Aisaya 12:6 - Uwumbɔr aagbaŋ

⁶ Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 12:6 ပူးပေါင်းရင်းမြစ်များ

Ilahn 132:14

u len ke, “Do le m ga li bi n‑yoonn mɔmɔk, do le m ban ke m li joo maanib.

Ilahn 135:21

Pak Uwumbɔr, Sionn aatiŋ ni, pak u, udo Jerusalem ni man. Pak Uwumbɔr man.

Ilahn 46:5

Uwumbɔr bi kitiŋ ngbaan ni, kina pu na, kaan bii daalbaadaal; lichakpitaawoln le u ga dan nan ter ki.

Ilahn 68:16

Ba ŋa aa bi saajoomɔju sakpiin ngbaan paab ki lik seen lijool li Uwumbɔr lee ke u li bi nima na? Uwumbɔr ga li bi nima chee n‑yoonn mɔmɔk.

Ilahn 71:22

M ga sil di kibeek gaa ilahn ki pak si. Maawumbɔr, m ga pak si saaŋann sakpenn pu. M ga di maabeek tii sin u ye Israel yaab Aawumbɔr u bi chain na kipak.

Ilahn 89:18

Uwumbɔr, sin le nyan timi aakikiir, sin Israel yaab Aawumbɔr u bi chain na le tii timi, timi aabɔr.

Ilahn 9:11

Gaa ilahn ki pak Uwumbɔr u bi Sionn pu ki joo waanib na man. Bui linibol mɔmɔk man waah ŋa pu na.

Ilahn 99:2

Uwumbɔr kpa mpɔɔn Sionn pu, uma le ye ŋitimbol mɔmɔk aayidaan.

Aisaya 1:24

Kina pu na, li pel man Uwumbɔr Mpɔɔnsakpiindaan, Israel yaab Aadindaan u kaa kpa ŋeen aatɔ na aah len pu na: “M ga teen nimi maadim, aan naan ki ŋa mi tibɔbir tibaa.

Aisaya 10:24

Tidindaan Uwumbɔr Mpɔɔnsakpiindaan bui waanib bi bi Sionn na ke, “Asiria yaab yaa muk nimi ke Ijipt yaab aah nan muk nimi pu na kan, ni taa san bi ijawaan.

Aisaya 24:14

Le binib bi ŋmar na ga gaa ilahn mpopiin pu. Binib bi bi liwilir wɔb na ga len Uwumbɔr aapɔɔn aah bi pu na,

Aisaya 24:23

Uŋmal ga bɔnn, le nwiin aan ki li wiin; ba pu? Uwumbɔr Mpɔɔnsakpiindaan ga ŋa ubɔrkpaan. U ga li ye Jerusalem u bi Sionn aajool pu na aabɔr, le binib ngbaan aaninkpiib ga kan waah nyuun sakpen pu na.

Aisaya 30:19

Nimi binib bi koo Jerusalem ponn ni na aan ki wii iwiil. Uwumbɔr san nimi kinimbaak, le ni yaa wii ki yin u ki ban nterm kan, u ga kii nimi aayim.

Aisaya 33:21

Uwumbɔr ga mɔk timi waah kpa kipak sakpen pu na. Ti ga li bi ŋimɔɔ ni ikpen i waa na chee la, le iŋɔi i ye bidim aaŋɔi na aan koo ni nima chee.

Aisaya 33:24

Timi aatiŋ ni aanii ubaa aan ki bui ke u bun, le Uwumbɔr ga di timi aatunwanbir mɔmɔk cha pinn timi.

Aisaya 40:9

Jerusalem yaab, buen lijool li fɔk na paab man ki ti moon tibɔnyaan ngbaan. Teen mpɔɔn pu ki len ke, Sionn aanib, moon tibɔnyaan ngbaan man. Len mpɔɔn pu ki taa san ijawaan man. Tuk Juda aatim aanib ke Uwumbɔr choo.

Aisaya 41:14

Uwumbɔr bui ke, “Israel yaab, naah par kaa ki kpa mpɔɔn mu pu na, taa san man ijawaan, m ga ter nimi. Min, u ye nimi Israel yaab Aawumbɔr u bi chain na, min le ye u gaal nimi lir na.

Aisaya 41:16

Ni ga di ki mee yaa paacham; le libuln ga daa ki buen, le kitaabuŋ daa ki yaa. Le ni ga mɔɔr nimi ke min le ye nimi Aawumbɔr; ni ga pak mi, nimi Israel yaab Aawumbɔr u bi chain na.

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 54:1

Jerusalem, aa nan bi ke upii u kaa kpa mbim na la, le dandana ma aa ga ŋmaa teen ki gaa ilahn ni mpopiin. Dandana aa ga kan mbim ki jer upii u aachal aa kee buen nibaa chee ki cha u na.

Aisaya 60:16

Ŋitimbol ni bibɔrb le ga li tun tii si, ke ubo aana aah kpiini u pu aan u ti chikr na. Aa ga bee ke min Uwumbɔr le gaa si lii; min Israel yaab Aawumbɔr Mpɔɔnsakpiindaan na le gaa si lii kookoo.

Aisaya 8:18

M ni mbim bi Uwumbɔr tii mi na sɔ. Uwumbɔr Mpɔɔnsakpiindaan u aabɔrjal bi Sionn aajool paab na le di timi tun ni ke ti nan li ye limɔkl ki tii Israel yaab.

Jeremia 10:6

Uwumbɔr, ubaa aa bi ke sin na; saapɔɔn nyaŋ sakpen a, le saayimbil nyuun ki kpa mpɔɔn.

Esekiel 35:10

“Aa bui ke ŋitimbol ŋilee, Juda ni Israel, ki kpee ŋaatim mɔmɔk ye sin yaan le aa ga li joo ŋi, ki nyi gbin gbin ke min Uwumbɔr le ye Baawumbɔr.

Esekiel 39:7

M ga cha maanib Israel yaab li nyi maayimbil li ye chain na, kaan ki cha maayimbil ji inimɔɔn daalbaadaal. Le ŋitimbol ga bee ke min Uwumbɔr le ye Israel yaab Aawumbɔr u bi chain na.”

Esekiel 43:7

“Unibɔn, maabɔrjal sɔ do. M ga li bi do, maanib Israel yaab aakaasisik ni, ki li joo bi cha n‑yoonn mu kaa kpa ndoon na. Israel aanib, bee baabɔrb aan ki dii ŋiwaa, kaan ki sub baabɔrb do chee na ki jinn maayimbil li bi chain na inimɔɔn daalbaadaal.

Esekiel 48:35

Ŋigon ŋinaa ngbaan aafɔfɔk nan ti saa ŋitaa ŋichur piitaa ni ikui ilee ni moninko la. Kitiŋ ngbaan aayimbil ki nyan n‑yoonn mue ki joo cha ga li ye ke “Uwumbɔr‑bi‑do.”

Esekiel 48:8

Kitiŋ ngbaan aapaan mu nan paa kaasisik ni na le bi nan nyan siin ŋitun ŋibaa pu na. Mpaan ngbaan aawawaan ki nya ŋŋangan wɔb ki ti saa ŋŋangii wɔb li ye mal kipiik, ki nya liwipuul wɔb ki ti saa liwilir wɔb mu aafɔfɔk li fɔk ŋak ke baah gii pu tii ŋinibol ngbaan na. Mpaan ngbaan ni le Uwumbɔr Aadichal ga sil.

Hosea 11:9

Maan daa aatafal maaŋuul ponn ni; maan ki kuln Israel yaab, ba pu? M ye Uwumbɔr la, maa ye unibɔn. Min u bi chain na bi ni chee. Maan dan ni chee maaŋuul ponn ni.

Joel 2:27

N‑yaayoonn ngbaan, le nimi Israel yaab ga bee ke m bi nikaasisik ni, ki bee ke min Uwumbɔr le ye Nidindaan, ubaa aa ki bi ki kpee m pu. Ubaa aan ki lik seen maanib.

Sefania 2:5

Nimi Filistia yaab bi bi nnyusakpem aagbaan na, ni kuln a. Uwumbɔr jin nimi tibɔr ki siin waah ga ŋa nimi pu na a. U ga kuln nimi, le ni ponn ni ubaa aan ŋmar.

Sekaria 2:5

Uwumbɔr puu ke uma ubaa le ga li ye mmii aagoln ki mann goln kitiŋ ngbaan ki ga li kii ki, le ki ga li bi ki ni, ki wiin chain.”

Sekaria 2:9

Min Uwumbɔr ubaa le ga daa nimi ŋitimbol ngbaan aatafal, le binib bi nan ye nimi aanaagbiib na ga gaa nimi aawan mpɔɔn kijaak ponn ni.” Buyoonn nimina nan ŋa na, le ni ga bee ke Uwumbɔr Mpɔɔnsakpiindaan le tun ni mi.

Nkahm 23:21

Maah kan pu na, Israel yaab aan kan tibɔbir, bee limukl libaa. Bidindaan Uwumbɔr bi bi chee; bi mooni ke u ye baabɔr la.

Ikaal 23:15

“Unaagbiija yaa san udindaan chee, ki dan nimi aatiŋ ni, ki nan ban nkiirm kan, ni taa jenn giin u udindaan do.