Aisaya 11:9 - Uwumbɔr aagbaŋ

⁹ Uwumbɔr aagongoln Sionn li bi chain na paab nibaa aan li bi nima ki bir. Nnyusakpem ponn ni aah kpa nnyun sakpen pu na, kina le dulnyaa wee ga li nyi Uwumbɔr bɔr.

Aisaya 11:9 ပူးပေါင်းရင်းမြစ်များ

Job Aagbaŋ 5:23

Saakpaakon i aa ko na aan li kpa ŋitakpal; tipeewanbir aan tak si kpala.

Ilahn 72:19

Li pak waayimbil li kpa kipak na n‑yoonn mɔmɔk man. Cha waapak gbii dulnyaa wee mɔmɔk. Amii, amii.

Ilahn 78:54

U nan di bi nan fuu waatiŋ ki bi chain na pu, u di bi nan fuu ŋijoo ŋi pu uma ubaa nan jan ki gaa ŋi na.

Aisaya 11:13

Israel aanaan ni aanib aan ki li kpa lipiipoln Juda yaab pu, le Juda yaab mu aan ki li ye Israel yaab aadim.

Aisaya 11:8

Hali, ubo yaa gbiir uwaa u kpa liluul na chee kan, waan ŋa u nibaa.

Aisaya 2:4

U ga len ŋinibokpaan aabɔr, le bi ga di baajaak aajum mɔɔ ŋikuu, ki di baakpaatunn mɔɔ gɔrk tiib. Ŋinibol aan ki to tɔb butɔb, kaan ki gor bibaa kiir butɔb daalbaadaal.

Aisaya 30:26

Uŋmal ga li wiin ke nwiin na, le nwiin ga moo woln ki jer mu aah ti wiin pu na, ki naahn ke iwiin ilole le aah di kpaan ki wiin nwiin mubaa daal na. N‑yoonn mu Uwumbɔr ga poo waanib aabuun i u tii bi aan i yann na, le nimina mɔmɔk ga ŋa.

Aisaya 32:16

Le ibamɔn ni mbimbinyaan ga gbiin kitiŋ ngbaan ni;

Aisaya 33:6

le nibaa aan ki ŋmaa dam litimbol ngbaan. U kii waanib n‑yoonn mɔmɔk le ki tii bi nlan ni mbaem. Baawangol li bi gee sakpen na le ye ke bi li pak Uwumbɔr.

Aisaya 35:9

Ichinn aan li bi mu pu; tipeewanbir mu kibaa aan jer mu chee. Uwumbɔr aah gaa binib bi lii na le ga dii mu kun.

Aisaya 45:6

M ga ŋa kina ki cha dulnyaa mɔmɔk aanib bee ke min le ye Uwumbɔr, ke uken aa ki bi.

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Aisaya 52:10

Uwumbɔr ga di waapɔɔn mu bi chain na gaa waanib lii, le dulnyaa aanib mɔmɔk kan.

Aisaya 54:5

U naan si na ga li bi ke chal na le aa chee, waayimbil le ye Uwumbɔr Mpɔɔnsakpiindaan. Israel yaab Aawumbɔr u bi chain na le ga gaa si lii, uma le ye dulnyaa mɔmɔk aayidaan.

Aisaya 56:7

“M ga di nimi dan Sionn, maagongoln li bi chain na pu, ki tii nimi mpopiin Maameen Aadichal ni, ki gaa nimi aapiin aatork ki ni toor maabimbiln paab na. Bi ga yin Maadichal ke Mmeen Aadichal, nin chee ŋinibol mɔmɔk mee mi na la.”

Aisaya 59:19

Ki nya liwipuul ki ti saa liwilir wɔb, bi ga li san u ni waapɔɔn. U ga dan ke limɔɔl li puu mala mala na la, ki naahn libuln li pɔɔ na.

Aisaya 65:25

Takɔ tiib ni ipihbi ga kpaan ji; ichinn ga ŋmɔ timoor ke inaa aah ŋmɔ pu na, le iwaa mu aan ki li bir. Maagongoln Sionn li bi chain na pu, nibaa aan li bi li paab ki bir.”

Aisaya 66:18

M nyi baalandak ni baatun. M choo m nan kuun litimbol mɔmɔk aanib la. Bi yaa kuun ni kan, bi ga kan maapɔɔn aah ga ŋmaa tun pu na,

Aisaya 66:20

Bi ga giin joo ni nimi aatiŋ aanib ki nyan ni ŋitimbol ngbaan ni ke ipiin na la, ki nan tii mi. Bi ga joo ni bi itaan, ni ibon, ni laakumii tiib pu, ni itaan aatɔroku tiib pu, ki di dan maagongoln li bi chain na pu, ke Israel yaab aah joo ni njikaabim aapiin choo Jerusalem, min Uwumbɔr Aadichal ni, ŋisambil ŋi bi chain na ponn ni pu na la.

Jeremia 31:23

Uwumbɔr Mpɔɔnsakpiindaan, u ye Israel yaab Aawumbɔr na bui ke, “M yaa ki giin binib ngbaan kaan baatiŋ pu kan, bi ga ki len Juda ni kaatim ni ke, ‘Uwumbɔr ŋa waanyoor ŋa Jerusalem aagongoln li bi chain, aan u koo nima chee na pu.’

Jeremia 31:34

Bi ponn ni ubaa aan ki mɔk uŋeen aatɔ ke u bee Uwumbɔr, ba pu? bi mɔmɔk ga bee mi, biwaatiib ki ti saa bikpaam mɔmɔk ga bee mi. M ga di baatunwanbir cha pinn bi, kaan ki teer baataani. Min Uwumbɔr le len kina.”

Esekiel 34:25

M ga puu tipuur ti ga mɔk ke i ga li bi ŋŋmarm ni na tii i. M ga jenn nyan tipeewanbir mɔmɔk kitiŋ ngbaan ni, aan maapiih ga ŋmaa li bi ikpaakon, ni ŋŋmarm ni, ki doo tichoor ni.

Esekiel 47:5

U nan ki ŋaŋ ŋitaa lichur, ni ikui iloob, ni imonko iniin kpee, le nima chee aanyun nan nyoo sakpen le maa ŋmaa luul jer. Mu nan nyoo nima chee sakpen ke unii luul, see aa won kaakaan.

Daniel 11:45

U ga kpaan gaa waanaan aaboo sakpiin nnyusakpem ni lijool li Uwumbɔr Aadichal si li paab na aakaasisik ni. Tɔ, u mu ga kpo, le ubaa aan li bi nima ke u ter u.”

Daniel 12:4

“Tɔ, Daniel, kpab kigbaŋ ngbaan ki ŋal biin ki pu ki ti saa dulnyaa aadoon; le binib pam ga bii baayoonn ke bi bee tiwan ni bi ŋani na aatataa.”

Hosea 2:18

N‑yoonn ngbaan le m ni ipeel, ni inyoon i bir na ga puu tipuukpaan tii tɔb, le ni taa ŋa maanib nibaa. M ga ki nyan butɔb aajawan mɔmɔk ni ye kijaak aajum na, ni itɔi na kitiŋ ngbaan ni, ki cha maanib li bi nsuudoon, ni lifuur ni.

Joel 3:17

“N‑yoonn ngbaan, le nimi Israel yaab ga bee ke min le ye Nidindaan Uwumbɔr. M bi Sionn, maajool li bi chain na pu la; Jerusalem ga li ye kitiŋ ki bi chain na la; le kaadim aan ki ŋmaa nyaŋ ki daalbaadaal.

Habakuk 2:14

Nnyun aah bi ni kookoo nnyusakpem ponn ni pu na, kina le binib ga li nyi Uwumbɔr aah kpa mpɔɔn sakpen pu na dulnyaa wee mɔmɔk ni.

Sekaria 14:9

Le Uwumbɔr ga li ye kitiŋ kee mɔmɔk aabɔr. Unii mɔk ga li dooni u ke u ye Uwumbɔr, le ki li nyi u liyimbil ngbaan pu.

Sekaria 8:3

M ga gir ni Jerusalem aatiŋ pu. Kima le ye maatiŋ ki bi chain na, le m ga li koo ki ponn ni. Kaayimbil le ga li ye ke kitiŋ ki dii min Uwumbɔr mbamɔm na, le min Uwumbɔr Mpɔɔnsakpiindaan na aagongoln aayimbil ga li ye ke ligongoln li kaa kpa tijɔŋ na.

1 Tesalonika 5:15

Ni taa cha unii ubaa teen uken waah ŋa bakaa u na pu. Pɔɔn nibaa man ki li ŋani tɔb, ni binib mɔmɔk tibulchinn, n‑yoonn mɔmɔk.

Tibɔkpiirkaan 21:27

Tiwan ni kpa tijɔŋ na nibaa aan koo ni ki ponn ni. Binib bi dii ŋiwaa na ponn ni ubaa aan koo ni. Binib bi mɔln inyamɔn na ponn ni ubaa mu aan koo ni. Binib bi aayimbil ŋmee Upihbo ngbaan aamɔfal aagbaŋ ni na baanja le ga koo ni.