Uwumbɔr len ke, “M ga joo ni falaa kitiŋ kee pu aan ki daa titunwanbirdam mɔmɔk aatafal baatunwanbir pu. Umɔk kpa kigaak ni mbiin na, m ga daa utafal ki sunn bigaadam mɔmɔk taab.
Filistia yaab, lidabil li bi di gbaa nimi na koo a, ni mu taa tee laa man. Uwaa ubaa yaa kpo kan, u bir jer uma ngbaan na ga dan nan gaa waabuul ni. Uwaa aajeln kaal kiwanbiik la.
Uwumbɔr, aa tii bi mpopiin sakpen a; aa cha bisui piir sakpen a. Bi mɔɔni saah ŋa pu tii bi na pu, ke binib aah chee njikaabim kan, bi mɔɔni pu na, bee bi yaa yakr tiwan ni bi jan kijaak ki gaa ni na kan, baah mɔɔni pu na,
ba pu? aa gaa bi baatun ŋi nyuun ki nyaŋ bi na, ni likugeln li nyiibaa bibɔgbin pu na. Aa nyaŋ linibol li muk bi ki ŋa bi bijakaab na, ke saah nan nyaŋ Midiann aajab n‑yoonn mu jer na pu na.
Li pel maah ker idun pu na; ubaa aa bi ki sɔŋ nsui. Saah di tibɔbir tii ni mi na, le maadim aasui piir. Cha saah nan puu ke nwiin mu ga dan na fuu ni; cha maadim mu ji maah jin falaa u na.
