Aisaya 15:5 - Uwumbɔr aagbaŋ

⁵ Mpobil wu Moab yaab pu la. Binib ngbaan san buen Soar ni Eglaf Selisiya aatim ni. Bibaa san jon Luhif aasan pu, ki wii le ki cha; bibaa mu san ŋmar buen Horonaim, ki wii mpɔɔn pu.

Aisaya 15:5 ပူးပေါင်းရင်းမြစ်များ

Mpiin 13:10

Lot nan lik mann gonn, le ki kan ke Jɔɔdann aafataŋ wɔb, ki ti saa Soar aapepel, kpa nnyun sakpen, ke Uwumbɔr aasaak, ni Ijipt aatiŋ na. Nimina mɔmɔk nan laa bi le Uwumbɔr nan nin bii Sodom ni Gomora aatim.

Mpiin 14:2

le bi nan buen bi ti faa bibɔrb biŋmu biken butɔb. Baah nan buen bi ti faa bibɔrb biŋmu bi butɔb na aayimbil sɔ: Sodom aabɔr u bi nan yin u ke Bera, ni Gomora aabɔr u bi nan yin u ke Birsa, ni Adma aabɔr u bi nan yin u ke Sinab, ni Seboyim aabɔr u bi nan yin u ke Semeber, ni Bela aatiŋ aabɔr. Bi ki yin Bela ke Soar.

Mpiin 19:22

Ŋa mala ki li san man. Ni yaa kaa fuu kitiwaatiir ngbaan ni kan, maan ŋmaa tun maah ban m ŋa pu na.” Lot aah nan yin kitiŋ ngbaan ke kitiwaatiir na, le bi yin ki ke Soar.

2 Samuel 15:23

David ni waadidiliib aah nan siir na, le kitiŋ ngbaan aanib mɔmɔk nan wii mpɔɔn pu. Ubɔr David nan ti puur Kidronn aabunbik na, le waajab dii u, le bi mɔmɔk di toŋ nteersakpiin ni.

2 Samuel 15:30

David nan bi joi Olif Aajool le ki wii. Waa nan tak ŋinaatak, le ki di tiwan biin uyil pu ki mɔk ke usui bii. Binib bi mɔmɔk nan dii u na mu nan di tiwan biin biyil pu, ki mu wii.

Aisaya 16:14

Le dandana wee Uwumbɔr bui ke, “Joo cha ni ŋibin ŋitaa na Moab aawangol mɔmɔk ga wɔŋ. Kaanipaak na ponn ni siib le ga ŋmar, le ki mu aan li kpa mpɔɔn kpala.”

Aisaya 22:5

N‑yoonn mumina ye mpobiyuk, ni linyaŋ, ni nlanŋmal le Tibɔkpiirkaan Aafataŋ ngbaan ni. Tidindaan Uwumbɔr Mpɔɔnsakpiindaan le tun ni kina ti chee. Bi gbaa wii timi aatiŋ aagon, le binib aah wii pu ki ban nterm na ti keei ŋigongon paab.

Aisaya 59:7

N‑yoonn mɔmɔk ni dak ke ni ŋa ni kaa ŋan na la, le naa taani kpala kina aaŋam. Naa sii ki dakl lik waahr aan ki nin ku unii u kaa tun taani ubaa na. Nin chee mɔk ni jer na ye mbiin ŋmeen la,

Jeremia 13:17

Ni yaa kaan pel kan, m ga wii libɔɔl ni, nimi aagaak pu. Baah ga di Uwumbɔr aanib buen tinaagbiir ni pu na, m ga wii, le maanyunyunn ti li puu.

Jeremia 17:16

Tɔ, Uwumbɔr, maa kee muk si ke aa joo ni tibɔbir nan lii bi pu; maa ban ke tibɔr kan bi. Uwumbɔr, aa nyi kina; aa nyi maah len pu na.

Jeremia 4:19

Iween sakpen yee. Maan ŋmaa joo iween ngbaan. Mpobil yuk a. Mpobil gbaa mpɔɔn pu la. Maan ŋmaa ŋmin suuna, m ŋun ikpiin aawiil ni butɔb aakuun pu.

Jeremia 4:20

Libiil libaa dii liken la; kitiŋ ngbaan mɔmɔk ber doo a. Libuul ni le bi bii timi aadir doo; le ki gbaa wiil ti mɔmɔk.

Jeremia 48:3

Horonaim yaab wii le ke, ‘Mbimbinpɔɔl. Libiil.’

Jeremia 48:5

Li pel Luhif aasan pu, baah fai pu na ki li pel Horonaim aasan pu nsuugar aawiil.

Jeremia 50:46

Babiloŋ yaa nan lir kan, kifuuk ki ga nya na ga cha kitiŋ dam, le ŋitimbol ŋiken ga ŋun kaalirm aawiil.”

Jeremia 9:10

Le m bui ke, “M ga wii ŋijoo aakpowiil ki wii tiwakor aamoŋmɔpaan aah kuur pu aan ubaa aa chuun nima chee pu na aakpowiil. Inaa aawiil ŋmin chii; inyoon ni ipeel fii ki san buen a.”

Nkahm 21:29

Moab yaab, ni ye nimi falaa la. Nimi bi dooni liwaal Kemos na bii doo a. Nimi aawaal cha nimi aajab kpaln bikusam la, le Amor yaab aabɔr di nipuutiib ŋa binaagbiib.