Aisaya 12:1 - Uwumbɔr aagbaŋ

¹ Nwiin mubaa ga fuu ni le binib ga gaa nlahn ke, “M pak si Uwumbɔr. Aa nan gee m pu liŋuul, dandana ma kan, aa sɔŋ nsui kaa ki gee m pu liŋuul.

Aisaya 12:1 ပူးပေါင်းရင်းမြစ်များ

Nehemia 8:10

Kina pu na, li chaa kun man ki ti ŋa njim ki ji. Yakr man nimi aajikaar ni ndaan ki tii binib bi kaa kpa na. Din aawiin ye chain aawiin le ki tii Uwumbɔr, nima pu na, cha nisui li piin man. Mpopiin mu Uwumbɔr tii na ga tii nimi mpɔɔn.”

Job Aagbaŋ 11:16

le saamuk mɔmɔk ga nya aayil ni, ke nwam mu jer aan bi suln mubɔr na.

Job Aagbaŋ 13:16

Nibaakan, maayigbei ga gaa mi lii, ba pu? ubiindaan ubaa aan kaa ki sil Uwumbɔr chee.

Ilahn 30:5

Waaŋuul aa fiir ni yunni, le waaŋann ma aa kpa ndoon. Iwiil ga li bi kinyeek, le kichakpiik ni nan kpaln mpopiin.

Ilahn 71:21

Aa ga moo tii mi mpɔɔn ki jer njan na; aa ga ki sɔŋ nsui.

Ilahn 85:4

Uwumbɔr u gaal timi lir na, giin ni timi aabaa chee, ki cha aasui li piin ti pu.

Ilahn 86:17

Uwumbɔr, mɔk mi saaŋann aamɔkl; binib bi nan mi na yaa kan ke aa ter mi ki tii mi mmɔɔn kan, bi ga ji inimɔɔn.

Ilahn 9:1

Uwumbɔr, m ga di nsui mɔmɔk pak si, m ga len saah ŋa lijinjiir aawan ni mɔmɔk na aabɔr.

Aisaya 10:25

Naan ki yunn le m ga daa nimi aatafal doo; n‑yoonn ngbaan le m ga kuln Asiria yaab kookoo.

Aisaya 10:4

Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 11:16

Nsankpaan ga li dɔ ki nyan ni Asiria ni, ki tii waanib bi kaa kpo ki bi nima na, ke mu aah nan dɔ tii biyaajatiib Israel yaab, baah nan nyan ni Ijipt aatiŋ ni pu na.

Aisaya 14:3

Uwumbɔr ga nyan Israel yaab baaween, ni baamuk ni, ni ŋitupɔɔl ŋi bi nan muk bi bi tun ŋi na.

Aisaya 2:11

Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 25:1

Ndindaan Uwumbɔr, m ga nyuŋ si ki pak saayimbil. Aa ŋa lijinjiir aawan; aa ŋman ki joo saah nan siin n‑yaayoonn na ke aa ga ŋa pu na.

Aisaya 25:9

Kina yaa ŋa kan, binib mɔmɔk ga bui ke, “Uma le ye Tidindaan. Ti kpa u pu limakl, le u gaa timi lii. Uma le ye Uwumbɔr. Ti kpa u pu limakl, le dandana ti kpa mpopiin ki mɔɔni; ba pu? u gaa timi lii.”

Aisaya 26:1

Nwiin mubaa choo, le binib ga gaa nlahn mumina Juda aatiŋ pu: Timi aatisakpeŋ pɔɔ. Uwumbɔr ubaa le kii kaagon.

Aisaya 35:10

Bi ga dii mu ti fuu Jerusalem ni mpopiin, ki gaa ilahn ki tar mpɔɔn pu ni mpopiin. Bi ga li kpa mpopiin n‑yoonn mɔmɔk, bi ga nya kinimbaak ni mpombiin ni kookoo.

Aisaya 49:13

Kitaapaak ni taab, li gaa mpopiin aalahn man. Cha ŋijoo li gaa ilahn man. Uwumbɔr ga sɔŋ waanib aasui; u ga san waanib bi bi falaa ni na kinimbaak.

Aisaya 51:3

M ga san Jerusalem yaab kinimbaak, ni bimɔk koo kaalangbenn ni na. Kitiŋ ngbaan gur ye nteer la, le m ga ŋa ki tikpin aasaak; ki ga li naahn maah nan ŋa ki Edenn ni na la. Mpopiin ni mmɔɔn ŋmeen le ga li bi ki ni, le bi ga li gaa kipak ni idoon aalahn ki pak mi.

Aisaya 54:7

“M nan san cha si siib; le ki ga ki di ngeehm yoor si.

Aisaya 54:8

M nan di liŋuul le ki san cha si siib, le m ga di maageehm mɔk si ki ti saa n‑yoonn mu kaa kpa ndoon na.” Kina le Uwumbɔr u gaa si lii na len.

Aisaya 54:9

“Nowa aayoonn na m nan puu tipuur ke nwam aan ki ji kitiŋ kee. Le dandana m ki puu ke maan ki gee liŋuul aa pu: maan ki kae si, kaan ki daa aatafal mu.

Aisaya 60:10

Uwumbɔr bui Jerusalem ke, “Biwɔwɔm le ga ki gir maa saagon, le baabɔrb li ye saanaagbiib. Maaŋuul ponn ni le m nan daa nitafal, le dandana wee ma m ga mɔk nimi maanimbaasaln, ni maah gee nimi pu na.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Aisaya 64:5

Aa yin binib bi gee ke bi li ŋani ni ŋan na, binib bi teer saah ban pu na, ke bi dan aa chee. Aa nan gee ti pu liŋuul, le ti nan beenin tun titunwanbir; hali saaŋuusakpeln ponn ni ti nan beenin tun titunwanbir ki nyan ni n‑yaajayoonn.

Aisaya 65:18

Cha nisui li piin aan ni li mɔɔni maah ban m naan ni na pu. Maah ban m naan Jerusalem pɔɔn u na ponn ni ga li ye mmɔɔn ŋmeen la, le kaanib ga li kpa mpopiin.

Aisaya 66:13

M ga sɔŋ nisui, Jerusalem ni, ke upii aah sɔŋni waabo aasui pu na la.

Jeremia 30:19

Binib bi koo nima na ga gaa kipak aalahn; mpopiin ga dan le bi li tar. M ga di ŋŋaal biin bi pu le bi pɔr kpee; le kina ngbaan tii bi liyimbil.

Jeremia 31:13

Bisapɔm ga li kpa mpopiin le ki waa liwaal, le bijab bi por na, ni binachipɔm ga li mɔɔni. M ga sɔŋ bisui ki cha baakpowiil kpaln mpopiin, ki cha baasuugar kpaln mmɔɔn.

Hosea 11:8

Israel, m ga ŋa kinye ki di si lii? M ga ŋa kinye ki di si mee? M ga ŋmaa kuln si ke maah nan bii Adma aatiŋ pu na aa? M ga ŋmaa ŋa si ke maah nan ŋa Seboyim aatiŋ pu na aa? Nsui aan cha m ŋa si kina, ba pu? m gee si sakpen a.

Hosea 6:1

Binib ngbaan len ke, “Cha ti gir Uwumbɔr chee man. U tii timi titotonn, le ki ga sil tii timi laafee; u tii timi ibuun, le ki ga sil ban litaln poo biin i pu, u ga sil ŋa kina.

Sekaria 1:16

Kina pu le m gir ni Jerusalem aatiŋ ni ke m nan mɔk ki maanimbaasaln. Maadichal ga ki gir sil, le bi ga ki gir maa kitiŋ ngbaan.”

Sekaria 14:20

N‑yoonn ngbaan kan, hali ŋibɔlun ŋi lee itaan aatangar pu na ga li kpa ŋŋmeen ke “Uwumbɔr Yaan.” Uwumbɔr Aadichal ni aakumbuu ga li bi chain ke ŋisambil ŋi si kitork aabimbiln taab na la.

Sekaria 14:9

Le Uwumbɔr ga li ye kitiŋ kee mɔmɔk aabɔr. Unii mɔk ga li dooni u ke u ye Uwumbɔr, le ki li nyi u liyimbil ngbaan pu.

Sekaria 8:11

Tɔ, maan ki ŋa litimbol limina aanib bi ŋmar na kina.

Sekaria 8:19

“Bumɔb aalulm bu ni lulni ŋmanaa, ni ŋmaŋmu, ni ŋmalole, ni ŋmapiik ni na ga kpaln mpopiin, ni mmɔɔn aajim le ki tii Juda aanib. Ni li gee ibamɔn ni nsuudoon.”

Rom Yaab 11:15

Uwumbɔr aah yii Juu yaab na, le u ni binib bi kaa ye Juu yaab na kpaan kijɔtiik. U yaa ki gaa Juu yaab kan, ni ga li ye limɔfal le ki tii binib. Nkun aan ki li joo bi.