Aisaya 10:6 - Uwumbɔr aagbaŋ

⁶ M tun Asiria yaab ke bi ti tak litimbol li kaa dii mi Uwumbɔr aasan na, binib bi cha maaŋuul fii bi pu na. M tun bi ke bi ti jenn ki gaa, ki su baawan, ki taa binib pu ki ŋmal titan ni, kitiŋ ponn ni.”

Aisaya 10:6 ပူးပေါင်းရင်းမြစ်များ

2 Samuel 22:43

M gbaa bi, le bi kpaln kitangbaak; m taa bi pu kitiŋ ponn ni ke tikpakpar na la.

2 Bibɔrb 18:25

Ni dak ke m di mbaa aapɔɔn le ki nan tak nimi aatiŋ ki kuln ki, kaa ye Uwumbɔr aaterm aa? Uwumbɔr ubaa le bui mi ke m nan tak ki, ki kuln ki.”

Aisaya 19:17

Ijipt yaab ga san Juda yaab ijawaan n‑yoonn mumɔk bi teer bi Uwumbɔr Mpɔɔnsakpiindaan aah gor ntafadaan mu kiir bi na.

Aisaya 22:5

N‑yoonn mumina ye mpobiyuk, ni linyaŋ, ni nlanŋmal le Tibɔkpiirkaan Aafataŋ ngbaan ni. Tidindaan Uwumbɔr Mpɔɔnsakpiindaan le tun ni kina ti chee. Bi gbaa wii timi aatiŋ aagon, le binib aah wii pu ki ban nterm na ti keei ŋigongon paab.

Aisaya 24:5

Binib ngbaan bii kitiŋ la; bi kool Uwumbɔr aakoobil ki bii tipuur ti u nan puu ke ti li bi ki cha n‑yoonn mu kaa kpa ndoon na.

Aisaya 29:13

Uwumbɔr bui ke, “Binib bimina bui ke bi dooni mi la, le baadoon aa kpa tataa, bisui bi nibaa wɔb la. Bi joo biyaajatiib aakaal i bi di ŋa bisui ni ki ŋmaa teer i n‑yoonn mɔmɔk na la, ke ni ye Uwumbɔr aakaal la.

Aisaya 32:6

Ujɔr le ye unii u len kijɔrk aaliin, ki dakl ilandak i kaa ŋan na. Waah ŋani pu na, ni waah len pu na mɔmɔk ye lisiibil le ki tii Uwumbɔr; waa kpiini nkon aah joo binib bi na, kaa tii binib bi nnyunyuu joo bi na mu nnyun.

Aisaya 33:1

Timi aadim aamɔfal junn a. Bi sun kinaayuk, ki bii binib, le ubaa ma aa sun bi kinaayuk kaa bii bi mu. Tɔ, baayoonn mu bi joo su ki bii binib na ga doo, le binib mu ga su bi kinaayuk ki bii bi mbamɔm.

Aisaya 33:14

Sionn aatunwanbirdam na aapobil yuk, le biwon gbaa. Le bi len ke, “Uwumbɔr aabɔjil naahn mmii mu wu kaan junn na la. Ti ponn ni, ŋma ga ŋmar mmii mumina aaboln ni?”

Aisaya 41:25

M lee uja u bi liwipuul wɔb na; m ga cha u nyan ni paacham wɔb ki nan tak nimi. U taar bitinjoob ŋmalni titan ni ke baah ye tikpakpar le na, ke uyakmaal aah nyani tiyakr pu na.

Aisaya 49:17

Binib bi ga ki gir maa Jerusalem aatiŋ siin na ga fuu ni dandana, le binib bi nan bii si na ga nya.

Aisaya 49:25

Le Uwumbɔr giin kii ke, “Kina le sil ga ŋa. Bi ga gaa butɔb aaja chee biyom, ki gaa ubiindaan chee waah gaa tiwan ni kijaak ni na. Unii umɔk tak si na, m ni udaan ga jan, le m ga gaa saabim lii.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 5:29

Baatɔb aajab ŋuuni ke uchinn u chuu upeel ki joo san cha nin chee ubaa aan ki ŋmaa gaa upeel ngbaan u chee na aah ŋuuni pu na la.

Aisaya 5:5

“Maah ga ŋa maasaak ngbaan pu na sɔ: M ga chuu ŋɔi idɔ i m nan di gob ki aan i kii ki na, le ipeel i bir na nan ŋmɔ ki, ki taa taa bii ki.

Aisaya 63:3

Le Uwumbɔr kii ke, “M taa taa ŋitimbol ngbaan ke ndaan aasubil na la, le ubaa aa dan nan ter mi. Maaŋuul ponn ni le m taa taa bi pu, le baasin meeh meeh maawanpeenkaan.

Aisaya 63:6

Maaŋuul ponn ni le m nan taa taa ŋitimbol ki yaa ŋaanib ki di baamɔfal aasin kpir kitiŋ.”

Aisaya 7:17

“Uwumbɔr ga di tibɔbir aayoonn lii ni aa ni saanib pu, ni nnaan aadichal mɔmɔk pu. Ti ga jer tibɔbir ti dan nnaan ngbaan ni, buyoonn Israel yaab ni Juda yaab nan yakr tɔb chee ki nan saa din na. U ban u yin ni Asiria yaab aabɔrkpaan la.

Aisaya 8:4

Waahr aan u ti ŋa nlan ki ŋmaa len ke ‘Nna’ ni ‘Nte’ na, Asiria aabɔrkpaan ga gaa Damaskus aawangol ni Samaria yaab aah jenn gaa tiwan ni mɔmɔk na.”

Aisaya 8:8

Bi ga ŋar Juda ŋŋaan ki biin tiwan mɔmɔk pu ke nwam na.” Tɔ, Uwumbɔr bi ti chee. U ga taln uŋaal ki biin kitiŋ ngbaan pu.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Aisaya 9:19

Uwumbɔr Mpɔɔnsakpiindaan aaŋuul aah fii na, waatafadaan ngbaan ga bii tiwan ni binib mɔmɔk ke mmii aah wu bii tiwan pu na la. N‑yoonn ngbaan kan, ubaa aan ki li nyi uŋeen aatɔ aabɔr.

Jeremia 25:9

‘M ban m tun yin ni ŋŋangan wɔb aanib mɔmɔk, ni Babiloŋ Aabɔr Nebukadnesar, u ye maatutunn na la. M ga cha bi dan ki nan tak Juda ni kaanib, ni ŋitimbol ŋi mɔmɔk mu bi gbɔk ki na, ki cha mu li gur ye tilangbenn ti kpa ijawaan na, ki ti saa n‑yoonn mu kaa kpa ndoon na. Min Uwumbɔr le len kina.

Jeremia 3:10

Nee mɔmɔk aapuwɔb na, Israel aana aabo Juda, u nyan mpuwɔb na ŋmann ke u gir ni m chee la; waa nan si chob. Min Uwumbɔr le len kina.”

Jeremia 34:22

M ga lii bi bumɔb le bi ki gir ni kitiŋ kee pu. Bi ga tak ki, ki nyaŋ ki, le ki see ki mmii. M ga ŋa Juda aatim ke nteersakpiin mu pu ubaa aa koo na la. Min Uwumbɔr le len kina.”

Jeremia 4:14

Jerusalem aanib, finn nyan tibir ti bi nisui ni na, aan ki ŋmar. Ni ga li dak tilandakwanbir ki ti saa bayoonn?

Esekiel 29:20

Waajab aah nan tun maatun na pu le m ga di Ijipt aatiŋ tii u. Min Dindaan Uwumbɔr le len kina.

Esekiel 38:12

Aa ga yoor ntim mu nan ye tilangbenn n‑yoonn mubaa na aanib aawan mpɔɔn buen. Bi kuun ki nyan ni ŋitimbol pam ni la, le ki kpa tiwakor, ni liwangol ki koo dulnyaa aasayakr aatiŋ ni.

Esekiel 38:13

Seba aanib, ni Dedann aanib, ni Speenn aatim aawantiirb ga baa si ke, ‘Aa kuun saajab ki nan tak bi, ke ni yoor baawan mpɔɔn la aa? Aa ŋa nlandak ke aa kan tikunabr, ni salmaa, ni tiwakor, ni liwangol ki di nimina mɔmɔk buen la aa?’”

Maika 7:10

Timi aadim ga kan nimina, le ki ji inimɔɔn, bidimbaam bi nan ŋani timi yaansara ki bui ke, “Nidindaan Uwumbɔr bi la?” na. Ti ga kan binib aah nyaŋ bi pu na, ki taa bi bil kitiŋ ke tikpakpar na.

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.

Sekaria 10:5

Juda aanib ga kan linyaŋ ke bijab bi taa taa baadim ŋmal titan ni kitiŋ ponn ni na la. Uwumbɔr aah bi bi chee na, le bi ga jan, hali ki nyaŋ bidim aatandam.

Matiu 15:7

Ni ye biŋmaŋmannim la. Uwumbɔr aabɔnabr Aisaya aah nan len nimi aabɔr pu na, u nan len mbamɔn la, ke,