Aisaya 13:1 - Uwumbɔr aagbaŋ

¹ Amos aajapɔɔn Aisaya aah gaa Uwumbɔr chee Babiloŋ aanaŋ i na sɔ:

Aisaya 13:1 ပူးပေါင်းရင်းမြစ်များ

2 Bibɔrb 9:25

le Jehu bui waaja u bi u chee tɔroku ni aan bi yin u ke Bidkar na ke, “Nyan u ki di mee Nabof aakpaakon ni. Teer ke m ni sin aah nan kpaan dii Ubɔr Joram aate Ahab na, Uwumbɔr nan len Ahab ke:

Aisaya 1:1

Tibɔr ti bi kigbaŋ kee ponn ni na ye Juda ni Jerusalem aatim aabɔr le Uwumbɔr nan kpiir tuk Amos aajapɔɔn Aisaya. Ni nan ye buyoonn bibɔrb binaa bee nan jin jin nnaan Juda aatiŋ ni ki paan tɔb pu na la. Njan, ubɔr Usia le nan jin nnaan, le ubɔr Jotam nan paan u pu, le ubɔr Ahas mu nan paan Jotam pu, le Hesekia nan gbeln puwɔb.

Aisaya 13:19

Babiloŋ aanaan le ŋan jer nnaan mɔmɔk; le mu aanib kpa kipupuk mu pu. Le min Uwumbɔr ga kuln Babiloŋ ke maah nan ŋa Sodom ni Gomora aatim pu na.

Aisaya 14:28

Libiln li ponn ni ubɔrkpaan Ahas kpo na le tibɔr tee nan nyan ni.

Aisaya 15:1

Moab yaab aanaŋ sɔ. Kinyeek kibaa le Ar ni Kir aatim ga bii, le ni mɔmɔk ga ŋmin chii.

Aisaya 17:1

Uwumbɔr len ke, “Damaskus aan ki li ye kitiŋ sakpeŋ; ki ga li gur ye ŋilangbentanjal ŋmeen la.

Aisaya 19:1

Ijipt aatiŋ aabɔr sɔ. Uwumbɔr ka ntaalangbam pu ki choo Ijipt aatiŋ ni. Ijipt yaab aawaa aawon gbaa la. Ijipt aanib aataakpab yɔl a.

Aisaya 20:2

Ŋibin ŋitaa waahr aan nimina nin ŋa na, Uwumbɔr nan bui Amos aajapɔɔn Aisaya ke u takr waanaatak ki peer tiwanpeenkaan ni saak kuub na. U nan kii Uwumbɔr aamɔb ki nan gur chuun uŋmeen kaa tak ŋinaatak.

Aisaya 21:13

Arabia yaab aabɔr sɔ. Nimi Dedann aanib, nimi bi chuun ki tiir kitiirk ki doo Arabia aatingbaln li kaa kpa nibaa na pu na,

Aisaya 22:1

Tibɔr timina ye kifataŋ ki ponn ni Uwumbɔr kpiir tiwan mɔk waanib na aabɔr la. Ni ye ba bi ŋani? Ba ŋa binib ngbaan mɔmɔk bi ji njim baadichal aapaacham.

Aisaya 22:25

Kina yaa nan ŋa kan, nkpaa mu bi nan kpaa mpɔɔn pu na ga ŋɔb ki lir. Le tiwan nimɔk nan lun mu pu na doo le na.” Uwumbɔr le len kina.

Aisaya 43:14

Israel yaab Aadindaan Uwumbɔr u bi chain ki gaal nimi lir na bui ke, “Waahr aan m gaa nimi lii na, m ga tun bijab bi ti tak Babiloŋ aatiŋ; m ga gbaa wii kitiŋ ngbaan aabisamɔi aajaaleŋ tiib, le kaanib aafuuk ga kpaln iwiil.

Jeremia 24:1

Uwumbɔr nan di tibɔɔkur tilee ti gbii ŋikakan na mɔk mi, Waadichal aabisamɔb chee. Ni nan ye n‑yoonn mu Babiloŋ Aabɔr Nebukadnesar nan chuu Juda Aabɔr Jehoyachinn, u aate nan ye Jehoyakim na, ni Juda aayidam, ni baawanŋab, ni binib bi nyi tiwan sakpen na tinaagbiir nyan Jerusalem aatiŋ ni, ki di buen Babiloŋ aatiŋ ni na aapuwɔb la.

Jeremia 28:8

Uwumbɔr aabɔnabr bi nan puen len tibɔr n‑yaajayoonn, waahr aan m ni sin nin fuu ni na, nan len ke butɔb, ni nkon, ni iween ga dan ŋitimbol ni bibɔrkpaam pam pu.

Jeremia 50:1

Uwumbɔr aah nan di Babiloŋ aatiŋ ni kaanib aabɔr ti tuk mi na sɔ:

Jeremia 51:51

Ni bui ke, ‘Bi jinn timi inimɔɔn a; le biwɔwɔm aah gaa ŋipepel ŋi bi chain Uwumbɔr Aadichal ni na, ti kan ke taa ki kpa nterm mubaa.’

Esekiel 12:10

tuk bi min Aadindaan Uwumbɔr aah bi tuk bi pu na. Jerusalem aatiŋ aajojoor, ni binib bi koo nima chee na aanaŋ sɔ.

Daniel 5:28

n‑yakr, u chuu yakr saanaan ki di tii Media ni Pesia yaab.”

Daniel 5:6

Ijawaan nan chuu u, le uwon yɔl, le utaŋaayil gbaa.

Nahum 1:1

Uwumbɔr aabɔnabr Nahum u nyan ni Elkos aatiŋ ni na aah nan kan Ninefa aatiŋ aabɔr ti na sɔ. Uwumbɔr le nan kpiir ti mɔk u.

Habakuk 1:1

Uwumbɔr aah nan kpiir tibɔr ti tuk waabɔnabr Habakuk na sɔ.

Sekaria 12:1

Uwumbɔr aah nan len Israel aabɔr ti na sɔ. Uma le ye Uwumbɔr u taln kitaapaak na. Uma le naan kitiŋ, le ki tii unibɔn limɔfal. U len ke,

Sekaria 9:1

Uwumbɔr aanaŋ sɔ: U siin Hadrak aapepel ni Damaskus aatiŋ aatafadaan. Israel aanibol ni Siria aatiyil Damaskus mɔmɔk ye Uwumbɔr yaan la.

Malakai 1:1

Uwumbɔr aah nan di waabɔr ti tuk waabɔnabr Malakai ke u di tuk Israel yaab na sɔ.

Matiu 1:11

Josia mu ma Jekonia ni unaabitiib buyoonn baadim nan faa bi butɔb ki chuu bi buen Babiloŋ na.

Tibɔkpiirkaan 14:8

Uwumbɔr aatuun leler nan paan ni njan yoo na aapuwɔb ki len ke, “Kitisakpeŋ Babiloŋ lir a. Kitiŋ ngbaan le nan cha ŋinibol mɔmɔk aanib nyu ndapɔm gbii. Ndaan ngbaan le ye waadagook aakpeek. Nima le ki lir a.”