Aisaya 13:9 - Uwumbɔr aagbaŋ

⁹ Uwumbɔr aawiin choo, nwiin mu ga joo ni libiil, ni liŋuusakpeln, ni libiil li wu ke mmii na choo. Kitiŋ kee ga kpaln kitiŋ ki kaa kpa nibaa ki pu na la, le titunwanbirdam mɔmɔk ga doo.

Aisaya 13:9 ပူးပေါင်းရင်းမြစ်များ

Ilahn 104:35

U kuln titunwanbirdam mɔmɔk kitiŋ kee pu; bibiindam taa ki li bi kpala. M joo nsui mɔmɔk pak Uwumbɔr la. Pak Uwumbɔr man.

Ŋiyataŋak 2:22

le Uwumbɔr ga chuu nyan bibiindam ni titunwanbirdam kitiŋ ngbaan pu, ke baah ŋɔi tisufabir lir pu na la.

Aisaya 13:6

Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Aisaya 34:8

N‑yoonn mue le ye n‑yoonn mu Uwumbɔr ga gaa Sionn aatiŋ lii ki daa baadim aatafal na.

Aisaya 63:4

Le m dakl ke n‑yoonn mu m ga di gaa maanib lii na fuu ni a; ni ŋeer ke m daa baadim aatafal.

Aisaya 66:17

Uwumbɔr ki len ke, “Binib bi toor bibaa ki dooni ŋiwaa, ki chɔl ki chaa ti toor tisamoor, ki ŋmɔ ugbeer, ni ŋilapol, ni tijikaar ti kaa ŋan na aadoon peen ni a.

Aisaya 9:19

Uwumbɔr Mpɔɔnsakpiindaan aaŋuul aah fii na, waatafadaan ngbaan ga bii tiwan ni binib mɔmɔk ke mmii aah wu bii tiwan pu na la. N‑yoonn ngbaan kan, ubaa aan ki li nyi uŋeen aatɔ aabɔr.

Esekiel 13:5

Baa kiir kitiŋ ngbaan aagon nin chee kar lir na, kaa maa leŋni ŋigon ngbaan pu, kina pu na, Uwumbɔr aatɔb aawiin daal yaa nan fuu ni kan, Israel aatiŋ aan ŋmaa kiir kibaa.

Esekiel 30:3

Nwiin mundaal Uwumbɔr ga fii sil na duun ni a, mu ga li ye ntaalangbam ni tibɔbir aawiin le ki tii ŋitimbol.

Joel 1:15

Uwumbɔr aawiin peen ni a; nwiin mundaal Mpɔɔnsakpiindaan ga bii tiwan mɔmɔk doo na peen ni a. Ba aajawaan aaboln aan kina aawiin ga joo ni.

Joel 2:1

Pii kakaan man; faa nkuun Sionn aajool li ye Uwumbɔr aajool ki bi chain na paab. Juda aatiŋ aanib, cha niwon li gbaa man. Uwumbɔr aawiin peen ni a.

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Nahum 1:2

Tidindaan Uwumbɔr aa kii ke unii doon liwaal libaa; u dar binib bi kpak u na aatafal. Waaŋuul ponn ni le u teeni bi baah tun pu na.

Nahum 1:6

Uwumbɔr aaŋuul yaa fii kan, ŋma ga ŋmar? Ŋma ga ŋmar waaŋuusakpeln ni? U cha waaŋuul puu nyan ni ke mmiigaal na la; ŋitakpal wur unimbiin ni ki kpaln titan la.

Nahum 1:8

U kuln waadim ke nwam mu san mala mala na la; u ku binib bi kpak u na la.

Sefania 1:15

Mu ga li ye liŋuusakpeln daal la, mu ga li ye libiil ni liwonyɔl daal la, mu ga li ye libiil ni likuln daal la, mu ga li bɔɔn ki kpa ntaalangbam pam,

Sekaria 14:1

Nwiin mundaal Uwumbɔr ga kal ki ji binib tibɔr na peen ni a. Le bi ga yoor Jerusalem aawan mpɔɔn buen, ki ga yakr tiwan ngbaan ninimbil ni.

Malakai 4:1

Uwumbɔr Mpɔɔnsakpiindaan bui ke, “Nwiin mubaa choo le bigaadam ni titunwanbirdam ga wu ke mmii le aah wu timokuun na. Liyaadaal ngbaan kan, mmii ga wu bi, le biwon nibaa chee aan gur kaa wun.

Tibɔkpiirkaan 18:8

Nima pu le falaa ga pii kitiŋ ngbaan liwinbaal. Iweenbir, ni mpombiin, ni nkon ga lir ki pu. Le mmii ga gaa kitiŋ ngbaan mɔmɔk; ba pu? Tidindaan Uwumbɔr u dar kitafal na kpa mpɔɔn sakpen.”