Aisaya 17:14 - Uwumbɔr aagbaŋ

¹⁴ Kijook kan, bi kpa ijawaan, le kichakpiik ni kan, bi buen a. Unii umɔk gaa timi aatiŋ aawan mpɔɔn na aadoon le na.

Aisaya 17:14 ပူးပေါင်းရင်းမြစ်များ

2 Bibɔrb 19:3

Waah nan bui bi ke bi ti bui Aisaya pu na sɔ: “Din aawiin mue ye timi falaa aawiin la; bi daa titafal aan ki jinn timi inimɔɔn. Ti gur naahn upii u imalween joo u, u ban u maa ki mu aa ki kpa mpɔɔn u maa na la.

2 Bibɔrb 19:35

Kinyeek ngbaan le Uwumbɔr aatuun nan buen Asiria aajab ni, ki ti ku baajab ŋichur nkub ni imonko inaa ni ŋiŋmu. Nwiin mu paa na aachakpinaanyeek ni, le bi kan bi mɔmɔk kpo ki dɔ.

Job Aagbaŋ 20:29

Ubiindaan aadoon le na, Uwumbɔr aah di ndoon mu siin u na le na.

Ilahn 37:36

Puwɔb le m nan ki jer nima le waa nan ki bi; m nan ban u le kaa ki kan u.

Ŋiyataŋak 22:23

Uwumbɔr le ga len baabɔr tii bi, ki ga ku binib bi ban bi ku bi na.

Aisaya 10:25

Naan ki yunn le m ga daa nimi aatafal doo; n‑yoonn ngbaan le m ga kuln Asiria yaab kookoo.

Aisaya 21:12

Le m gar u ke, “Kichakpiik ni choo, le kinyeek mu ga ki gir ni. Aa yaa ki ban aa baa kan, aa gir ni ki nan ki baa.”

Aisaya 29:2

le Uwumbɔr ga di tibɔbir lii kitisakpeŋ ki bi yin ki ke “Uwumbɔr aatork aabimbiln” na pu. Ikpowiil ni iwiil ga li bi ki ponn ni, le kitisakpeŋ ngbaan mɔmɔk ga li gbii nsin ke kitork aabimbiln paab na.

Aisaya 29:5

Jerusalem aatiŋ, biwɔwɔm bi tak si na ga buen ke libuln aah daar titan joo cha pu na, le baajab bi kpa ijawaan na ga buen mala ke kimook aah dii libuln pu na.

Aisaya 29:7

n‑yoonn ngbaan le ŋitimbol ngbaan aajab bi bi tak kitisakpeŋ ki ye Uwumbɔr aatork aabimbiln ngbaan na aajawan ga lir ke naah ye tidaŋ le na, ki naahn ke unii aah dɔ geen kinyeek ki dak ilandak pu na.

Aisaya 30:28

U yaa chuun kan, libuln lolni u pu nsan ke nwam mu yoor tiwan mɔmɔk na la. Li ŋar ŋitimbol mɔmɔk ŋŋaan ki kuln ŋi, ŋaatunwanbir pu.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Aisaya 33:18

Naah nan san biwɔwɔm aalampoogaab ni bipepekb bi ijawaan na, ga kpaln tiwan ni ni ga li teer na la.

Aisaya 34:17

Uwumbɔr le ga yakr kitiŋ ngbaan tii tiwan ngbaan, ki tii ni mɔmɔk naatim. Ni ga li koo kitiŋ ngbaan pu n‑yoonn mɔmɔk, aan ki li ye naatiŋ n‑yoonn mu kaa kpa ndoon na.

Aisaya 41:12

ki kuln kitiŋ kee pu kookoo.

Jeremia 13:25

U bui ke nimi aadoon le ga li bi na. Waah siin ke u ga ŋa nimi pu na le na, ba pu? ni suln ubɔr le ki di naadii tii ŋiwaa.

Jeremia 2:3

Israel yaab, ni ye min baanja yaab la; ni nan ye maawangokpaan la. M nan cha unii umɔk tii nimi titotonn na kan falaa ni iween. Min Uwumbɔr le len kina.”

Jeremia 49:10

Le m ma per Esɔ aayaabitiib pel pel ki per woln baabɔbɔryaan chee, ke bi taa ki ŋmaa bɔr. Edom aanib mɔmɔk kuln a. Bi ponn ni ubaa aa gur.

Esekiel 39:10

Baan ki buen lidɔpei ikpaakon ni, kaan ki gaa isui kichook ni ki ban idɔ, ba pu? tijawan ni bee fam na ga li bi. Bi ga yoor binib bi nan yoor baawan na aawan buen.” Dindaan Uwumbɔr le len kina.

Sekaria 2:12

Juda aapepel ga ki gir ŋa Uwumbɔr aawankpaan ki bi waatiŋ ki bi chain na pu, le Jerusalem li ye kitiŋ ki u gee jer ntim muken na.

Bibɔjirb 5:31

Uwumbɔr, cha saadim mɔmɔk kpoi kina, ki tee cha aajɔtiib li moor lak lak ke nwiin mu laa bi puur ni na. Tɔ, nsuudoon nan bi kitiŋ ngbaan pu ki ti saa ŋibin imonko ilee.