Aisaya 12:2 - Uwumbɔr aagbaŋ

² Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 12:2 ပူးပေါင်းရင်းမြစ်များ

2 Samuel 7:24

Aa di Israel yaab ŋa saanib n‑yoonn mɔmɔk, le sin Uwumbɔr ye Bidindaan.

Job Aagbaŋ 13:16

Nibaakan, maayigbei ga gaa mi lii, ba pu? ubiindaan ubaa aan kaa ki sil Uwumbɔr chee.

Ilahn 112:8

Waa san ijawaan, le nibaa aa muk u; u ga sil kan ke waadim lir.

Ilahn 118:14

Uwumbɔr tii mi mpɔɔn sakpiin, u gaa mi lii.

Ilahn 118:21

Uwumbɔr, aa ŋun maayim pu ki tii mi linyaŋ, nima pu le m pak si.

Ilahn 27:1

Uwumbɔr le ye maawiihn, uma le gaal mi lir; Maan san ubaa ijawaan. Uwumbɔr kii mi le ki nyani mi linimaln mɔmɔk ni; maan li san ijawaan kpala.

Ilahn 65:6

Saapɔɔn pu le aa di ŋijoo siin ŋaabuu ni, ki mɔk saapɔɔn sakpiin.

Ilahn 68:20

Timi Aawumbɔr le ye Uwumbɔr u gaal binib lir na; uma le ye Tidindaan Uwumbɔr u nyani timi nkun ni na.

Ilahn 68:21

Uwumbɔr ga sil wii waadim aayil, u ga wii binib bi tun titunwanbir n‑yoonn mɔmɔk na aayil.

Ilahn 83:18

Cha bi bee ke sin baanja le ye Uwumbɔr, ki ye kitiŋ kee aayidaan u kaa kpa ŋeen aatɔ na.

Nnyam 15:2

Uwumbɔr le ye u kii mi ki pɔɔ na. Uma le gaa mi lii. Uma le ye Maawumbɔr, le m ga pak u. Uma le ye nte Aawumbɔr, le m ga gaa ilahn ki pak waah kpa mpɔɔn pu na.

Aisaya 10:24

Tidindaan Uwumbɔr Mpɔɔnsakpiindaan bui waanib bi bi Sionn na ke, “Asiria yaab yaa muk nimi ke Ijipt yaab aah nan muk nimi pu na kan, ni taa san bi ijawaan.

Aisaya 17:10

Israel yaab, ni suln Uwumbɔr bɔr; uma le nan nyan ni nimi ki kii nimi ke litakpasakpeln na. Naah tee ŋa pu na le ye ke ni ŋum ŋisubil aasui le ki dooni ŋiwaa.

Aisaya 27:5

Maanib aadim ma yaa tee ban ke m li kii bi kan, cha bi sɔŋ nsui. Mbamɔn, cha bi sɔŋ nsui.”

Aisaya 32:2

Bi mɔmɔk ga li bi ke mbɔbɔryaan mu ga ŋmaa kiir unii libuln chee, ni nin chee unii ga bɔr ki ŋmar kitaabuŋ chee na la. Bi ga li naahn ibun i puu nteersakpiin pu nin chee nnyun aa bi na, ki ki naahn litakpasakpeln li tii mboon nin chee isui aa bi na.

Aisaya 33:22

Tiwan nimɔk bi iŋɔi ngbaan pu na ye fam la; yaakeken ŋi cha i chuun na aan ŋmaa kpar. Ti ga di mpɔɔn gaa timi aadim aawangol mɔmɔk, le taah ga gaa liwangol li na ga li wiir sakpen; le biwɔb mu ga kan bi yaan. Uwumbɔr ubaa le ga li ye timi aabɔrkpaan; u ga li joo timi le ki kii timi.

Aisaya 38:20

Uwumbɔr, aa cha maaween sɔŋ a. Ti ga gbaa tibar ki gaa ilahn ki pak si. Timi aamɔfal mɔmɔk ni, ti ga gaa ilahn ki pak si Saadichal ni.

Aisaya 45:17

Le Uwumbɔr gaa Israel yaab ma lii, le Israel yaab aanyaŋ aan li kpa ndoon; Israel aanib aan ji inimɔɔn daalbaadaal.’”

Aisaya 49:5

Waahr aan bi nin ma mi na, Uwumbɔr nan nyan mi siin; u nan ŋa mi waatutunn ke m giin ni waanib, ke m giin ni waanib Israel yaab bi yaa na. Uwumbɔr nyuŋni mi; uma le tii mi mpɔɔn.

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Aisaya 51:12

Uwumbɔr bui ke, “Min le pɔɔk nitaakpab. Ba ŋa ni san unibɔn u ga kpo na ijawaan? Ba ŋa ni san unibɔn u ga kpo mala ke timoor na?

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Aisaya 62:11

Uwumbɔr bi mooni kitiŋ kee mɔmɔk pu ke: “Bui Jerusalem aanib ke Uwumbɔr choo u nan gaa nimi lii, ki joo ni binib bi u gaa bi lii na.”

Aisaya 65:18

Cha nisui li piin aan ni li mɔɔni maah ban m naan ni na pu. Maah ban m naan Jerusalem pɔɔn u na ponn ni ga li ye mmɔɔn ŋmeen la, le kaanib ga li kpa mpopiin.

Aisaya 7:14

Ni yaa ye kina kan, Uwumbɔr ubaa ga tii nimi limɔkl: lima le ye ke upii u kaa nyi uja na ga li kpa lipuul ki ga maa ubijabo ki ga yin u ke ‘Imanuel.’

Jeremia 23:6

U yaa nan ŋa ubɔr kan, Juda aanib ga kan lifuur, le Israel aanib kan nsuudoon. Bi ga li yin u ke ‘Uwumbɔr u gaal timi lir na’ la.”

Jeremia 3:23

Taah dooni ŋiwaa ŋigongon paab pu na aa kpa timi nterm mubaa. Timi Israel yaab aaterm nyani Tidindaan Uwumbɔr baanja chee la.

Daniel 3:28

Le ubɔr bui ke, “Pak Sadrak, ni Mesak, ni Abednego Aawumbɔr man. U tun ni waatuun le mu nan gaa waanib bitaa bi dii u ki gaa u ki kii na lii. Bi yii maamɔb ke bi ga di baamɔfal pa baah ba ga gbaan ki doon maawaal pu na pu; ke Baawumbɔr baanja le bi ga gbaan ki doon u.

Hosea 1:7

Tɔ, m ga li gee Juda yaab ma. Min, Bidindaan Uwumbɔr ga gaa bi lii, m mu aan di kijaak aajum, bee itɔi ni ipiin, bee itaan ni bitandam tun li.”

Joel 2:23

Sionn aatiŋ aanib, cha nisui li piin man, li mɔɔni Nidindaan Uwumbɔr aah ŋa pu tii nimi na pu. U tii nimi kiseek ni aataal, ki ŋeer naah ban pu na; ki cha utakuutaal ni unaalantaal mu nun mbamɔm ke waah ti nu pu na.

Jona 2:9

Le mma ga gaa ilahn pak si, m ga toor kitork tii si, ki ŋa maah puu ke m ga ŋa pu na. Limɔfal nyan ni Uwumbɔr chee la.”

Habakuk 3:18

m tee ga li mɔɔni Uwumbɔr pu, m ga li kpa mpopiin Uwumbɔr u gaal mi lir na pu.

Rom Yaab 1:16

Maa san inimɔɔn Yesu aabɔnyaan tee pu. Tibɔnyaan ngbaan kpa Uwumbɔr aapɔɔn. Binib bimɔk ŋun ti ki gaa Yesu Kristo ki kii na ga ŋmar; njan, bi ye Juu yaab na ga ŋmar, le bi kaa ye Juu yaab na mu ga ŋmar.

1 Timoti 3:16

Uwumbɔr aah kpiir waasan aabɔr ti tuk timi na, ti ye tibɔkpaan la: U nan yoor unibɔn aawon, ki nyan ubaa mpaan pu. Uwumbɔr Aafuur Nyaan le mɔk ke u ŋan. Uwumbɔr aatuuntiib waa u. Binib moon waabɔr ki tuk ŋitimbol aanib, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.

Tibɔkpiirkaan 7:10

ki teen mpɔɔn pu ke, “Timi Aawumbɔr u ka libɔrjal pu na, ni Upihbo ngbaan le nan gaa timi lii.”

1 Samuel 2:1

Le Hana mee Uwumbɔr ke: “Uwumbɔr di mpopiin gbiin nsui ni, waah ŋa pu tii mi na, nsui piir sakpen. M laa maadim; Uwumbɔr aah ter mi pu na tii mi mpopiin sakpen.