Aisaya 14:23 - Uwumbɔr aagbaŋ

²³ M ga labr Babiloŋ ŋa kipuuk la, ifiin le ga li bi nima. M ga di ŋŋaan mu ŋar tiwan mɔmɔk na le ŋar Babiloŋ aatiŋ. Min Uwumbɔr Mpɔɔnsakpiindaan le len kina.”

Aisaya 14:23 ပူးပေါင်းရင်းမြစ်များ

1 Bibɔrb 14:10

Nimina pu na, m ga cha tibɔbir pii ni saanaanjirb ki ga ku aayaabitiib bi ye bijab na mɔmɔk. M ga ku mbim ni bininkpiib mɔmɔk la. M ga kuln saadichal; m ga ŋar bi ŋŋaan ke tinaabin na la.

2 Bibɔrb 21:13

M ga daa Jerusalem yaab aatafal ke maah nan ŋa Samaria aatiŋ, ni Israel yaab aabɔr Ahab ni uyaabitiib pu na. M ga ŋar Jerusalem aatiŋ aanib ŋŋaan chain ke baah ŋir lisambil chain chain ki labr li chiŋni pu na.

Aisaya 13:20

Ubaa aan ki li bi ki ponn ni. Arab yaab bi chuu kpak na ubaa aan ki ŋa waanambuŋ nima, le upihkpaal ubaa mu aan ki di waapiih buen nima i ti ŋmɔ timoor.

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 21:1

Babiloŋ yaab aabɔr sɔ. Kinaakpaajabuŋ aah ŋar nteer pu pu na, kina le tibɔbir ga nyan ni ijawaan aatiŋ kibaa ni ki dan Babiloŋ pu.

Jeremia 50:26

Tak ki ŋipepel mɔmɔk. Kuun naah gaa kaawangol li na paan tɔb pu ke njikaabim na. Kuln kitiŋ ngbaan man. Taa di cha tiwan nibaa kina.

Jeremia 50:3

“Litimbol li nyan ni ŋŋangan wɔb na dan ke li nan tak Babiloŋ, le ki ga ŋa ki nteersakpiin. Binib ni tiwakor ga san, le ubaa aan ki li koo nima.”

Jeremia 51:62

Nee aapuwɔb na, mee limeel ke, ‘Uwumbɔr, aa bui ke aa ga bii do, le tiwanfuurkaan, binib ni tiwakor nibaa aan ki li bi ki pu, le ki ga li bi ke nteersakpiin na ki ti saa n‑yoonn mu kaa kpa ndoon na.’

Sefania 2:14

Nima chee le ipiih, ni iŋoob, ni inaa, ni tiwakor mɔmɔk aabɔŋ ga li doo. Ifiin ga li koo kaalangbenn ni, le ki wii takolu tiib ni kinyeek. Ikakal ga li tɔk ibisamɔi pu le ki wii nima. Santina tiib aadɔ i bi di maa baadichal na ga nya lir kitiŋ,

Tibɔkpiirkaan 14:8

Uwumbɔr aatuun leler nan paan ni njan yoo na aapuwɔb ki len ke, “Kitisakpeŋ Babiloŋ lir a. Kitiŋ ngbaan le nan cha ŋinibol mɔmɔk aanib nyu ndapɔm gbii. Ndaan ngbaan le ye waadagook aakpeek. Nima le ki lir a.”

Tibɔkpiirkaan 18:2

le ki len mpɔɔn pu ke, “Kitisakpeŋ Babiloŋ lir a. Ki lir kookoo a. Bipɔnib, ni tiyayaar, ni tiwanbir, ni inyoon i bir ki kɔ na baanja le koo nima chee;