Aisaya 14:3 - Uwumbɔr aagbaŋ

³ Uwumbɔr ga nyan Israel yaab baaween, ni baamuk ni, ni ŋitupɔɔl ŋi bi nan muk bi bi tun ŋi na.

Aisaya 14:3 ပူးပေါင်းရင်းမြစ်များ

Aisaya 11:10

Nwiin mubaa choo, le ubɔrkpaan pɔɔn ubaa ga nyan ni ubɔrkpaan David aamaal ni, ki fuu ni, ki ga li ye ŋitimbol mɔmɔk aamɔkl. Bi ga kuun waanaan aatiŋ ni ki nyuŋ u.

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 32:18

Uwumbɔr aanib ga nya ilandak mɔmɔk ni, le baadichal ni ga li kpa nsuudoon ni lifuur.

Aisaya 40:2

Pɔɔk Jerusalem aanib aataakpab. Tuk bi ke bi jin falaa ni yunn sakpen a, le dandana m di baatunwanbir cha pinn bi, m daa bitafal ki ŋaŋ baatunwanbir.”

Jeremia 17:4

M ga di kitiŋ ki m nan di tii nimi na tii binib. M ga cha ni kpaln nimi aadim aatutum kitiŋ ki ponn ni naa nyi kaabɔr kpala na, ba pu? maaŋuul bi ke mmii na la, mu ga li wu kaan junn.”

Jeremia 30:10

Maanib, taa san ijawaan man; Israel aanib, taa cha ijawaan joo nimi man. M ga nyan ni nimi dandar aatiŋ ni, m ga nyan ni nimi kitiŋ ki ponn ni, ni ye binaagbiib na. Ni ga gir ni linampal ki nan li bi nsuudoon ni, ni ga li bi lifuur ni, le ubaa aan ki cha ijawaan chuu nimi.

Jeremia 30:8

Uwumbɔr Mpɔɔnsakpiindaan ki bui ke: “Liyaadaal ngbaan yaa nan fuu ni kan, m ga kool inaaja i ko na aadɔ i bi di leen bisil na ki chuu nyan baakululn na mu, le baan ki li ye biwɔwɔm aanaagbiib.

Jeremia 50:34

Le u ga gaa bi lii na kpa mpɔɔn, waayimbil le ye Uwumbɔr Mpɔɔnsakpiindaan. Uma ubaa le ga gaa baabɔr, ki cha nsuudoon dan kitiŋ kee pu, le Babiloŋ aanib ma kpa tibɔbir.”

Esekiel 28:24

Uwumbɔr nan ki bui ke, “Ŋitimbol ŋi mann goln Israel aatimbol ki nan lik li fam na libaa aan ki li bi ke ikokon na ki ŋa Israel nibaa. Le ŋi ga bee ke min le ye Dindaan Uwumbɔr.”

Sekaria 8:2

“Maah gee Jerusalem aanib sakpen pu na, le m neen ke m ter ki. Ngeehm ngbaan pu le maaŋuul nan fii kaadim pu.

Sekaria 8:8

le ki nyan ni bi liwipuul ni liwilir wɔb, bi nan li koo Jerusalem ponn ni. Bi ga li ye maanib, le m mu ga li ye Baawumbɔr, ki joo bi ibamɔn ni, ki cha mbimbinyaan li bi.

Ikaal 28:48

Kina pu na, ni ga li tun tii nimi aadim bi Uwumbɔr cha bi nan nyaŋ nimi butɔb ni na la. Nkon ni nnyunyuu ga chuu nimi, le ni ga chuun ni ŋmeen, kaan li kpa nibaa, ki ye bigiim. Uwumbɔr ga daa nitafal pam, le ni ti kuln.

Tibɔkpiirkaan 18:20

Tɔ, nimi bi bi paacham na, ni Uwumbɔr aanib, ni Yesu aakpambalb, ni Uwumbɔr aabɔnabtiib, ni li kpa mpopiin kitisakpeŋ ngbaan aah kuln pu na pu; ba pu? Uwumbɔr teen ki kaah ŋa nimi bakaa u na, ki daa kitafal.