Aisaya 14:32 - Uwumbɔr aagbaŋ

³² Kinye aan ti ga gar ituun i nyan ni Filistia yaab chee na? Ti ga bui bi ke Uwumbɔr maa Sionn siin, le waanib bi nan ji falaa na ga kan lifuur nima chee.

Aisaya 14:32 ပူးပေါင်းရင်းမြစ်များ

Ilahn 102:16

Uwumbɔr yaa ki gir maa Sionn kan, u ga nyan waapɔɔn sakpiin mpaan pu.

Ilahn 87:5

Bi ga len ke ŋitimbol mɔmɔk ye Sionn yaan la, le Uwumbɔr Mpɔɔndaan ga tii Sionn mpɔɔn.

Jemisi 2:5

Nnaabitiib bi m gee bi na, ni li pel man. Uwumbɔr nyan binib bi ye bigiim dulnyaa wee ni na ke bi gaa u ki kii ki li ye biwankpadam u chee, ki ji nnaan mu Uwumbɔr nan puu tipuur ke u ga tii binib bi gee u na.

Sefania 3:12

M ga cha binib bi aabimbin ŋan aan bi sunn bibaa taab ki ga dan m chee ki nan ban nterm na le li bi nima.

Ilahn 87:1

Uwumbɔr maa waatiŋ ligongoln li bi chain na pu la.

Aisaya 25:4

Bigiim, ni binib bi kaa kpa nterm na san dan aa chee; le aa gaa bi lii baamukl aayoonn. Aa gaa bi lii kibuŋ yoonn, ki tii bi mboon buyoonn nwiin ton sakpen na. Bibiindam tak ke kakab yoonn aabuln na;

Sekaria 11:11

Kina pu na, liyaadaal ngbaan le tipuur ngbaan aabɔr nan doo. Binib bi nan daa ki kooh ipiih na nan si lik mi, le ki bee ke Uwumbɔr le bi tuk bi tibɔr, maatuln ngbaan ni.

Aisaya 44:28

Le m ga bui ubɔrkpaan Sairus ke, ‘Sin le ga joo maanib; aa ga ŋa maah ban ke aa ŋa pu na: aa ga cha bi ki gir maa Jerusalem, ni Maadichal aadinyikl mu.’”

Aisaya 39:1

N‑yoonn mumina, le Babiloŋ aabɔrkpaan, Baladann aajapɔɔn u bi yin u ke Merodak Baladann na, ŋun ke ubɔrkpaan Hesekia dɔ bun, le u ban ipiin ki ŋmee kigbaŋ ki di tun u chee.

Aisaya 28:16

Nima pu le Tidindaan Uwumbɔr len ke: “M bi joo nsisii mu pɔɔ ki si chob na le siini Sionn aatiŋ ni. Mu ponn ni, m ga di litakpal li pɔɔ na ki di siin mu aalɔlɔŋ ni. Unii umɔk gaa u ki kii na aan ji inimɔɔn.

Aisaya 4:6

Waapɔɔn ga tii kitiŋ ngbaan mboon, nwiin taa see ki, ki ŋa ki nin chee lifuur bi na, ni nin chee utaal ni kitaabuŋ aan ŋmaa koo na.

Ilahn 102:28

Timi aabilb ga li bi lifuur ni, le aa ga li kii bi, le biyaabitiib ga nan kan ŋŋmarm.

Hiibru Yaab 12:22

Naa fuu ni lijool ngbaan chee. Ni fuu ni Sionn aajool chee la. Nima chee le Uwumbɔr u ye limɔfadaan na aatiŋ bi. Kitiŋ ngbaan ye Jerusalem la, ki bi paacham. Uwumbɔr aatuuntiib churbaka bi ki ponn ni.

Matiu 16:18

Piita, m tuk si la, aa ye litakpal la. Litakpal limina pu le m ga di maanib siin. Le nkun aapɔɔn aan nyaŋ bi.

Sekaria 11:7

Binib bi daa ki kooh ipiih na, nan pan mi, le m kpaln ipiih i bi joo i cha bi ti kɔr na aapihkpaal. M nan ban idɔ ilee, m nan yin mubaa ke “Lineen” le ki yin muken na ke, “Kimɔbaan.” Le m nan kpaa ipiih ngbaan.

Aisaya 54:11

Uwumbɔr bui ke, “Jerusalem, sin u kpa kinimbaak na, kitiŋ ki kaa kpa uteter, kaa kpa ubaa aan u sɔŋ kisui na, m ga di ŋitakpanyaan le ki ki di maa saadinyikl.

Aisaya 37:32

Binib ga li bi Jerusalem aatiŋ ni, ni Sionn Aajool pu ki ŋmar, ba pu? Uwumbɔr Mpɔɔnsakpiindaan le puu ke ni ga ŋa kina.

Aisaya 37:9

N‑yoonn ngbaan le Asiria yaab ŋun tibɔr ke Kus aabɔrkpaan Tiraka joo Ijipt aajab, ki choo u nan tak bi. Asiria aabɔrkpaan aah ŋun tibɔr timina na, le u ŋmee kigbaŋ tii

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 11:4

u ga di bigiim ni binib bi kaa kpa biteterb na aabamɔn tii bi. Waamɔliin le ga daa binib aatafal, le titunwanbirdam ga kpo.

Ŋiyataŋak 18:10

Uwumbɔr naahn lidichal li bi maa aan li pɔɔ ki fɔk na la, nima chee le binib bi aabimbin ŋan na ga buen ki ti kan ŋŋmarm.

2 Samuel 8:10

Le u tun ujapɔɔn Joram, ke u ti doon ki pak ubɔr David, waah nyaŋ Hadadeser, u ni uma Toi faa tɔb butɔb sakpen na pu. Joram nan joo salmaa, ni tikunabr, ni tikumann aapiin ti tii David.

Hiibru Yaab 11:10

U nan ban kitiŋ ki ga li bi n‑yoonn mu kaa kpa ndoon aan Uwumbɔr maa ki na la.

Aisaya 29:19

Bigiim, ni binib bi sunn bibaa taab na ga ki kan mpopiin mu Israel yaab Aadindaan Uwumbɔr u bi chain na tii bi na.

Aisaya 57:13

Ni yaa wii ki ban nterm kan, ni cha nimi aawaa ngbaan ter nimi. Litakpiln libaa aabuln le ga daa ŋi di buen. Le binib bi gaa mi ki kii na ma ga li bi kitiŋ ngbaan pu ki ga li dooni mi Maadichal ni.”

Esekiel 48:35

Ŋigon ŋinaa ngbaan aafɔfɔk nan ti saa ŋitaa ŋichur piitaa ni ikui ilee ni moninko la. Kitiŋ ngbaan aayimbil ki nyan n‑yoonn mue ki joo cha ga li ye ke “Uwumbɔr‑bi‑do.”

Ilahn 48:4

Bibɔrb nan kuun tɔb ki dan ke bi nan tak Sionn Aajool.