Aisaya 17:12 - Uwumbɔr aagbaŋ

¹² Ŋitimbol ŋi kpa mpɔɔn na aalan ŋmal, le bi kpa kifuuk ki naahn nnyusakpem aanyunkpenn aafuuk, ki yur ke tinyunkpenn ti wiir na.

Aisaya 17:12 ပူးပေါင်းရင်းမြစ်များ

Ilahn 18:4

Nkun aanimaln le nan mann gob mi; mbiin aabuln nan mann goln mi.

Ilahn 29:3

Bi ŋun Uwumbɔr aaneel nnyusakpem pu; Uwumbɔr u kpa kipak na tar ke utaal na, le uneel ti keei nnyusakpem ni.

Ilahn 83:2

Lik, saadim fii sil aa pu la, le binib bi nan si na fii sil aa pu.

Aisaya 13:4

Li pel kifuuk ŋijoo ngbaan pu man, ni ye kinipaak sakpeŋ aafuuk; kifuuk ngbaan ye ŋitimbol ni nnaan aanib le bi kuuni tɔb chee. Uwumbɔr Mpɔɔnsakpiindaan le bi gor bijab ke bi buen butɔb.

Aisaya 28:17

Ibamɔn le ga li ye ŋŋmin mu bi ga li joo ŋaŋni nsisii ngbaan na, le mbimbinyaan ga li ye tiwan ni bi joo ŋaŋni mu aanyonyoo na.” Kitaabuŋ ki joo ni ŋitaatakpal na le ga ŋar inyamɔn i ni bui ke ni bi ima le pu na ŋŋaan, le nwam kuln tiwan ni mɔmɔk kii nimi na mɔmɔk.

Aisaya 54:17

Le tijawan nibaa aan ŋmaa tii si titotonn; aa ga li kpa ngarm ki tii unii umɔk galn si na. M ga li si maatutum aapuwɔb ki tii bi linyaŋ.” Uwumbɔr le len kina.

Aisaya 8:9

Nimi ŋitimbol mɔmɔk, kuun tɔb chee ijawaan pu man. Nimi bi bi dandar kitiŋ kee pu na, li pel man. Gor man nibaa ki kiir kijaak. Mbamɔn, gor man, ki tee li san ijawaan man.

Aisaya 9:5

Mmii le ga wu bijab ngbaan aajaak aanaatak ni baabɔkul ŋi gur ye nsin ŋmeen na.

Jeremia 6:23

Bi yoor baatɔi ni kijaak aajum; bi kpa mbiin kaa san kinimbaak. Baataan aafuuk bi ke nnyusakpem aafuuk na la. Bi gor ke bi to Jerusalem butɔb.”

Esekiel 43:2

le m kan nima chee nwiihn mu deer ŋinimbil na nyan ni liwipuul wɔb ki ye Israel yaab Aawumbɔr aawiihn. Uwumbɔr aaneel nan ŋuun ke nnyusakpem aafuuk na, le nwiihn mu deer ŋinimbil na woln kitiŋ pu chain.

Daniel 7:2

Maah nan kan pu kinyeek ngbaan na sɔ: Libuln nan daar ki nyani ŋipepel mɔmɔk ki ti yur nnyusakpem.

Maika 4:11

Ŋitimbol pam le kuun ni ke ŋi nan tak nimi. Bi bui ke, “Ti ga bii Jerusalem aatiŋ doo. Ti ga kan ke kitiŋ ngbaan bii doo.”

Nkahm 10:35

N‑yoonn mu bi ti piin ki joo Uwumbɔr Aakaal Aadakaa cha na, le Moses bui ke, “Uwumbɔr, fiin ki yaa saadim, ki jenn binib bi nan si na.”

Tibɔnyaan ti Luk ŋmee ti na 21:25

“Lijinjiir aawan ga li bi nwiin, ni uŋmal, ni ŋiŋmabil ponn ni. Nnyusakpem ga ŋa tinyunkpenn sakpiin, ki faa kifuuk sakpen, ki ŋa binib ilandak. Baan ki li nyi baah ga ŋa pu na.

Tibɔkpiirkaan 17:1

Le Uwumbɔr aatuuntiib bilole bi joo ŋisambil ŋilole ngbaan na ubaa dan ki nan len m chee ki bui mi ke, “Dan do, aan m nan mɔk si Uwumbɔr aah ga daa upiidagookpaan u bi nnyunkpaan chee na aatafal pu na.

Tibɔkpiirkaan 17:15

Le Uwumbɔr aatuun ngbaan ki bui mi ke, “Aa kan nnyunkpaan mu upiidagoor ngbaan ka mu chee na. Nnyunkpaan ngbaan ŋaŋ binib la. Bi ye ŋitimbol mɔmɔk aanib bi bi dulnyaa wee ni, ki len iliin imɔk bi dulnyaa wee ni na.