Aisaya 10:27 - Uwumbɔr aagbaŋ

²⁷ N‑yoonn ngbaan yaa fuu ni kan, m ga gaa nimi lii, ki nyan nimi Asiria yaab aapɔɔn ni. Baamukl aan ki li bi ni pu.”

Aisaya 10:27 ပူးပေါင်းရင်းမြစ်များ

2 Samuel 1:21

Taa cha utaal, bee limaln lir Gilboa aagongon paab, cha ŋaakpaakon kpaln nteer n‑yoonn mɔmɔk; ba pu? nima chee le bipobidam aajaak aapen dɔ inimɔɔn ni; baa ki joo nkpan ŋmir Sɔɔl aajaak aapeln.

Ilahn 105:15

“Taa tii maatutum titotonn man; taa meeh maabɔnabtiib man.”

Ilahn 132:10

Uwumbɔr, saah nan puu tipuur ti tii saatutunn David na; taa yii saah lee ubɔr u na.

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 20:6

M bee dandana wee ke Uwumbɔr le tii waah lee ubɔr u na linyaŋ; u bi waapaacham ni bi chain na ni, le ki keei u, ki joo waapɔɔn tii u linyaŋ.

Ilahn 45:7

aa gee lituln li ŋan na, le ki nan titunwanbir. Kina pu le Uwumbɔr u ye Saawumbɔr na lee si ki tii si mpopiin ki jer bibɔrb biken.

Ilahn 81:6

“M chuu gaa nimi aatun ŋi nyuun na; m cha ni tuur nimi aatun ŋi nyuun ki ye ŋitambil na bil.

Ilahn 84:9

Uwumbɔr, ŋa saanyoor ŋa timi aabɔr u sin aabaa lee u na pu.

Aisaya 14:25

M ga kuln Asiria yaab bi bi maatiŋ Israel ni na, ki taa taa bi pu maajoo pu, ki nyan maanib falaa u Asiria yaab ŋani bi na ni, ki gaa bi lii.

Aisaya 30:23

N‑yoonn mumɔk ni bun nimi aajikaabim na kan, Uwumbɔr ga cha utaal nu, aan mu muun ki ŋa mbamɔm, le nimi aawakor mu ga kan timoor pam ki ŋmɔ.

Aisaya 37:35

M ga kiir kitiŋ kimina, ki biin ki pu, maapak pu, ni maah puu tipuur ti tii maatutunn Ubɔrkpaan David na pu.’”

Aisaya 52:2

Sin Jerusalem, gbuk gaa aabaa lii. Fii nyan titan ni ki kal saabɔrjal pu. Nimi Sionn aanib bi ye binaagbiib na, chuu gbinn tikululn ti bi di baa nimi na.

Aisaya 55:2

Ba ŋa ni joo ŋimombil daa tiwan ni kaan gbiin lipuul na? Ba ŋa ni ji nimi aapal aan nkon beenin joo nimi? Li pel ki ŋa maah len pu na man, aan ki ji tijikaar ti mɔ sakpen na.

Aisaya 9:4

ba pu? aa gaa bi baatun ŋi nyuun ki nyaŋ bi na, ni likugeln li nyiibaa bibɔgbin pu na. Aa nyaŋ linibol li muk bi ki ŋa bi bijakaab na, ke saah nan nyaŋ Midiann aajab n‑yoonn mu jer na pu na.

Jeremia 30:8

Uwumbɔr Mpɔɔnsakpiindaan ki bui ke: “Liyaadaal ngbaan yaa nan fuu ni kan, m ga kool inaaja i ko na aadɔ i bi di leen bisil na ki chuu nyan baakululn na mu, le baan ki li ye biwɔwɔm aanaagbiib.

Esekiel 30:18

M yaa nan bii Ijipt aapɔɔn mu bi nan mak mu pu sakpen na kan, mbɔmbɔɔn ga lir Tapanes aatiŋ pu. Ntaalangbam ga biin Ijipt aatiŋ pu, le bi ga chur kaatim mɔmɔk aanib tinaagbiir.

Liifai Yaab 7:35

Tinann ti Uwumbɔr nan nyan ki siin ke bi li joo tii Aaronn ni ujapɔtiib, bundaal bi nan kaan bi bitotoorb na le bi na.

Tibɔnyaan ti Luk ŋmee ti na 4:18

“Uwumbɔr Aafuur Nyaan bi m ni; u nyan mi ke m tuk bigiim tibɔnyaan tee. U tun ni mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii la, ki tuk bijoom ke m likr binimbil, ki nyan bifalaadam baafalaa ni,

Jɔnn 1:41

Libuul ngbaan ni le u buen ti kan ukpel Simonn, ki tuk u, “Ti kan Masiya u ga gaa timi lii na.” Masiya ni Kristo ye liyimbibaan la.

Lituln 4:27

Tɔ, David aah nan len pu na, ni ye mbamɔn la. Ubɔr Herod, ni Pontius Pailat, ni Juu yaab, ni binib bi kaa ye Juu yaab na nan kuun kitiŋ kee ponn ni, ke bi nan ku Saatutunn Yesu u ye chain na. Uma le aa nyan ke u gaa timi lii.

1 Jɔnn 2:20

Nimi kan, Yesu u ye chain na tii nimi Waafuur Nyaan. Waafuur Nyaan aah bi nisui ni na, nima le ni mɔmɔk nyi tibɔr ti ye mbamɔn na.

1 Jɔnn 2:27

Nimi le Yesu nan tii Waafuur Nyaan. Waafuur Nyaan ngbaan beenin bi ni ni. Nima pu na, naa ki ban ke unii ubaa mɔk nimi waabɔr. Waafuur Nyaan le mɔk nimi Uwumbɔr aabɔr mɔmɔk. Waafuur Nyaan aah mɔk nimi pu na, ni ye mbamɔn la, naa ye nnyamɔn. Nima pu na, kii man Waafuur Nyaan aah mɔk nimi pu na, ki li kpaan Yesu chee n‑yoonn mɔmɔk.