Aisaya 10:4 - Uwumbɔr aagbaŋ

⁴ Bi ga ku nimi butɔb ponn ni la, bee bi chuu nimi ki dar buen ke binaagbiib na. Nimina mɔmɔk aapuwɔb na, Uwumbɔr aaŋuul aan sɔŋ; u ga li beenin ban ke u moo daa nitafal.

Aisaya 10:4 ပူးပေါင်းရင်းမြစ်များ

Aisaya 22:2

Kitisakpeŋ ngbaan mɔmɔk ponn ni kpa kifuuk la; ki gbii kifuuk ni mpopiin la. Nimi aajab bi kpoi butɔb bue ni na aa bi jaa le ki kpoi.

Aisaya 24:22

Uwumbɔr ga kuun bibɔrkpaam ŋa kiyondiik ni ke biyom aah bi mbuu ni pu na. U ga piin bi kiyondiik ni ki ti saa bundaal u ga daa bitafal na.

Aisaya 34:3

Baan sub baanikpol, ŋi ga li dɔ le ki ti bur ki nuŋ; le ŋijoo pu ga li ye nsin ŋmeen.

Aisaya 5:25

Nima pu na, Uwumbɔr gee liŋuul nimi waanib pu, ki fii sil ke u daa nitafal. Ŋijoo mɔmɔk ga deŋ, le ŋinikpol aakpab ga gbiin ntim ni ke ŋitapun pu aamoor na. Hali nimina aapuwɔb, Uwumbɔr aaŋuul aan sɔŋ. U ga sil nya sil ke u daa nitafal.

Aisaya 66:16

U ga di mmii ni kijaak aajuk le di daa dulnyaa aanib bi aabɔr bii u chee na aatafal, le pam ga kpo.

Aisaya 9:11

Tɔ, Uwumbɔr fiin baadim aaŋuul ke bi nan tak bi.

Aisaya 9:12

Siria yaab ga nyan ni liwipuul wɔb, le Filistia yaab mu nyan ni liwilir wɔb, ki waa bimɔi ki ban bi. Nimina aapuwɔb na, Uwumbɔr aaŋuul aan kee sɔŋ; u beenin ban ke u daa bitafal.

Aisaya 9:16

Binib bi loln bi pu nsan na di bi yenn a, ki cha bilan ŋmal bi.

Aisaya 9:17

Kina pu na, Uwumbɔr aan cha unachipɔɔn ubaa ŋmar. Waan san nkpobim ni bikpopiib kinimbaak; ba pu? binib ngbaan mɔmɔk aa dii Uwumbɔr aasan; bi kpa mbiin, le baaliin mɔmɔk ye tibɔbir. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Aisaya 9:20

Le kitiŋ ngbaan mɔmɔk pu aanib ga li tɔkl tijikaar siib ti bi kan na le ki ji. Nimina mɔmɔk mu aan cha nkon doo. Hali bi ga di baabim ŋa tijikaar.

Aisaya 9:21

Manase aanib ni Efraim aanib ga to tɔb butɔb, le ki ki gir kpaan ki to Juda yaab butɔb. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 15:2

Bi yaa baa si ke bi ga buen la chee kan, tuk bi ke min le bui ke, Iween le ga ku bibaa, baah ga buen nin chee na le na. Bibaa mu ga kpo butɔb ni, baah ga buen nin chee na le na. Nkon le ga ku biken mu, baah ga buen nin chee na le na. Bidim ga chur biken mu buen tinaagbiir ni, baah ga buen nin chee na le na.

Jeremia 37:10

Aa yaa nyaŋ Babiloŋ aajab ngbaan mɔmɔk, le bi kan titotonn na baanja gur dɔ baaboo ni kan, bijabaab ngbaan le ga ki fii ki see kitiŋ kee aan ki wu pel pel.”

Jeremia 4:8

Kina pu na, di tiwanpeenkaan ni saak kuub na peen, ki li wii ki kaani, Uwumbɔr aaŋuusakpeln aah kaan fenn cha Juda pu na pu.

Hosea 9:12

Tɔ, bi yaa ma mbim kan, m ga yoor bi mɔmɔk kaan gur ubaa. N‑yoonn mu m siir cha binib bee na kan, tibɔbir pam le ga kan bi.”

Liifai Yaab 26:17

M ga fenn ki cha nimi, nima kan, binib bi nan nimi na ga nyaŋ nimi ki li joo nimi, le ijawaan ga chuu nimi sakpen; ubaa aan li san dii nimi, le ni san.

Ikaal 32:30

Ba ŋa unibaan nan ŋmaa nyaŋ bi binib lichur, aan binib bilee ŋmaa nyaŋ bi binib ŋichur kipiik? Bidindaan Uwumbɔr le nan yii bi, Baawumbɔr u ye Mpɔɔnsakpiindaan na le nan di bi tii baadim.