Aisaya 13:6 - Uwumbɔr aagbaŋ

⁶ Li wii man iween pu. Uwumbɔr aawiin duun ni a, bundaal uma Mpɔɔnsakpiindaan ga joo ni libiil na duun ni a.

Aisaya 13:6 ပူးပေါင်းရင်းမြစ်များ

Job Aagbaŋ 31:23

Maah san Uwumbɔr aatafadaan na, maa nan ŋa kina aawan daalbaadaal.

Aisaya 10:25

Naan ki yunn le m ga daa nimi aatafal doo; n‑yoonn ngbaan le m ga kuln Asiria yaab kookoo.

Aisaya 10:3

Kina pu na, Uwumbɔr yaa daa nitafal kan, ni ga ŋa kinye? Uwumbɔr yaa cha tibɔbir nyan ni dandar ki nan lir ni pu kan, ni ga ŋa kinye? La chee aan ni ga san ti ban nterm? La chee aan ni ga ti di nimi aawangol di bɔr?

Aisaya 13:9

Uwumbɔr aawiin choo, nwiin mu ga joo ni libiil, ni liŋuusakpeln, ni libiil li wu ke mmii na choo. Kitiŋ kee ga kpaln kitiŋ ki kaa kpa nibaa ki pu na la, le titunwanbirdam mɔmɔk ga doo.

Aisaya 14:23

M ga labr Babiloŋ ŋa kipuuk la, ifiin le ga li bi nima. M ga di ŋŋaan mu ŋar tiwan mɔmɔk na le ŋar Babiloŋ aatiŋ. Min Uwumbɔr Mpɔɔnsakpiindaan le len kina.”

Aisaya 14:31

Nimi Filistia aatim mɔmɔk, li wii ki gbei ki ban nterm man. Ni mɔmɔk san ijawaan man. Kitangbaak sakpeŋ kibaa nyan ni ŋŋangan wɔb ki choo, ni ye bijakaab ŋmeen la, bijawaandam aa bi bi ponn ni.

Aisaya 2:12

Liyaadaal ngbaan Uwumbɔr Mpɔɔnsakpiindaan ga sunn mpɔɔndam, ni kalmbaanidam, ni kigaadam mɔmɔk taab.

Aisaya 23:1

Taya yaab aabɔr sɔ. Li ker idun mpombiin pu man, nimi bi ŋaal iŋɔi nnyusakpem ponn ni na. Nin chee iŋɔi sii nido Taya aatiŋ ni na bii doo a; nima chee aadichal ni iŋɔi aah doo nin chee na ber doo a. Buyoonn nimi aaŋɔi ga nya Saiprus ki gir ni na, le ni ga ŋun tibɔr ngbaan.

Aisaya 34:2

Uwumbɔr gee liŋuul ŋitimbol mɔmɔk ni ŋaajab bi jaa kijaak na pu. U ga kuln bi mɔmɔk.

Aisaya 34:8

N‑yoonn mue le ye n‑yoonn mu Uwumbɔr ga gaa Sionn aatiŋ lii ki daa baadim aatafal na.

Aisaya 47:11

Tibɔbir ga dan aa pu, le saanyɔk ngbaan mubaa aan ŋmaa kiir ti. Nfum mubaa le tibɔbir ga lir ni aa pu, tibɔbir ti saa kee dakl ti pu daalbaadaal na le ga lir aa pu.

Aisaya 52:5

Tiwanbaan ngbaan le ki ŋa Babiloŋ ni mu: ni ye binaagbiib la, le baa pan ni pu tipar tibaa. Binib bi joo nimi na puk tipupukr ki mak ki lik seeni mi n‑yoonn mɔmɔk.

Aisaya 61:2

U tun ni mi ke m nan moon ke n‑yoonn fuu ni, buyoonn Uwumbɔr ga gaa waanib lii ki nyaŋ waadim na. U tun ni mi ke m nan sɔŋ binib bi wii na aasui,

Aisaya 63:4

Le m dakl ke n‑yoonn mu m ga di gaa maanib lii na fuu ni a; ni ŋeer ke m daa baadim aatafal.

Aisaya 65:14

Bi ga di mpopiin gaa ilahn, le nimi ga wii, nisui aah ga li bii pu na.

Jeremia 25:34

Nimi biyidam, li wii man, nimi maanib aayidam, wii mpɔɔn pu man. Li wii ikpowiil ki bilni titan ni man. N‑yoonn mu bi ga ku nimi na fuu ni a, bi ga kɔr nimi ke ipihja na, le ŋinikpol ga yaa ni kookoo.

Jeremia 49:3

Hesbonn aanib, li wii man. Ai aatiŋ kuln a. Raba aapiib, li wii ikpowiil man. Di tiwanpeenkaan ni saak kuub na ki di peen ki li wii. Li san gonni man. Bi ga yoor nimi aawaal Milkom buen tinaagbiir ni, ki kpaan yoor laatotoorb ni laawaadabim mu.

Jeremia 51:8

Babiloŋ kpaan lir libuul ngbaan ni le ki kuln. Wii kaakpuul man. Ban nnyɔk ki nan ŋa kaabuun ni, nibaakan, i ga yann.

Esekiel 13:5

Baa kiir kitiŋ ngbaan aagon nin chee kar lir na, kaa maa leŋni ŋigon ngbaan pu, kina pu na, Uwumbɔr aatɔb aawiin daal yaa nan fuu ni kan, Israel aatiŋ aan ŋmaa kiir kibaa.

Esekiel 21:12

Unibɔn, wii mpɔɔn pu; Kijaak aajuk kimina ga ku maanib Israel yaab aasalolm mɔmɔk la. Ki ga ku maanib ni baasalolm mɔmɔk. Li gbaa aabiŋ mpombiin pu.

Daniel 5:26

Naatataa mu sɔ: nkam, Uwumbɔr kahn saanaan aawiin i gur na ki kuln mu;

Daniel 5:9

Usui aah nan bii sakpen na, uwon nan moo yɔl la, le waaninyuum ngbaan aa nan nyi baah ga ŋa pu na.

Joel 1:11

Nimi bi ye bikpaab na, li wii man; nimi bi lik nimi aakpaakon na, li wii man, ba pu? idi, ni imuul, ni tijikaar mɔmɔk bii doo a.

Joel 1:13

Nimi bitotoorb bi dooni Uwumbɔr waatork aabimbiln taab na, peen tiwan ni saak kuub na ki li wii man. Li cha Uwumbɔr Aadichal ni ki ti li wii ikpowiil, ki taa geen man. Njikaabim ni ndaan aa bi ni di toor kitork tii nimi Aawumbɔr.

Joel 1:15

Uwumbɔr aawiin peen ni a; nwiin mundaal Mpɔɔnsakpiindaan ga bii tiwan mɔmɔk doo na peen ni a. Ba aajawaan aaboln aan kina aawiin ga joo ni.

Joel 1:5

Finn ki li wii man, nimi bidagbiib; nimi bi ye bidanyurb na, li wii man; ŋisubil ŋi bi joo ŋaa ndapɔm na mɔmɔk bii doo a.

Joel 2:1

Pii kakaan man; faa nkuun Sionn aajool li ye Uwumbɔr aajool ki bi chain na paab. Juda aatiŋ aanib, cha niwon li gbaa man. Uwumbɔr aawiin peen ni a.

Joel 2:11

Uwumbɔr tar ke utaal na ki tuk waatɔb aajab baah ga ŋa pu na. Waajab bi kii tii waamɔb na wiir ki kpa mpɔɔn. Uwumbɔr aawiin ngbaan daal kan, ubaa aan li wii aan uŋeen aatɔ ka laa. Ubaa aan ŋmar nwiin ngbaan daal.

Joel 2:31

Nwiin ga bɔln, le uŋmal mann ke nsin na waahr aan Uwumbɔr aawiin daal nin fuu ni. Mu ga li ye nwiin sakpiin mu kpa ijawaan na la.

Amos 5:18

Naan nan li ŋan tii nimi bi kii Uwumbɔr aawiin ngbaan na. Nwiin ngbaan daal aan nan joo ni tiwan nibaa ni ŋan. Ba pu? mu ga nan li ye libɔmbɔln ŋmeen kaan li kpa nwiihn.

Sefania 1:14

Uwumbɔr aawinkpaan ngbaan peen ni, mu peen ni ki choo mala mala. Mu ga li ye mpombiin daal la, hali bijab bi kaar na ga wii itaakpayɔl pu.

Sefania 1:7

Uwumbɔr aawiin peen ni a, nwiin mundaal Uwumbɔr ga ji binib tibɔr na peen ni a, kina pu na, li ŋmin suuna man. Uwumbɔr gor ke u kɔr waanib ke kitork aawakor na la, le ki yin baadim ke bi nan yoor baawan.

Sekaria 14:1

Nwiin mundaal Uwumbɔr ga kal ki ji binib tibɔr na peen ni a. Le bi ga yoor Jerusalem aawan mpɔɔn buen, ki ga yakr tiwan ngbaan ninimbil ni.

Malakai 4:5

“Tɔ, waahr aan min Uwumbɔr aawinbiik ngbaan daal nin fuu ni na, m ga tun ni maabɔnabr Elaija ni chee.

Jemisi 5:1

Nimi biwankpadam, ni li pel man. Ni li wii ki li kaani falaa u ga pii nimi na pu.

Tibɔkpiirkaan 18:10

Kitiŋ ngbaan aafalaa pu bi ga li san ijawaan, ki ga li si dandar, ki len ke, “Kitisakpeŋ Babiloŋ ki nan kpa mpɔɔn na, tibɔbir bi ki pu. Ntafadaan pii ki liwinbaal.”