Aisaya 16:8 - Uwumbɔr aagbaŋ

⁸ Tisar ti bi Hesbonn chee na, ni ŋisubil aasui aasar ti bi Sibma na mɔmɔk bii doo; ŋisubil ngbaan aadaan le ŋitimbol aabɔrb nan nyu ki gbii. N‑yoonn mubaa isui imina aabon taln ti nyan Jaser aatiŋ ni, ki taln buen liwipuul wɔb, nteersakpiin ni, ki taln buen liwilir wɔb ki ti saa nnyusakpem aagbaan.

Aisaya 16:8 ပူးပေါင်းရင်းမြစ်များ

2 Samuel 1:21

Taa cha utaal, bee limaln lir Gilboa aagongon paab, cha ŋaakpaakon kpaln nteer n‑yoonn mɔmɔk; ba pu? nima chee le bipobidam aajaak aapen dɔ inimɔɔn ni; baa ki joo nkpan ŋmir Sɔɔl aajaak aapeln.

Aisaya 10:7

Le Asiria aabɔrkpaan ngbaan ma tee kpa ubaa aalandak i kaa ŋan na uyil ponn ni. Waalandak le ye ke u bii ŋitimbol pam;

Aisaya 15:4

Hesbonn ni Eleale aanib wii la, le Jahas aatiŋ aanib ti ŋun baawiil pu. Hali butɔb aajab aawon gbaa la, le bitaakpab yɔl.

Aisaya 16:9

Dandana m wii Sibma aatiŋ aasui ngbaan pu ke maah wii Jasar aatiŋ pu pu na. M wii tii Hesbonn ni Eleale aatim; ba pu? nibaa aa bi aan binib ngbaan ga chee aan ni mɔɔr bi.

Aisaya 24:7

Ŋisubil ŋi bi joo ŋani ndaan na aasui yɔl a, le ndaan aabɔr pɔɔk. Unii umɔk nan kpa mpopiin na aasui bii dandana,

Jeremia 48:32

M ga wii Sibma aanib pu, ki jer maah ga wii Jaser aanib pu pu na. Sibma aatiŋ, aa bi ke ŋisubil aasub bu aabon taln ki ti puur N‑yaan Aanyusakpem ki ti saa Jaser na la. Le saasubil ŋi puir na bii a.

Nkahm 21:32

Le Moses tun bipepekb, bi ti lik, aan ki bee baah ga ŋa pu ki tak Jaser aatiŋ na. Israel yaab nan ŋmaa nyaŋ, ki gaa ki, ni kaatingbaan mɔmɔk, le ki jenn nyan Amor yaab bi nan ka nima chee na.

Nkahm 32:3

“Uwumbɔr aah ter timi Israel yaab aan ti gaa lipepel limina, Atarof, ni Dibonn, ni Jaser, ni Nimra, ni Hesbonn, ni Eleale, ni Sibma, ni Nebo, ni Beonn aatim mu na ŋan tiwakor pam, le ti mu kpa tiwakor ti wiir sakpen na.

Nkahm 32:35

ni Atrof Sofann, ni Jaser, ni Jogbeha,

Nkahm 32:38

ni Nebo, ni Baal Meonn, bi nan kpeln kitiŋ kee aayimbil, ni Sibma aatim. Baah nan ki gir maa ntim ngbaan na bi nan kpeln mu aayimbil la.

Josua 13:19

ni Kiriataim, ni Sibma, ni Seref Sahar aatiŋ ki bi ligongoln li bi kifataŋ ni na,

Josua 13:25

Baatiŋ mɔk le nan ye Jaser, ni ntim mu bi Gilead ni na, ni Amonn yaab aatiŋ ligeln ki yoor ti ker Aroer mɔk, ki nan bi Raba aatiŋ aawipuul wɔb la.