Aisaya 10:5 - Uwumbɔr aagbaŋ

⁵ Uwumbɔr len ke, “Asiria, maaŋuul yaa ti fii unii u pu na, m joo sin Asiria le gbaa u ke baah joo lichakukul jaa kijaak pu na.

Aisaya 10:5 ပူးပေါင်းရင်းမြစ်များ

Mpiin 10:11

Waah nan nyan Babiloŋ aatiŋ ni na, u nan buen Asiria aatiŋ ni, le ki ti maa ntikpaam bi yin mu ke Ninefa, ni Rehobof Ir, ni Kala,

2 Bibɔrb 18:25

Ni dak ke m di mbaa aapɔɔn le ki nan tak nimi aatiŋ ki kuln ki, kaa ye Uwumbɔr aaterm aa? Uwumbɔr ubaa le bui mi ke m nan tak ki, ki kuln ki.”

2 Bibɔrb 19:25

“Saa kee ŋun ke min le kpokl kina n‑yoonn mu jer na, aan ki cha ni ŋa kina dandana aa? M nan tii si mpɔɔn ke aa di labr ntisakpem mu bi maa ŋigon kiir mu na di ŋa ŋilangbentanjal aakpuk.

Ilahn 125:3

Bibiindam aan ŋmaa li joo bininyaam n‑yoonn mɔmɔk; bi yaa joo bi kina kan, nibaakan, bininyaam ngbaan mu ga nan tun titunwanbir.

Ilahn 17:14

Gaa mi binib bi kpa baah ban pu na mɔmɔk dulnyaa wee ni na chee lii. Di saah di ntafadaan mu siin kiir bi na daa bitafal; cha ntafadaan ngbaan gur ki nan pii baabim aan muken mu le kii biyaabitiib.

Aisaya 10:15

Le Uwumbɔr ma bui ke, “Kichɔk ga ŋmaa bui ke ki jer unii u joo ki na aa? Ukpikpiir aah joo kichɔk ki kpii tiwan na aan ŋmaa bui ke ki jer u. Lichakukul aan ŋmaa yoor unii paacham; unii le ga yoor lichakukul paacham.”

Aisaya 10:25

Naan ki yunn le m ga daa nimi aatafal doo; n‑yoonn ngbaan le m ga kuln Asiria yaab kookoo.

Aisaya 13:5

Bi nyan ni dandar aatimbol ŋi bi kitiŋ kee aadoon chee na la. Uwumbɔr aaŋuul pu le u choo ke u bii kitiŋ mɔmɔk doo.

Aisaya 14:24

Uwumbɔr Mpɔɔnsakpiindaan puu tipuur ke: “Maah ŋa maalandak pu na, kina le ga ŋa. Maah bui ke m ga ŋa pu na, kina le ga ŋa.

Aisaya 14:25

M ga kuln Asiria yaab bi bi maatiŋ Israel ni na, ki taa taa bi pu maajoo pu, ki nyan maanib falaa u Asiria yaab ŋani bi na ni, ki gaa bi lii.

Aisaya 23:13

Babiloŋ yaab le nan cha tipeewanbir bii Taya aatiŋ, naa nan ye Asiria yaab. Babiloŋ yaab le nan ti gob ki bii Taya aatiŋ aapɔɔn, ki cha tilangbenn ŋmeen.

Aisaya 26:20

Maanib, koo man nimi aadichal ni, aan ki laŋ nibaa pu. Bɔr man nibaa siib aan Uwumbɔr aaŋuul jer.

Aisaya 29:2

le Uwumbɔr ga di tibɔbir lii kitisakpeŋ ki bi yin ki ke “Uwumbɔr aatork aabimbiln” na pu. Ikpowiil ni iwiil ga li bi ki ponn ni, le kitisakpeŋ ngbaan mɔmɔk ga li gbii nsin ke kitork aabimbiln paab na.

Aisaya 30:27

Uwumbɔr aapɔɔn ni waapak ga nya ni paacham. Waaŋuul ye mmii ni iŋmanyuu la. U yaa len tibɔr kan, ti seer ke mmii na la.

Aisaya 30:30

Uwumbɔr ga cha unii mɔmɔk ŋun waaneel mu kpa mpɔɔn na pu, ki ŋun waaŋuul mu pu; le imiigaal, ni ŋitaayiyir, ni ŋitaatakpal, ni utaasakpiin ga li bi.

Aisaya 30:9

N‑yoonn mɔmɔk baa keei Uwumbɔr aah tuk bi pu na, ki geei inyamɔn n‑yoonn mɔmɔk, kaa pel Uwumbɔr aah mɔk bi pu na.

Aisaya 34:2

Uwumbɔr gee liŋuul ŋitimbol mɔmɔk ni ŋaajab bi jaa kijaak na pu. U ga kuln bi mɔmɔk.

Aisaya 66:14

Ni yaa kan nimina ŋa kan, ni ga mɔɔr nimi ki tii nimi mpɔɔn ni laafee. Le ni bee ke min Uwumbɔr ter binib bi kii maamɔb na, ki mɔk maadim maaŋuul.”

Aisaya 7:17

“Uwumbɔr ga di tibɔbir aayoonn lii ni aa ni saanib pu, ni nnaan aadichal mɔmɔk pu. Ti ga jer tibɔbir ti dan nnaan ngbaan ni, buyoonn Israel yaab ni Juda yaab nan yakr tɔb chee ki nan saa din na. U ban u yin ni Asiria yaab aabɔrkpaan la.

Aisaya 7:20

“N‑yoonn ngbaan yaa nan fuu ni kan, Uwumbɔr ga ti ban uyikpukuur aan u nyan ni Yufrates aamɔɔdapuul; uma le ye Asiria aabɔrkpaan, le u ga nan kuu nimi aalangban, ni tiyikpir ti bi niyil pu na, ni tikor timɔk baa niwon pu na.

Aisaya 8:4

Waahr aan u ti ŋa nlan ki ŋmaa len ke ‘Nna’ ni ‘Nte’ na, Asiria aabɔrkpaan ga gaa Damaskus aawangol ni Samaria yaab aah jenn gaa tiwan ni mɔmɔk na.”

Aisaya 8:7

min Uwumbɔr ga joo ni Asiria aabɔrkpaan ni waajab bi nan tak Juda yaab. Bi ga li san ni ke limɔɔl Yufrates aawam aah san mala pu ki gbiini par laamɔɔgban pu na la.

Esekiel 22:31

Kina pu na, m ga chuu buur maaŋuul lii bi pu, le ki kuln bi ke mmii na, baah tun pu na pu.” Bidindaan Uwumbɔr le len kina.

Esekiel 7:10

Israel yaab aabɔbir aawiin choo.

Daniel 11:36

“Siria aabɔr ga li ŋani waah gee pu na la. U ga li kpa kipupuk ke liwaal libaa aa bi ki pii u, ke u kpaan jer Uwumbɔr u kaa kpa ŋeen aatɔ na mu. U ga li ŋani kina ki ti saa buyoonn Uwumbɔr ga daa utafal na. Uwumbɔr aah kpokl ke u ŋa pu na, kina le ga ŋa.

Nahum 1:1

Uwumbɔr aabɔnabr Nahum u nyan ni Elkos aatiŋ ni na aah nan kan Ninefa aatiŋ aabɔr ti na sɔ. Uwumbɔr le nan kpiir ti mɔk u.

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.

Sefania 2:13

Uwumbɔr ga di waapɔɔn kuln Asiria aatiŋ. U ga cha kaatiyil Ninefa kpaln tilangbenn, ni nteersakpiin mu kaa kpa nnyun na.

Nkahm 24:24

Binib bi jenn gaal biken aatim na ga nyan ni Saiprus aatiŋ ni. Bi ga nyaŋ Asiria ni Eber aatim, le bi mu ga nan kuln doo, ki joo cha n‑yoonn mu kaa kpa ndoon na.”