Aisaya 13:19 - Uwumbɔr aagbaŋ

¹⁹ Babiloŋ aanaan le ŋan jer nnaan mɔmɔk; le mu aanib kpa kipupuk mu pu. Le min Uwumbɔr ga kuln Babiloŋ ke maah nan ŋa Sodom ni Gomora aatim pu na.

Aisaya 13:19 ပူးပေါင်းရင်းမြစ်များ

Mpiin 19:24

N‑yoonn ngbaan le Uwumbɔr cha mmiigaal ni chirbil lir Sodom ni Gomora aatim ngbaan pu.

Mpiin 19:25

Mu nan bii ntim ngbaan, ni itingbaan mɔmɔk doo, le binib mɔmɔk, ni timoor, ni isui, ni tiwan nimɔk nan bi ntim ngbaan ni na kpo doo.

Aisaya 13:1

Amos aajapɔɔn Aisaya aah gaa Uwumbɔr chee Babiloŋ aanaŋ i na sɔ:

Aisaya 21:9

Libuul ngbaan ni, le bi nyan ni. Bijab jak itaan, ki dii tɔb bilelee. Ukikiir ngbaan tuk mi waah kan pu na, “Babiloŋ lir a. Baah nan dooni ŋiwaa ŋimɔk na lir kitiŋ ki wii a.”

Aisaya 47:5

Uwumbɔr bui Babiloŋ aatiŋ ke, “Kal suuna mbɔmbɔɔn ni, ubaa aan ki yin si ke ŋitimbol mɔmɔk aapiibɔr.

Aisaya 48:14

Ni mɔmɔk kuun ni man ki nan pel. Ŋiwaa ngbaan ponn ni libaa aa nan ŋmaa len ke uja u m lee u na ga nan tak Babiloŋ aatiŋ; u ga ŋa maah tuk u ke u ŋa pu na.

Jeremia 25:12

Nee aapuwɔb le m ga daa Babiloŋ aatiŋ ni kaabɔr aatafal baatunwanbir pu. M ga kuln kitiŋ ngbaan ki cha ki kpaln tilangbenn ki ti saa n‑yoonn mu kaa kpa ndoon na.

Jeremia 49:18

Tiwan ni nan ŋa Sodom ni Gomora aatim aan mu ni ntim mu nan bi gbɔk mu na kuln na, kina le ga ŋa Edom aatiŋ mu. Ubaa aan ki koo nima kpala. Min Uwumbɔr le len kina.

Jeremia 50:40

Maah nan kuln Sodom ni Gomora aatim, ni ntim mu bi gbɔk mu na pu na, kina le m ga ŋa Babiloŋ mu. Ubaa aan ki koo nima daalbaadaal. Min Uwumbɔr le len kina.

Jeremia 51:26

Baan ki di saalangbentakpanjal libaa maa lidichal. Aa ga li gur bi ke nteersakpiin na le n‑yoonn mɔmɔk. Min Uwumbɔr le len kina.

Jeremia 51:29

Uwumbɔr aah bi tun waatuln ke u ŋa Babiloŋ nteersakpiin, nin chee ubaa aa koo na, le kitiŋ dam ki jii.

Jeremia 51:41

Uwumbɔr nan ki len Babiloŋ aabɔr ke, “Kitiŋ ki dulnyaa mɔmɔk nan pak ki na lir a. Babiloŋ gur ye ijawaan aawan le ŋitimbol chee.

Jeremia 51:62

Nee aapuwɔb na, mee limeel ke, ‘Uwumbɔr, aa bui ke aa ga bii do, le tiwanfuurkaan, binib ni tiwakor nibaa aan ki li bi ki pu, le ki ga li bi ke nteersakpiin na ki ti saa n‑yoonn mu kaa kpa ndoon na.’

Daniel 4:30

le ki bui ke, “Lik man Babiloŋ aah kpa mpɔɔn pu na. Min le maa ki ke maatiyil, ke m di mɔk maapɔɔn, ni maapak, ni maah kpa liyimbil pu na.”

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Sefania 2:9

Maah sil ye Uwumbɔr u bi n‑yoonn mɔmɔk, ki ye Israel yaab Aawumbɔr na, m puu ke m ga kuln Moab ni Amonn aatim ke maah nan kuln Sodom ni Gomora aatim pu na. Mu ga kpaln baah gbii n‑yaan nin chee na, ni baah kuln nin chee kookoo aan timoor gaa nima chee na la. Maanib bi ŋmar na ga yoor baawan ni baatiŋ mu.”

Rom Yaab 9:29

Ni bi ke Aisaya aah nan ki len pu na ke, “Uwumbɔr Mpɔɔnsakpiindaan yaa kaa ba gur timi yaabitiib siib kan, ti mɔmɔk ba ga kuln ke Sodom aatiŋ aanib ni Gomora aatiŋ aanib aah nan kuln pu na la.”

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.

Tibɔkpiirkaan 18:11

Le binib bi chuun tiir dulnyaa ni na mu ga wii ki li kpa mpombiin kitiŋ ngbaan pu; ba pu? ubaa aan ki daa baawan.

Tibɔkpiirkaan 18:19

le ki faa kitangbaak ŋa biyil pu, ki wii ki li kpa mpombiin ki len ke, “Tibɔbir bi kitisakpeŋ ngbaan pu la. Biŋɔdam bimɔk chuun nnyusakpem pu na nan kan tinyoor pam; ba pu? kitiŋ ngbaan aanib nan daa bi chee tiwan ni kpa kidaak na. Liwinbaal le kitiŋ ngbaan mɔmɔk kuln a.”