Aisaya 11:14 - Uwumbɔr aagbaŋ

¹⁴ Bi ga kpaan le ki ti tak Filistia yaab bi bi liwilir wɔb na, aan ki kpaan ti jenn gaa binib bi bi liwipuul wɔb na mu aawan. Bi ga nyaŋ Edom ni Moab aanib; le Amonn yaab mu ga kii baamɔi.

Aisaya 11:14 ပူးပေါင်းရင်းမြစ်များ

Aisaya 14:29

Filistia yaab, lidabil li bi di gbaa nimi na koo a, ni mu taa tee laa man. Uwaa ubaa yaa kpo kan, u bir jer uma ngbaan na ga dan nan gaa waabuul ni. Uwaa aajeln kaal kiwanbiik la.

Aisaya 15:1

Moab yaab aanaŋ sɔ. Kinyeek kibaa le Ar ni Kir aatim ga bii, le ni mɔmɔk ga ŋmin chii.

Aisaya 16:14

Le dandana wee Uwumbɔr bui ke, “Joo cha ni ŋibin ŋitaa na Moab aawangol mɔmɔk ga wɔŋ. Kaanipaak na ponn ni siib le ga ŋmar, le ki mu aan li kpa mpɔɔn kpala.”

Aisaya 25:10

Uwumbɔr ga kiir Sionn paab aanib; Moab yaab ma kan, u ga taa diin bi pu, ke inaa aah taa diini likakl tinaanyar ponn ni pu na la.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Aisaya 59:19

Ki nya liwipuul ki ti saa liwilir wɔb, bi ga li san u ni waapɔɔn. U ga dan ke limɔɔl li puu mala mala na la, ki naahn libuln li pɔɔ na.

Aisaya 60:14

Binib bi muk si na aajapɔtiib ga dan ki nan gbaan kitiŋ aanimbiin ni. Binib bimɔk nan lik seen si n‑yoonn mu jer na ga dan nan gbaan kitiŋ ki doon si. Bi ga yin si ke ‘Uwumbɔr aatiŋ’, ki ki yin si ke, ‘Sionn, Israel yaab Aawumbɔr u bi chain na aatiŋ’.

Aisaya 63:1

“Ŋma ye u nyan ni Bosra aatiŋ ki bi Edom ni na ki choo na? Ŋma ye u pee tiwanyaan ni man na, ki chuun ni mpɔɔn ŋmeen ki choo na?” Uwumbɔr u kpa mpɔɔn sakpen ki ga ŋmaa gaa unii lii na le choo ke u nan moon waanyaŋ.

Aisaya 9:12

Siria yaab ga nyan ni liwipuul wɔb, le Filistia yaab mu nyan ni liwilir wɔb, ki waa bimɔi ki ban bi. Nimina aapuwɔb na, Uwumbɔr aaŋuul aan kee sɔŋ; u beenin ban ke u daa bitafal.

Jeremia 40:11

N‑yoonn mue na, Israel yaab bi mɔmɔk bi Moab ni Amonn, ni Edom, ni ntim muken ni na, ŋun ke Babiloŋ aabɔr kii ke Israel yaab bibaa li beenin koo Juda ni, ki di Gedalia ŋa baayidaan.

Jeremia 48:40

Uwumbɔr puu ke litimbol ga boon ni nan pee Moab ke likaagiil na,

Jeremia 49:2

Tɔ, n‑yoonn choo, le m ga cha Amonn aatiyil Raba aanib ŋun butɔb aafuuk pu, le ki gur tilangbenn, kaatiwaatiir wu mmii. Le Israel yaab ga ki gaa baatiŋ ki bi nan gaa ki na bi chee.

Jeremia 49:22

Bidim ga boon ni ke likaagiil na le ki nan tak Bosra aatiŋ. Liyaadaal ngbaan kan, Edom aajab ga san ijawaan ke upii u imalween joo u na la.”

Jeremia 49:28

Uwumbɔr aah nan len Kedar aanibol, ni Hasor aah nan joo ŋipepel ŋi, aan Babiloŋ Aabɔr Nebukadnesar nan nyaŋ, ki gaa ŋi na aabɔr ti na sɔ: “Tak Kedar aanib ki kuln liwipuul wɔb aanibol ngbaan.

Esekiel 25:14

Maanib Israel yaab le ga teen Edom yaab lipɔln tii mi. Bi ga cha Edom yaab kan maaŋuul aah pɔɔ pu na. Edom aatiŋ ga bee ke ki sil ye kitiŋ ki m ga teen ki lipɔln na la.” Dindaan Uwumbɔr le len kina.

Daniel 11:41

U ga kpaan loon Kitiŋ ki Ŋan na mu, ki ku binib ŋichur ŋichur, le Edom, ni Moab, ni Amonn aatim aanib bi gur siib na ga san ŋmar.

Joel 3:19

Ijipt ni Edom aatim ga kpaln nin chee nnyun aa bi na la. Litambol ŋmeen le ga li gur bi nima, ba pu? bima le buen ti tak ki ku Juda aanib bi kaa tun taani ubaa na.

Amos 9:12

Le Israel yaab ga jan ki gaa Edom aatiŋ ki gur na, ni ntim mumɔk nan puun ye maatim na.” Uwumbɔr u ga cha nimina ŋa na le len kina.

Habakuk 1:8

“Baataan ŋmaa san mala mala ki jer ipeenaamuun, le ki bir jer nkon aah joo takɔtiib bi na. Baatandam nyan ni dandar aatim ni le ki jak ni baataan, baataan aataagbendun pɔɔ sakpen. I booni ke ŋikaagii le aah booni ke ŋi ti chuu tinann na.

Sefania 2:5

Nimi Filistia yaab bi bi nnyusakpem aagbaan na, ni kuln a. Uwumbɔr jin nimi tibɔr ki siin waah ga ŋa nimi pu na a. U ga kuln nimi, le ni ponn ni ubaa aan ŋmar.

Sefania 2:7

Juda aanib bi ŋmar na le ga gaa nimi aatiŋ. Baawakor ga li ŋmɔ timoor nima chee la, le bi mu li doo Askelonn aanib aadichal ni. Bidindaan Uwumbɔr ga li bi bi chee ki cha bi ki kan liwangol.

Sefania 2:9

Maah sil ye Uwumbɔr u bi n‑yoonn mɔmɔk, ki ye Israel yaab Aawumbɔr na, m puu ke m ga kuln Moab ni Amonn aatim ke maah nan kuln Sodom ni Gomora aatim pu na. Mu ga kpaln baah gbii n‑yaan nin chee na, ni baah kuln nin chee kookoo aan timoor gaa nima chee na la. Maanib bi ŋmar na ga yoor baawan ni baatiŋ mu.”

Nkahm 24:17

M nan lik kan n‑yoonn mu choo na aabɔr, le ki kan Israel yaab aatimbol. Ubɔr u bi ke liŋmabil li wiin chain na ga nan nyan ni litimbol ngbaan ni. Libɔrdabil ga nan nyan ni Israel aatimbol ponn ni, ki ga bii Moab yaab aayidam, le ki gbaa yaa mbiindam mɔmɔk.

Matiu 8:11

M tuk nimi la, binib pam ga nya ni liwipuul wɔb, ni liwilir wɔb, ki nan kal, ki ji Abraham, ni Aisak, ni Jakob chee tijikaar Uwumbɔr aanaan ni.

Bibɔjirb 6:3

Israel aanib yaa ti bun tijikaar na, le Midiann yaab, ni Amalek yaab, ni ŋinibol ŋi bi nteersakpiin ni na, ga dan ki nan tak bi.