Aisaya 14:11 - Uwumbɔr aagbaŋ

¹¹ Bi nan joo tibar gaa ilahn ki nyuŋni si, le dandana ma aa gur bi ti chee kitekpiitiŋ ni do la. Aa gur dɔ ŋikpaambil aawandookaan pu la, le ŋi bii aawon mɔmɔk pu.’”

Aisaya 14:11 ပူးပေါင်းရင်းမြစ်များ

Job Aagbaŋ 21:26

Le bi mɔmɔk mu tee kpoi le bi sui bi; le ŋikpaambil pɔl bi mɔmɔk pu.

Aisaya 22:2

Kitisakpeŋ ngbaan mɔmɔk ponn ni kpa kifuuk la; ki gbii kifuuk ni mpopiin la. Nimi aajab bi kpoi butɔb bue ni na aa bi jaa le ki kpoi.

Aisaya 5:14

Kitekpiitiŋ ka waa bumɔb kii bi la, ki ga nab Jerusalem aaninyuum na, ni baanib, ni binib bi nyu ndaan ki kpa kifuuk na mɔmɔk.

Aisaya 51:8

bi ga dur ke ŋikpandakur aah ŋman likekeln li na aah ga dur pu na la. Le maah ga joo ni ŋŋmarm mu na aan li kpa ndoon; maanyaŋ ga li bi n‑yoonn mu kaa kpa ndoon na.”

Aisaya 66:24

“Bi yaa gir chaa kun kan, bi ga kan binib bi yii maamɔb na aanikpol. Ŋikpaambil ŋi ŋmɔ biwon na aan kpo daalbaadaal, le mmii mu wu bi na mu aan junn. Unibɔn umɔk kan bi na ga sur upuwɔb.”

Esekiel 26:13

M ga ŋmin nimi aalahn mɔmɔk, ki cha nimi aabar aawiil ŋmin.