Aisaya 11:11 - Uwumbɔr aagbaŋ

¹¹ Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 11:11 ပူးပေါင်းရင်းမြစ်များ

Mpiin 10:10

Njan, waah nan jin nnaan ntim mu ponn ni na le nan ye Babiloŋ, ni Erek, ni Akad; ntim mutaa ngbaan mɔmɔk nan ye Babiloŋ aatim la.

Mpiin 10:22

Sem aajapɔtiib le nan ye Elam, ni Asur, ni Apaksad, ni Lud, ni Aram; biyaabitiib nan di baayimbil le ki di yin baanibol aayimbil.

Mpiin 11:2

Baah nan chuun liwipuul wɔb na, bi nan ti fuu kitiŋ ki kaa kpa ŋigongon na ni, Babiloŋ aatiŋ ni, le ki kal nima chee.

Mpiin 14:1

N‑yoonn mue, bibɔrb binaa bibaa nan bi: Babiloŋ aabɔr u bi nan yin u ke Amrafel, ni Elasar aabɔr u bi nan yin u ke Ariok, ni Elam aabɔr u bi nan yin u ke Kedolaomer, ki kpee Goyim aabɔr u bi nan yin u ke Tidal na,

Mpiin 2:13

Bi yin lelee aapaln ke Gihonn, li nan puu dii Kus aatiŋ ni la.

2 Bibɔrb 17:24

Asiria aatiŋ aabɔrkpaan nan nyan binib Babiloŋ, ni Kuf, ni Ifa, ni Hamaf, ni Sefafaim aatim ni, le ki di bi kaan Samaria aatim ni, waah nan chur Israel aanib bi tinaagbiir nima chee na pu. Bi nan gaa ntim ngbaan le ki koo nima.

Esta 10:1

Tɔ, Ubɔrkpaan Sekes nan siin mpɔɔn aakaal mu cha binib bimɔk bi waanaan ni na tun lituln tii nnaan ngbaan na.

Ilahn 68:22

Uwumbɔr bui ke, “M ga giin ni nimi aadim ki nya ni Basann; M ga giin nyan ni bi nnyusakpem aataab,

Aisaya 1:9

Uwumbɔr Mpɔɔnsakpiindaan yaa kaa ba gur binib siib kan, Jerusalem ba ga kuln ke Sodom aatiŋ ni Gomora aatiŋ aah nan kuln pu na la.

Aisaya 10:20

N‑yoonn choo le Israel aanib bi ŋmar na aan nan ki li dak linibol li nan ban li ku doo bi na pu. Bi ga nan di baalandak mɔmɔk di tii bima Israel yaab Aawumbɔr u bi chain na la.

Aisaya 10:9

M nyaŋ Kalno ni Kakemis aatim mɔmɔk, ki nyaŋ Hamaf ni Apad aatim mɔmɔk. M nyaŋ Samaria ni Damaskus aatim.

Aisaya 11:16

Nsankpaan ga li dɔ ki nyan ni Asiria ni, ki tii waanib bi kaa kpo ki bi nima na, ke mu aah nan dɔ tii biyaajatiib Israel yaab, baah nan nyan ni Ijipt aatiŋ ni pu na.

Aisaya 19:21

Uwumbɔr ga di ubaa mɔk Ijipt aanib, le bi ga bee u ki doon u, aan ki joo ni kitork ni ipiin nan tii u. Bi ga puu tipuur bamɔnn tii u le ki ŋa baah puu pu na.

Aisaya 19:22

Uwumbɔr ga daa Ijipt aanib aatafal, le ki mu ga ki sɔŋ bisui. Bi ga fenn dan u chee, le u ga ŋun baameel, le ki nyan bi baafalaa ni.

Aisaya 21:2

M kan libiil aabɔr tibɔkpiirkaan ni, libiil ni ŋŋmannim aabɔr. Elam aajab, ti tak bi man. Media aajab, buen ti gob man ntim ngbaan. Uwumbɔr ga kuln Babiloŋ yaab aah tii nimi falaa u na.

Aisaya 22:6

Elam aatiŋ aatɔb aajab jak itaan ki fuu ni a, ki gor ki joo itɔi ni ipiin. Kir aatiŋ ni butɔb aajab gor baapen ki kii.

Aisaya 24:15

le binib bi bi liwipuul wɔb na ga nyuŋ u. Binib bi bi nnyusakpem aagbaan na ga nyuŋ Uwumbɔr u ye Israel yaab Aadindaan na.

Aisaya 37:31

Juda aanib bi ŋmar na ga pɔr ke isui i aasubon koo kitiŋ mbamɔm aan i lu ŋisubil sakpen na la.

Aisaya 42:10

Gaa nlahnpɔɔn ki tii Uwumbɔr man; dulnyaa aanib mɔmɔk, gaa ki pak u man. Nimi bi bi iŋɔsakpiin ponn ni, nnyusakpem pu na, pak u man; nimi tiwanfuurkaan ni mɔmɔk bi nnyusakpem ni na, pak u man. Nimi bi mɔmɔk bi ntim mu bi dandar na, gaa ilahn ki pak u man.

Aisaya 42:12

Cha binib bi koo ntim mu bi dandar na tii Uwumbɔr kipak ni kinyuŋ.

Aisaya 42:4

Utaakpab aan yɔl le u ga li kpa limakl; uma le ga siin ibamɔn kitiŋ kee pu. Ŋitimbol ŋi bi dandar na ka ki kii waamɔkm.”

Aisaya 45:14

Uwumbɔr bui Israel yaab ke, “Ijipt ni Kus aatim aawangol ga kpaln nimi yaan la, le Seba aatiŋ aajab bi fɔk sakpen na ga ŋa nimi aanaagbiib; ni ga di tikululn le di dar bi buen. Bi ga gbaan ninimbiin ni le ki gaŋ nimi ki bui ke, ‘Uwumbɔr bi ni chee, uma baanja le ye Uwumbɔr.

Aisaya 49:12

Maanib ga nyan ni dandar, bi ga nya ni ŋŋangan wɔb ni liwilir wɔb, ki nya ni Aswann aatiŋ ki bi ŋŋangii wɔb na.”

Aisaya 66:19

ki bee ke min le dar bitafal. “Le m ga gaa bi ponn ni bibaa lii ki tun bi ŋitimbol, ni ntim mu daa kaa kee ŋun maayimbil pu, ki mu aa kee kan maapɔɔn na: ki ye Speenn aatiŋ, ni Libia, ni Lidia aatim ni, nin chee kpa bijab bi ŋmaa too itɔi na, ni Tubal ni Griis aatim ni. Ŋitimbol ŋee ponn ni le bi ga moon maapɔɔn.

Jeremia 31:10

Uwumbɔr ki bui ke, “Ŋitimbol, li pel m chee man, ki di maabɔr moon nnyusakpem aagbaan ni daa na. M nan yaa maanib, le m ga ki kuun ni bi, ki li kpaa bi ke upihkpaal aah kpaa waapiih pu na.

Jeremia 44:1

Uwumbɔr nan len Israel yaab bi nan bi Ijipt aatiŋ pu ki koo Migdol, ni Tapanes, ni Memfis aatim ni, ni Ijipt aaŋangii wɔb aapepel ni na aabɔr.

Jeremia 49:23

Uwumbɔr aah nan len Damaskus aatiŋ aabɔr ti na sɔ: “Hamaf ni Apad aatim aanib aah ŋun tibɔbir ti na pu le ni tii bi ilandak ki muk bi. Ijawaan gbiin bi ki ti puu kpir ke nnyusakpem na la, le baa ŋmaa fuur.

Esekiel 27:6

Bi nan di ŋikpan aasui i bi Basann aatiŋ ni na le ŋa saaŋɔpann; Bi nan di Saiprus aasui ibaa aaboln le ŋa saaŋɔyil, le ki di iluub aanyin ŋmal i ponn ni.

Esekiel 29:14

le ki ga cha bi ti li koo Ijipt aapepel li bi ŋŋangii wɔb ki ye biyaajatiib aalangbenn na; nima chee le bi ga li bi ki ye nnaan mu kaa kpa mpɔɔn na,

Esekiel 30:14

M ga cha Ijipt aapepel li bi ŋŋangii wɔb na doon nkuun, ki see Soann aatiŋ ki bi ŋŋangan wɔb na mmii lii. M ga daa kaatiyil Tebes aatafal.

Esekiel 32:24

“Elam aatiŋ bi nima, le kaatɔb aajab aakaakul mann goln ki. Bi nan ku bi mɔmɔk butɔb ni la, le bi di ŋichakpamun sunn buen kitekpiitiŋ ni. Baamɔfal ponn ni, bi nan cha ijawaan bi ni kookoo, tɔ, dandana ma bi kpo dɔ inimɔɔn ŋmeen la.

Esekiel 38:8

Ŋibin pam aapuwɔb le m ga bui u ke u ti di butɔb koo kitiŋ ki aanib nyan ni ŋitimbol pam ni ki gir ni, kaa nyi butɔb aajawan aan ni yunn na ni. U ga koo Israel aajoo ŋi bi nan san cha ŋi aan ŋi doon nkuun ki yunn, ki mu gur kpa binib bi bi lifuur ni na ni.

Daniel 1:2

Uwumbɔr nan cha u nyaŋ Ubɔrkpaan Jehoyakim ki chuu u ki gaa Uwumbɔr Aadichal aawangol libaa ki di bi buen waawaa aadiik, Babiloŋ aatiŋ ni, ki di Uwumbɔr Aadichal aawan ngbaan di bil waawaa aawangol aadiik ni.

Daniel 11:18

Nee aapuwɔb, le u ga ti tak ŋitimbol ŋi bi nnyusakpem chee na, ki nyaŋ mu ponn ni pam. Le biwɔwɔm aajab aaninkpel ga nan nyaŋ u ki kuln waamakl ngbaan; mbamɔn, u ga giin Siria aabɔr aamakl ngbaan di ŋa u.

Daniel 8:2

Tidaŋ ngbaan ponn ni, m nan kan ke m si Susa, kitiŋ ki bi maa ligoln mann goln ki aan ki bi Elam aapepel ni na ni la. M nan si gbɔk Ulai Aamɔɔl la,

Hosea 1:11

Juda aanib ni Israel aanib ga ki gir kpaan kimɔbaan. Bi ga kpaan le ki ban usaloln ubaa, le bi ga ki pɔr ki kan nkam baatiŋ ni. Een, Jesreel aawiin daal ga li ye nwinkpaan la.

Hosea 11:10

“M yaa nan ŋuun baadim pu ke uchinn na kan, maanib ga dii mi. Bi ga nya liwilir wɔb ki dan m chee mala.

Hosea 11:11

Bi ga nya ni Ijipt aatiŋ ni mala ke inyoon na, ki nya ni Asiria aatiŋ ni mala ke ŋinanjel na. M ga ki giin ni bi bido bido. Min Uwumbɔr le len kina.”

Maika 7:12

Nimi aanib ga nya ni ni kookoo ki gir ni, ni chee; bi ga nya ni Asiria aatiŋ, ki bi liwipuul wɔb na ni, ki nya ni Ijipt aatiŋ ki bi liwipuul aaŋangii wɔb na, ki nya ni Yufrates aapepel wɔb, ki nya ni nnyusakpem, ni ŋijoo ŋi bi dandar na ni.

Sefania 2:11

Uwumbɔr ga cha ijawaan chuu bi. U ga cha kitiŋ kee pu aawaa taa ki li ye nibaa, le ŋitimbol mɔmɔk aanib li gur dooni u baatim ni.

Sekaria 5:11

Le u gar mi ke, “Bi joo ki cha Babiloŋ aatiŋ ni la, nima chee le bi ga ti maa kiwaadiik tii ki. Bi yaa maa kiwaadiik ngbaan doo kan, bi ga di kibɔɔkuuk ngbaan di siin nima, le binib ga li dooni ki.”

Sekaria 8:7

M ga nyan ni maanib baadim aah di bi buen ntim mu na ni,

Sekaria 9:2

Hamaf aatiŋ, ki bi Hadrak aatinaanmɔk na, mu ye uyaan la. Uma le yeh Taya ni Saidonn aatim, ni mu aanyim mɔmɔk.

Rom Yaab 11:15

Uwumbɔr aah yii Juu yaab na, le u ni binib bi kaa ye Juu yaab na kpaan kijɔtiik. U yaa ki gaa Juu yaab kan, ni ga li ye limɔfal le ki tii binib. Nkun aan ki li joo bi.

Rom Yaab 11:26

N‑yoonn ngbaan le Juu yaab mɔmɔk mu ga ŋmar. Ni ŋmee Uwumbɔr Aagbaŋ ni ke, “U gaal binib lir na ga nyan ni Sionn paacham, ki nyan Jakob aayaabitiib aatunwanbir.

2 Korenti 3:16

Unii yaa fenn ki dii Tidindaan kan, u ga bee naatataa.

Ikaal 9:29

Ni ye mbamɔn ke binib bee le aa nyan bi ke bi li ye saanib, le ki di saapɔɔn sakpiin na nyan ni bi Ijipt aatiŋ ni.’