Aisaya 11:10 - Uwumbɔr aagbaŋ

¹⁰ Nwiin mubaa choo, le ubɔrkpaan pɔɔn ubaa ga nyan ni ubɔrkpaan David aamaal ni, ki fuu ni, ki ga li ye ŋitimbol mɔmɔk aamɔkl. Bi ga kuun waanaan aatiŋ ni ki nyuŋ u.

Aisaya 11:10 ပူးပေါင်းရင်းမြစ်များ

Mpiin 49:10

Sin Juda ga li joo libɔrdabil, le saamaal ga li ye bibɔrb n‑yoonn mu kaa kpa doon na. Ŋitimbol yayan aabɔrb ga joo ni ipiin nan tii si. Bi ga dan ki nan gbaan aanimbiin ni, ki kii saamɔb.

1 Bibɔrb Aabɔr 2:12

ni Obed, ni Jese.

Ilahn 116:7

Uwumbɔr aah kpa m pu tiŋann pu na, le m kpa nsuudoon.

Ilahn 145:11

Bi ga len saanaan aapɔɔn aah kpa kinyuŋ pu na, ki len saah kpa mpɔɔn pu na,

Ilahn 149:5

Cha Uwumbɔr aanib li mɔɔni baah nyaŋ pu na pu, ki gaa mpopiin aalahn ti woln kitaak.

Ilahn 91:1

Unii umɔk chaa Uwumbɔr chee ti ban nkiirm na, unii umɔk bi Uwumbɔr Mpɔɔnsakpiindaan aaŋaal ni na

Ilahn 91:4

U ga taln waafeen biin aa pu; aa ga kan u chee ŋŋmarm; waaŋann le ga li kii si ki joo si.

Aisaya 11:1

Baah gaa busub lii aan ibonpɔɔn ki kpenn pu na, kina le ubɔrkpaan David aamaal ponn ni bi. Ubɔrkpaan pɔɔn ga ki nyan ni David aayaabitiib ni.

Aisaya 11:12

Uwumbɔr ga yoor limɔkl aatuutaa paacham, ki mɔk ke u bi kuuni Israel ni Juda yaab bi nan yaa ki bi ntim yayam ni na, ki nyan ni bi dulnyaa aapepel ŋinaa na mɔmɔk ni.

Aisaya 14:3

Uwumbɔr ga nyan Israel yaab baaween, ni baamuk ni, ni ŋitupɔɔl ŋi bi nan muk bi bi tun ŋi na.

Aisaya 2:11

Nwiin mubaa choo, buyoonn unibɔn aagaak ga doo aan kalmbaani mu kuln na. N‑yoonn ngbaan le Uwumbɔr baanja ga kan bunyuŋ.

Aisaya 2:2

N‑yoonn choo, le lijool li pu Uwumbɔr Aadichal si na ga li ye lijool li paa jer ŋijoo mɔmɔk na, li ga li fɔk chaar jer ŋigongon mɔmɔk, le ŋinibol pam ga dan li chee,

Aisaya 2:3

le ŋaanib ga bui ke, “Cha ti jon man Uwumbɔr aajool ki buen Israel yaab Aawumbɔr aadichal ni. U ga mɔk timi waah ban ti ŋa pu na; le ti ga chuun waah lee isan i na pu; Uwumbɔr aamɔkm nyan ni Jerusalem ni la; Sionn pu le u len waanib chee tibɔr.”

Aisaya 28:12

U tii ni mɔmɔk lifuur ni mmɔɔn, le ni yii kaa pel u chee.

Aisaya 42:4

Utaakpab aan yɔl le u ga li kpa limakl; uma le ga siin ibamɔn kitiŋ kee pu. Ŋitimbol ŋi bi dandar na ka ki kii waamɔkm.”

Aisaya 49:22

Tidindaan Uwumbɔr bui waatimbol ke: “M ga tii ŋitimbol limɔkl aan bi kunn ni saabim.

Aisaya 59:19

Ki nya liwipuul ki ti saa liwilir wɔb, bi ga li san u ni waapɔɔn. U ga dan ke limɔɔl li puu mala mala na la, ki naahn libuln li pɔɔ na.

Aisaya 60:3

Ŋitimbol ga kuun dan saawiihn chee, le bibɔrb san dan saataak ki bi wolni na chee.

Aisaya 60:5

Aa ga kan nimina, le aasui piir chak chak. Aawon ga li gbaa aasui aah piir pu na pu. Bi ga li joo ni ŋitimbol aawangol ki nan tii si; ŋitimbol ngbaan aawangol ga puur nnyusakpem ki pii ni si.

Aisaya 62:10

Jerusalem aanib, nya kitiŋ ngbaan ni man, ki naan nsan kiir nimi aanib bi gir choo kun ni na. Naan nsan mu waa na man; nyan ŋitakpal mɔmɔk man, ki siin limɔkl aan ŋitimbol mɔmɔk bee ke

Aisaya 66:19

ki bee ke min le dar bitafal. “Le m ga gaa bi ponn ni bibaa lii ki tun bi ŋitimbol, ni ntim mu daa kaa kee ŋun maayimbil pu, ki mu aa kee kan maapɔɔn na: ki ye Speenn aatiŋ, ni Libia, ni Lidia aatim ni, nin chee kpa bijab bi ŋmaa too itɔi na, ni Tubal ni Griis aatim ni. Ŋitimbol ŋee ponn ni le bi ga moon maapɔɔn.

Jeremia 6:16

Uwumbɔr bui waanib ke, “Sil isayakr ki li lik man. Baa ki bee man n‑yaayoonn na aasanbim ni nsanyaan na aah nan bi nin chee na. Li chuun mu pu man, ki kan lifuur.” Le bi bui ke, “Ayii, taan ŋa kina.”

Hagai 2:9

Maadichapɔln limina ga li ŋan jer likpokl na pel pel, nima chee le m ga tii maanib nwankam ni nsuudoon.” Uwumbɔr Mpɔɔnsakpiindaan le len kina.

Sekaria 6:13

Uma le ga maa li, ki ga kan ubɔr aapak, ki ka waabɔrjal pu ki joo waanib. Utotoor ga li si gbɔk waabɔrjal, le bi ga li kpaan tun lituln nsuudoon ni kimɔbaan ni.’

Nkahm 10:33

N‑yoonn mu Israel yaab nan nyan Uwumbɔr Aajool Sainai chee na, bi nan chuun iwiin itaa la. N‑yoonn mɔmɔk Uwumbɔr Aakaal Aadakaa le bi nan joo lolni nsan, le u mɔk bi baah ga kal nin chee na.

Matiu 12:21

U pu, le ŋinibol aanib mɔmɔk ga li kpa limakl.”

Matiu 8:11

M tuk nimi la, binib pam ga nya ni liwipuul wɔb, ni liwilir wɔb, ki nan kal, ki ji Abraham, ni Aisak, ni Jakob chee tijikaar Uwumbɔr aanaan ni.

Tibɔnyaan ti Luk ŋmee ti na 2:32

U ye nwiihn ki ga woln binib bi kaa ye Israel yaab na aanimbil. U pu, le binib ga nyuŋ saanib Israel yaab.”

Jɔnn 12:32

Bi yaa yoor mi kitiŋ paacham kan, m ga daa foor binib mɔmɔk dan mbaa chee.”

Lituln 11:18

Juu yaab ngbaan aah ŋun Piita aah len pu na, le baa ki kpak u. Bi nan nyuŋ Uwumbɔr, le ki bui ke, “Kina pu na, Uwumbɔr cha binib bi kaa ye Juu yaab na mu kpeln baabimbin ki kan limɔfal.”

Lituln 28:28

Pɔɔl nan ki bui bi, “M ban ke ni bee ke Uwumbɔr tun mi ke m buen binib bi kaa ye Juu yaab na chee, ki ti tuk bi waabɔr, aan bi mu ŋmar. Bima le ga ŋun.” [

Hiibru Yaab 4:1

Tɔ, Uwumbɔr aah puu tipuur ke u ga tii timi lifuur na, nsan laa beenin bi ke ti kan li. Nima na, ni li nyi man, ubaa taa lann lifuur ngbaan.

1 Piita 5:10

Ni yaa ji falaa ni yunn siib kan, Uwumbɔr ga ter nimi, ki tii nimi mpɔɔn ni li dii u mbamɔm, ki taa gir puwɔb. Ba pu? nterm mɔmɔk nyan ni uma le chee. U nan yin nimi Kristo pu, ke ni nan ji waamɔɔn n‑yoonn mu kaa kpa ndoon na.

Tibɔkpiirkaan 22:16

“Min Yesu tun ni maatuun u nan tuk nimi tibɔr tee, ni ti tuk maanib. M ye Ubɔr David aayaabil, ki ye liŋmabil naanyuun li wiin chain na.”

Tibɔkpiirkaan 5:5

Le bininkpiib na ponn ni ubaa bui mi ke, “Taa ki wii. Lik, Yesu u pɔɔ ke uchinn, ki ye Juda aanibol ni aanii ubaa, ki ye Ubɔr David aayaabil na le nyaŋ, ki ga ŋmaa dabr kigbaŋ ki bi dab ki nfum mulole na, ki kpar ki.”