Aisaya 13:18 - Uwumbɔr aagbaŋ

¹⁸ Bi ga di itɔi ni ipiin le ki di ku binachipɔm. Baan san mbipɔm ni mbim kinimbaak.

Aisaya 13:18 ပူးပေါင်းရင်းမြစ်များ

2 Bibɔrb 8:12

Le Hasael baa u ke, “Uninkpel, ba ŋa aa wii?” Le Elaisa gar u ke, “Saah ga ŋa Israel yaab ijawaan sakpen aawan ni na pu le m wii. Aa ga see baatim mu pɔɔ aan bi maa ŋigon gob mu na mmii, ki suŋ baanachipɔm bi ŋan sakpen na, ki loe ku baabim, ki saa gbir baapiipudam aapuu.”

2 Bibɔrb Aabɔr 36:17

Kina pu le Uwumbɔr nan cha Babiloŋ aabɔr buen ti tak bi. Ubɔr ngbaan nan ku Juda aanachipɔm, hali ki ti kpaan ku bibaa Uwumbɔr Aadichal ni. Waa nan san ubaa kinimbaak, waa nan san bi laa diin na, ni bi por na, kaa san uja, bee upii, bee ubun, bee u kpa laafee na kinimbaak. Uwumbɔr di bi mɔmɔk ŋa uŋaal ni.

Ilahn 127:3

Mbim ye Uwumbɔr aapiin le ki tii timi; bi ye tinyoor bamɔnn la.

Aisaya 13:16

Bi ga li si lik kaa ŋmaa ŋa nibaa le bi chur baabim ti gbaa ku bi, le ki koo yoor baawan baadichal ponn ni, aan ki chur bipuutiib ki doon bi chee mpɔɔn.”

Aisaya 47:9

Naan yunn, liwinbaal le aa ga lann tiwan nilee ngbaan mɔmɔk. Hali saah kpa inyɔk i na aan ter si, le aa ga lann chal ni mbim mɔmɔk.

Aisaya 5:28

Baapiin ka, le bi gor baatɔi ke bi too. Baataan aataabuseen pɔɔ ke lichachatakpal na, le baataan aatɔroku tiib aataa manni mala mala ke kinaakpaajabuŋ na.

Jeremia 18:21

Tɔ, Uwumbɔr, cha nkon ku baabim; cha bi kpoi butɔb ni. Cha baapiib lann bichatiib ni baabim; cha iween ku bijab, aan baanachipɔm mu kpoi butɔb ni.

Jeremia 5:16

Laajab bi too itɔi na pɔɔ sakpen, le ki ku binib, kaa san kinimbaak.

Jeremia 50:30

Liyaadaal ngbaan le kaanachipɔm ga kpoi ki ponn ni, le kaajab mɔmɔk ga kuln. Min Uwumbɔr le len kina.

Jeremia 50:42

Bi yoor baatɔi ni baajaak aajum; bi kpa mbiin, kaa san kinimbaak. Bi yaa jak baataan kan, yaafuuk naahn nnyusakpem aafuuk la. Bi gor ki ban bi to Babiloŋ butɔb la.

Jeremia 51:22

ki joo ku bijab ni bipiib, ki joo ku bi por na, ni bi laa diin na, ki joo ku mbijabim ni mpiibim,

Jeremia 6:23

Bi yoor baatɔi ni kijaak aajum; bi kpa mbiin kaa san kinimbaak. Baataan aafuuk bi ke nnyusakpem aafuuk na la. Bi gor ke bi to Jerusalem butɔb.”

Esekiel 9:10

Maan san bi kinimbaak, m ga ŋa bi baah ŋa biken pu na.”

Daniel 7:5

Kipeewanbiik sakpeŋ kiken nan ki nyan ni ki si kitaajal pu. Ki nan kpob isikakpab itaa kimɔb ni, le nneel bui ki ke, “Li ŋmɔ, ŋmɔ tinann saah gee pu na mɔk.”

Hosea 13:16

Samaria aatiŋ aanib aah yii maamɔb na, bi ŋeer ntafadaan. Bi ga kpoi butɔb ni, le bidim di baabipɔm yur ku, ki saa gber bipudam aapuu.”

Nahum 2:1

Ninefa aatiŋ, bi gob si a. Mpɔɔn mu ga wii si yuk yuk na fuu ni a. Ban bijab sil saatiŋ aagon paab. Cha bi kiir nsan ngbaan. Gor ki kiir butɔb.

Nahum 3:10

Le bi nan yoor Tebes aanib buen tinaagbiir ni. Bi nan gbaa ku baabim bil kitiŋ ngbaan aalɔlɔnn mɔmɔk ni. Bi nan di tikululn le gbin binib bi ye baasalolm na, le ki yakr bi tii binib bi nan nyaŋ bi ki chur bi na.