Aisaya 16:12 - Uwumbɔr aagbaŋ

¹² Moab aanib ŋani bibaa falaa ki chaa baatingban, ni baameen aadir ni ke bi ti mee baawaa, le naan ŋa bi tinyoor tibaa.

Aisaya 16:12 ပူးပေါင်းရင်းမြစ်များ

1 Bibɔrb 11:7

U nan maa nin chee u ga li dooni Moab yaab aawaal Kemos li bir na, ni Amonn yaab aawaal Molek mu yaan, lijool li bi Jerusalem aawipuul wɔb na.

1 Bibɔrb 18:29

Bi nan beenin ŋmɔ tijar ki len yɔl yɔl le nwiin ti kpar; le nibaa aa nin ŋa, hali kifuuk kina aa nyan ni.

2 Bibɔrb 19:12

N‑yaajatiib le nan kuln Gosann, ni Harann, ni Resef aatim, le ki ku Bef Edenn aanib bi nan bi Telasar aatiŋ ni na, le bi mɔmɔk aawaa aa nan ŋman ki gaa bi lii.

2 Bibɔrb 3:27

le ki chuu ujapɔpol u ba ga nan nab waanaan pu na ki di kɔr toor kitork kitiŋ ngbaan aagoln pu tii Moab aawaal. Nimina nan chuu Israel yaab ijawaan pam le bi siir cha kitiŋ ngbaan ki gir kun baatiŋ pu.

Ŋiyataŋak 1:28

N‑yoonn ngbaan le ni ga yin mi, le maan gar nimi. Ni ga tee mban ki ban mi nwiin pu, ni kinyeek, kaan kan mi.

Aisaya 15:2

Dibonn yaab jon ligongoln paab ki ti wii kiwaachuk ni. Moab yaab wii Nebo ni Medeba aatim aanib pu; bi kuu biyikpir ni bilangban mpombiin pu.

Aisaya 16:13

Tibɔr ti Uwumbɔr nan puen di nabr tii ni Moab yaab na le bi na.

Aisaya 26:16

Uwumbɔr, aa daa saanib aatafal, le baanimbaak ni, bi mee si.

Aisaya 37:38

Nwiin mubaa daal le u nan bi dooni liwaal Nisrok, laawaadiik ni, le ujapɔtiib bilee, Adramelek, ni Sareser, buen ti di baajaak aajum ku u, le ki san ŋmar buen Ararat aatiŋ pu. Le ujapɔɔn uken, u bi yin u ke Esaradonn na, nab waanaan pu.

Aisaya 47:13

Hali saah kani nsurm mumɔk na, saa kpa mpɔɔn mubaa. Cha saanib bi lik iŋmabi ki buu tibɔɔr na dan ki nan gaa si lii, bima le bui ke bi ye binib bi bae iŋmabi, ki nyi kitaapaak aapepel mɔmɔk, ki tuk si uŋmal ki ti saa uŋmal tiwan ni ga ŋa si na.

Jeremia 10:5

Kina aawaa bi ke baah naan tiwan siin kisaak ni ke tiwakorkaan taa dan nan bii tijikaar pu na la. Ŋaa ŋmaa len tibɔr, kaa ŋmaa chuun, see unii le ga yoor ŋi buen waah gee nin chee na. Taa san ŋi ijawaan man, ŋaan ŋmaa ŋa nimi nibaa, kaan ŋmaa tii nimi tinyoor tibaa.”

Jeremia 48:13

Le Moab yaab ga lik baawaal Kemos fam, ke Israel yaab aah nan lik liwaal Betel, li bi nan di naadii tii li na fam pu na.

Jeremia 48:35

Maan ki cha Moab aanib see kitork mmii ni, baah dooni baawaa nin chee na, ki taa ki toor kitork tii ŋi. Min Uwumbɔr le len kina.

Jeremia 48:46

San Moab aanib kinimbaak man. Binib bi nan dii liwaal Kemos na kuln a, le bi chur bijapɔtiib ni bibisatiib buen tinaagbiir ni.

Jeremia 48:7

Moab aatiŋ, aa nan mak saapɔɔn ni saawangol pu la, le dandana ma kan, aa ga lir; bi ga yoor saawaal Kemos ni laawaadabim, ni laatotoorb ki di buen.

Nkahm 21:28

N‑yoonn mubaa, Hesbonn aatiŋ ni, Sihonn aajab nan tun tijar ke mmii na, le ki bii Ar aatiŋ ki bi Moab aatiŋ ni na, le ki kuln ŋigongon ŋi bi Anonn Aamɔɔl aapaacham na.

Nkahm 22:39

Tɔ, Balaam nan dii Balak le bi buen Husof aatiŋ ni.

Nkahm 22:41

Naah woln kichakpiik ni na, le Balak di Balaam buen Bamof Baal aagongoln paab, nin chee Balaam ga li waa Israel yaab ngem na.

Nkahm 23:14

Nima pu na, u nan di u buen Sofim aakpaab ni, Pisga Aajool paab. Nima chee mu u nan ki maa kitork aabimbin ŋilole, le ki di unaaja ni upihja toor kitork, ŋibimbin ngbaan libaabaa pu.

Nkahm 23:28

Nima pu na, u nan di Balaam buen Peor Aajool paab, ni lik nteersakpiin wɔb la.

Nkahm 24:17

M nan lik kan n‑yoonn mu choo na aabɔr, le ki kan Israel yaab aatimbol. Ubɔr u bi ke liŋmabil li wiin chain na ga nan nyan ni litimbol ngbaan ni. Libɔrdabil ga nan nyan ni Israel aatimbol ponn ni, ki ga bii Moab yaab aayidam, le ki gbaa yaa mbiindam mɔmɔk.