Aisaya 12:4 - Uwumbɔr aagbaŋ

⁴ Nwiin mubaa ga fuu ni le binib ga gaa nlahn ke, “Doon Uwumbɔr man. Yin u ke u ter nimi man. Tuk ŋitimbol mɔmɔk waah ŋa pu na man. Tuk bi waah kpa liyimbil pu na man.

Aisaya 12:4 ပူးပေါင်းရင်းမြစ်များ

1 Bibɔrb Aabɔr 16:8

Di idoon tii Uwumbɔr, moon waah kpa mpɔɔn pu na man; bui ŋitimbol waah tun ŋitun ŋi na man.

1 Bibɔrb Aabɔr 29:11

Nnaan, ni mpɔɔn, ni kipak, ni kinyaan ye sin yaan la. Sin le yeh tiwan nimɔk bi paacham ni taab na, le aa ye ubɔr u jer bitinjoob mɔmɔk na.

Nehemia 9:5

Liifai yaab bimina le nan bui binib ngbaan ke bi doon Uwumbɔr: bima le ye Jesua, ni Kadmiel, ni Bani, ni Hasabneya, ni Serebia, ni Hodia, ni Sebania, ni Petahia. Bi nan len ke: “Fii sil man ki pak Nidindaan Uwumbɔr. Pak u ki ti saa n‑yoonn mu kaa kpa ndoon na man. Cha unii mɔmɔk pak waayimbil li kpa kipak na, unibɔn mu aapak aa tee nyuun ki ga ŋeer u.”

Ilahn 105:1

Di idoon tii Uwumbɔr man, moon waah kpa mpɔɔn pu na man; bui ŋitimbol waah tun ŋitun ŋi na man.

Ilahn 107:22

Ni ŋan ke bi di kitork aapiin tii u idoon, ki di mpopiin aalahn len waah tun pu na mɔmɔk.

Ilahn 113:5

Ubaa aa bi ke Tidindaan Uwumbɔr na. U koo paacham paacham la,

Ilahn 148:13

Cha bi mɔmɔk pak Uwumbɔr aayimbil. Waayimbil jer ŋiyimbil mɔmɔk, waanyuŋ jer paacham ni kitiŋ.

Ilahn 18:46

Uwumbɔr bi n‑yoonn mɔmɔk. Pak maakikiir man. Moon man ke Uwumbɔr kpa mpɔɔn; u gaal mi lir na pɔɔ sakpen a.

Ilahn 21:13

Uwumbɔr, ti pak si, saapɔɔn sakpiin pu. Ti ga gaa ilahn ki pak saapɔɔn.

Ilahn 22:31

Bi ga bui binib bi baa kee ma bi na ke: “Uwumbɔr gaa waanib lii.”

Ilahn 34:3

Cha m ni nimi kpaan man ki moon Uwumbɔr aah kpa mpɔɔn pu na; cha ti kpaan ki pak waayimbil man.

Ilahn 40:5

Tidindaan Uwumbɔr, aa ŋa tiwan pam tii timi; ubaa aa bi ke sin na. Aa dak ke aa ga ŋa iwaan aatun tii timi, maa nan ŋmaa len ŋi mɔmɔk pu, ŋaakahm wiir sakpen a.

Ilahn 46:10

U len ke, “Di cha kijaak man, ki bee ke min le ye Uwumbɔr, m ye ŋitimbol mɔmɔk aayidaan, ni dulnyaa mɔmɔk aayidaan.”

Ilahn 57:5

Uwumbɔr, mɔk saah pɔɔ sakpen pu na kitaapaak ni, ki mɔk saapak kitiŋ kee mɔmɔk pu.

Ilahn 68:5

Uwumbɔr u bi waadichal li bi chain na ponn ni na lik nkpobim, le ki kii bikpopiib.

Ilahn 73:28

Mma chee kan, ni ŋan ki ti nyaŋ ke m li duun Uwumbɔr; ni ŋan ti nyaŋ ke m kan Ndindaan Uwumbɔr chee nkiirm, ki moon waah ŋa pu na mɔmɔk.

Ilahn 9:11

Gaa ilahn ki pak Uwumbɔr u bi Sionn pu ki joo waanib na man. Bui linibol mɔmɔk man waah ŋa pu na.

Ilahn 96:3

Moon waah kpa kipak pu na ki tuk ŋitimbol, ki moon waah tun ŋitukpaan pu na tuk binib mɔmɔk.

Ilahn 97:9

Uwumbɔr u kaa kpa ŋeen aatɔ na, sin le ye kitiŋ kee mɔmɔk aajojoor; saapɔɔn nyaŋ dindatiib mɔmɔk aapɔɔn.

Nnyam 15:2

Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Nnyam 33:19

Le Uwumbɔr ki bui u ke, “M ga cha maajilmaa aawiihn ngbaan jer aanimbiin ni, le m ga yin maayimbil li bi chain na. Min le ye Uwumbɔr, le ki kpa linimbaasaln unii u m lee u na pu.

Aisaya 12:1

Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 2:11

Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 2:17

Unibɔn aagaak ga doo, le unibɔn aakalmbaani mu kuln. Ŋiwaa mɔmɔk ga kuln, le Uwumbɔr baanja le ga kan kipak ni nnyuŋ nwiin ngbaan daal.

Aisaya 24:15

le binib bi bi liwipuul wɔb na ga nyuŋ u. Binib bi bi nnyusakpem aagbaan na ga nyuŋ Uwumbɔr u ye Israel yaab Aadindaan na.

Aisaya 25:1

Ndindaan Uwumbɔr, m ga nyuŋ si ki pak saayimbil. Aa ŋa lijinjiir aawan; aa ŋman ki joo saah nan siin n‑yaayoonn na ke aa ga ŋa pu na.

Aisaya 26:8

Ti dii saah ban pu na ki kpa limakl aa pu; si le ye taah ban nimɔk na.

Aisaya 33:5

Uwumbɔr aapɔɔn nyaŋ a. Uma le joo tiwan mɔmɔk. U ga cha binib li kpa mbimbinyaan ki tii tɔb baabamɔn, Jerusalem aatiŋ ni,

Aisaya 42:12

Cha binib bi koo ntim mu bi dandar na tii Uwumbɔr kipak ni kinyuŋ.

Aisaya 48:20

Nya Babiloŋ ni man, li cha man, ni fuur a. Li kpa mpopiin man ki moon tibɔpɔnn ngbaan, cha bi ŋun ni kookoo man ke, “Uwumbɔr gaa waatutunn Israel aanibol lii a.”

Aisaya 66:19

ki bee ke min le dar bitafal. “Le m ga gaa bi ponn ni bibaa lii ki tun bi ŋitimbol, ni ntim mu daa kaa kee ŋun maayimbil pu, ki mu aa kee kan maapɔɔn na: ki ye Speenn aatiŋ, ni Libia, ni Lidia aatim ni, nin chee kpa bijab bi ŋmaa too itɔi na, ni Tubal ni Griis aatim ni. Ŋitimbol ŋee ponn ni le bi ga moon maapɔɔn.

Jeremia 50:2

“Bui ŋitimbol tibɔchann ngbaan. Moon ti. Tii limɔkl ki moon tibɔchann ngbaan. Taa di ti bɔr. Babiloŋ lir a. Kaawaal li bi yin li ke Maduk na wii yuk yuk a. Babiloŋ aawaa jin inimɔɔn a, kaawaa ŋi sukr ponn ni na wiil a.

Malakai 1:11

Dulnyaa wee aanib mɔmɔk nyuŋni mi la. Bi seer tulalee aayon ni kookoo ki tii mi, ki tii mi ipiin i ŋan na. Bi mɔmɔk nyuŋni mi la.

Jɔnn 17:26

M mɔk bi saah bi pu na, ki ga li beenin mɔk bi, ke bi mu li gee tɔb ke saah gee mi pu na, aan m mu li bi bi ni.”