskus ki ye Siria aatiyil na aapɔɔn, le Damaskus mu aa pɔɔ ki jer ubɔrkpaan Resinn. Israel aatiŋ ma kan, joo cha ŋibin imonko itaa ni ŋiŋmu na ki mɔmɔk ga kpar yaa tɔb chee, kaan ki ŋmaa sil ke litimbol libaa na.

Aisaya 8:4

Waahr aan u ti ŋa nlan ki ŋmaa len ke ‘Nna’ ni ‘Nte’ na, Asiria aabɔrkpaan ga gaa Damaskus aawangol ni Samaria yaab aah jenn gaa tiwan ni mɔmɔk na.”

Hosea 1:4

le Uwumbɔr bui Hosea ke, “Yin u ke ‘Jesreel,’ ba pu? naan yunn le m ga daa Israel aabɔr aatafal, uyaaja Jehu aah nan ku binib bi bi Jesreel ni na pu. M ban m kuln Jehu aanaan aadichal la.

Hosea 1:6

Gomer nan ki ma ubo uken, n‑yoonn mumina ma kan, u nan ye upiibo la. Le Uwumbɔr bui Hosea ke, “Yin u ke ‘Maaneen,’ ba pu? maan ki li neen Israel aanib, kaan ki di cha pinn bi.

Hosea 10:14

le butɔb ga lir nimi aanib pu, le nimi aatim mu kpa tijawan ki pɔɔ na mɔmɔk ga kuln. Ni ga li bi ke ubɔr Salmann aah nan kuln Bef Arbel aatiŋ butɔb ni, ki ku natiib ni baabim pu na la.

Hosea 3:4

Kina le Israel yaab mu ga li gur bi, kaa kpa bibɔrb ni bisalolm, kaan ki li kpa kitork ki toor, kaan li kpa ŋitakpal ŋi bi toor na, kaan li kpa ŋiwaa, bee tiwanaankaan nibaa ke bi li joo buu tibɔɔr.

Hosea 8:8

Israel gur bi ke ŋitimbol ŋiken aah bi pu na la, kaa bi tibaa ni ke libuul li wii na,

Hosea 9:11

Israel aayimbil ga fii buen ke unyoon na, le baan ki maa mbim, bipudam mu aan ki li bi, baan ki dek mbim aapuu.

Amos 8:14

Binib bi puuni Samaria aawaa ki len ke ‘Dann aawaal pu’, bee ‘Beerseba aawaal pu’ na, kina aanib ga lir, kaan ki fii sil daalbaadaal.”