Aisaya 10:29 - Uwumbɔr aagbaŋ

²⁹ Bi dii kifataŋ kibaa ni ki fuu Geba ki doon nima. Ijawaan chuu Rama aatiŋ aanib sakpen a, le ubɔrkpaan Sɔɔl aatiŋ ki bi yin ki ke Gibea na aanib san.

Aisaya 10:29 ပူးပေါင်းရင်းမြစ်များ

1 Bibɔrb 15:23

Ubɔr Asa aah nan ki ŋa tiwan ni mɔmɔk na, ni waah nan kaar pu na, ni waah nan pɔɔk ntim mu na aabɔr bi Juda Aabɔrb Aatun Aagbaŋ ni la. Waah nan nan por pu na le kitaafaak aaween ibaa nan wɔb u.

Jeremia 31:15

Uwumbɔr bui ke, “Bi ŋun kifuuk Rama aatiŋ ni, ki ye ikpowiil aafuuk la. Rachel le wii waabim pu; bi mɔmɔk kpo a, le ubaa aa ŋmaa sɔŋ usui.

Hosea 10:9

Uwumbɔr bui ke, “Israel yaab aah nan tun mi titunwanbir Gibea aatiŋ ni buyoonn na, baa kee di cha. Kina pu le butɔb ga pii bi Gibea aatiŋ ni.

Hosea 5:8

Pii butɔb aakpiin Gibea aatiŋ ni man. Faa nkuun Rama aatiŋ ni man. Faa butɔb aakuun Bef Afenn aatiŋ ni. Benjaminn aajab, fii buen butɔb ni man.

Hosea 9:9

Baatuln mɔmɔk ponn ni ye titunwanbir le kaa kpa ŋitataa, ke baah nan bi Gibea aatiŋ ni pu na. Uwumbɔr ga teer baatunwanbir le ki daa bitafal ti pu.

Josua 21:17

Bi nan nyan Benjaminn aanibol aapepel ntim munaa le tii bi: ntim ngbaan le nan ye Gibeonn, ni Geba,

1 Samuel 10:26

Sɔɔl mu nan gir kun Gibea. Le bijab bi pɔɔ aan Uwumbɔr meeh bisui na dii u buen.

1 Samuel 11:4

Ntuuntiib ngbaan aah nan ti fuu Gibea, nin chee Sɔɔl koo na, aan binib ngbaan ŋun tibɔr ngbaan na, le bi piin ki bi wii mpombiin pu.

1 Samuel 13:16

Sɔɔl ni ujapɔɔn Jonatann ni baajab nan kuun kal Geba aatiŋ ki bi Benjaminn aapepel na ni; le Filistia aajab mu kuun kal Mikmas ni.

1 Samuel 13:2

Le Sɔɔl nan kuun bijab ŋichur ŋitaa, ki cha ŋichur ŋilee bi u chee Mikmas aatiŋ, ni Betel aatiŋ, ŋigongon aah wiir nin chee na, ki di lichur libaa na tii ujapɔɔn Jonatann ke u di buen Gibea ni, Benjaminn aamaal aapepel ni. Sɔɔl nan cha bijab bi gur na gir kun linampal.

1 Samuel 13:23

Filistia yaab nan nyan bijab bibaa le bi ti kiir baah puur nkpen mu bi ŋijoo aakaasisik ni na chee, Mikmas aatiŋ chee.

1 Samuel 14:2

Sɔɔl nan bi ŋisubil aasub bubaa taab, Migronn aatiŋ ki bi gbɔk Gibea na ni. Bijab ikui iloob le nan bi u chee.

1 Samuel 14:4

Jonatann aah nan ga ti jer nin chee ki koo Filistia yaab ponn ni na, nan dii Mikmas aasan mu bi ŋijoo aakaasisik ni na, nin chee ŋitakpasakpiin ŋilee si gbɔk tɔb nsan ngbaan aaŋangii ni ŋŋangan wɔb na la. Bi nan yin ŋitakpal ngbaan libaa ke Boses, ki yin liken ke Sene.

1 Samuel 14:5

Litakpal li nan si ŋŋangan wɔb na, nan lik Mikmas wɔb la, le litakpal li mu si ŋŋangii wɔb na, lik Geba wɔb.

1 Samuel 15:34

Samuel nan buen Rama aatiŋ ni, le ubɔr Sɔɔl mu kun Gibea aatiŋ ni.

1 Samuel 7:17

le ki gir buen waatiŋ Rama ponn ni, nin chee u ti ki ye ubɔlen na. U nan maa kitork aabimbiln Rama aatiŋ ni tii Uwumbɔr.