Aisaya 13:13 - Uwumbɔr aagbaŋ

¹³ Nwiin mundaal aan min Uwumbɔr Mpɔɔnsakpiindaan ga mɔk maaŋuul na, m ga cha kitaapaak deŋ, le kitiŋ mu ga dam ki nya kaah si nin chee na.”

Aisaya 13:13 ပူးပေါင်းရင်းမြစ်များ

Job Aagbaŋ 9:6

Uwumbɔr cha kitiŋ puul le ki jii; u damni jaatɔlk mam bi joo kitiŋ na.

Ilahn 18:7

Le kitiŋ dam ki deŋ; ŋijoo aah baa nin chee na dam ki jii, ba pu? Uwumbɔr aaŋuul le nan fii.

Ilahn 88:16

Saaŋuusakpeln le nyiir mi bilni; maah san si ijawaan pu na le bii mi doo.

Aisaya 2:19

Buyoonn Uwumbɔr ga dan ki nan deŋ kitiŋ na, binib ga bɔr titakpalunn ni, ni ŋitakpasakpiin taab, ŋijoo paab, ke bi ŋmar waaŋuul, ni waapɔɔn, ni waawiihn sakpiin chee.

Aisaya 21:1

Babiloŋ yaab aabɔr sɔ. Kinaakpaajabuŋ aah ŋar nteer pu pu na, kina le tibɔbir ga nyan ni ijawaan aatiŋ kibaa ni ki dan Babiloŋ pu.

Aisaya 23:11

Uwumbɔr taln uŋaal paan nnyusakpem pu ki nyaŋ bibɔrb aanaan. U cha bi bii Fonisia aanyam.

Aisaya 24:1

Uwumbɔr ga kuln kitiŋ kee aan ki gur nkuun. U ga mur fenn kitiŋ kee, ki yaa kaanib.

Aisaya 24:18

Unii umɔk pɔɔn ubaa ke u nya ijawaan ni na ga lir libuul ni; le umɔk pɔɔn ubaa ke u nya libuul ni na, gaawɔb ga chuu u. Ntaanyusakpem ga nya paacham ki lir ni, le ŋitinyik ga deŋ.

Aisaya 24:19

Kitiŋ ga taa iween, ki wii, ki puu.

Aisaya 34:4

Nwiin, ni uŋmal, ni iŋmabi mɔmɔk ga ker lir ni kitiŋ ki kpaln titan. Kitaapaak ga kpab buen ke baah kpab nkan pu na, le iŋmabi ker lir ni ke ŋikakan aafar ti kuur na aah ker lir ni kitiŋ pu na.

Aisaya 47:1

Uwumbɔr bui ke, “Babiloŋ aatiŋ, sunn ni saabɔrjal pu, ki nan kal kitiŋ, titan ni. N‑yoonn mubaa aa nan naahn upii u kaa nyi uja na la, kitiŋ ki ubaa aa kee nyaŋ ki na, le dandana ma, saa ki pɔɔn, kaa ki ŋan mu. Aa gur ye unaagbiipii la.

Aisaya 51:6

Waan lik kitaapaak ngbaan; lik taab mu, kitaapaak ngbaan ga wɔŋ ke iŋmanyuu na; le kitiŋ mu ga ji deer ki ti doo ke likekekpokl na, le kaanib ga kpoi ke tisibir na. Le maah ga joo ni ŋŋmarm mu na aan li kpa ndoon; maanyaŋ mu aan li kpa ndoon.

Aisaya 9:19

Uwumbɔr Mpɔɔnsakpiindaan aaŋuul aah fii na, waatafadaan ngbaan ga bii tiwan ni binib mɔmɔk ke mmii aah wu bii tiwan pu na la. N‑yoonn ngbaan kan, ubaa aan ki li nyi uŋeen aatɔ aabɔr.

Jeremia 51:1

Uwumbɔr len ke, “M ban m cha libuln li bii tiwan na le daa Babiloŋ aatiŋ ni kaanib pu.

Inandalahn 1:12

Unii umɔk jer na kan, ki wii le ki len ke, “Lik maah bi pu na. Ubaa aa kee kan iween i aaboln m kan na, Uwumbɔr aaŋuul yoonn le u di kina aaween tii ni mi.

Joel 3:16

Uwumbɔr tar ke uchinn na Sionn aajool pu; uneel nyan ni Jerusalem aatiŋ ni, ke utaal aah tar pu na; le kitiŋ ni kitaapaak jii. U mu tee ga li kii waanib.

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Matiu 24:35

Paacham ni taab ga jer. Maamɔbon ma aan jer.”

2 Piita 3:10

Tidindaan aawiindaal ga fuu ni ke unaayuk aah fuur ni pu na la. Liyaadaal ngbaan le paacham ga faa kifuuk sakpen ki jer. Mmii mu ton sakpen na ga donn paacham aawan mɔmɔk. Kitiŋ, ni tiwan nimɔk bi kitiŋ pu na mu ga gaa mmii.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.