Aisaya 10:24 - Uwumbɔr aagbaŋ

²⁴ Tidindaan Uwumbɔr Mpɔɔnsakpiindaan bui waanib bi bi Sionn na ke, “Asiria yaab yaa muk nimi ke Ijipt yaab aah nan muk nimi pu na kan, ni taa san bi ijawaan.

Aisaya 10:24 ပူးပေါင်းရင်းမြစ်များ

2 Bibɔrb 19:6

le u giin ngarm mumina ke: “Uwumbɔr bui ke aa taa cha Asiria yaab faan si ke uma Uwumbɔr aan ŋmaa gaa si lii.

Nnyam 14:9

Le Ijipt yaab aajab, ni baataan, ni baatɔroku tiib, ni binib bi ŋaal tɔroku tiib na di paan bi pu, le ki ti pii bi, baah nan kal nin chee, Nnyusakpem Mamam mu bi gbɔk Pi Hahirof ni Baal Sefonn chee na.

Nnyam 5:14

Ijipt yaab nan gbaa Israel yaab bi lik biken aan bi tun lituln na, le ki baa bi ke, “Ba ŋa naa ki ŋani ŋitambil ŋi wiir ke naah nan ŋani pu na?”

Aisaya 10:5

Uwumbɔr len ke, “Asiria, maaŋuul yaa ti fii unii u pu na, m joo sin Asiria le gbaa u ke baah joo lichakukul jaa kijaak pu na.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 14:29

Filistia yaab, lidabil li bi di gbaa nimi na koo a, ni mu taa tee laa man. Uwaa ubaa yaa kpo kan, u bir jer uma ngbaan na ga dan nan gaa waabuul ni. Uwaa aajeln kaal kiwanbiik la.

Aisaya 27:7

Uwumbɔr aa daa Israel yaab aatafal sakpen ke waah daa baadim aatafal pu na, ki mu aanib pam aa kpo ke baadim na.

Aisaya 30:19

Nimi binib bi koo Jerusalem ponn ni na aan ki wii iwiil. Uwumbɔr san nimi kinimbaak, le ni yaa wii ki yin u ki ban nterm kan, u ga kii nimi aayim.

Aisaya 30:32

Uwumbɔr yaa faa bi ki ki gir faa bi kan, waanib ga li waa liwaal ki dii ŋigangan ni tibar aah gbaa pu na. Uwumbɔr ubaa le ga jan Asiria yaab kijaak.

Aisaya 35:4

Bui umɔk aataakpab yɔl na ke, “Cha aataakpab pɔɔk ki taa san ijawaan. Uwumbɔr choo u nan gaa si lii, u choo u nan daa saadim aatafal.”

Aisaya 37:22

uma Uwumbɔr bui ke, “Jerusalem aatiŋ laa si, ubɔr Senakerib, ki lik seen si.

Aisaya 37:6

le u giin u ngarm mumina: “Uwumbɔr bui ke aa taa cha Asiria yaab faan si ke uma Uwumbɔr aan ŋmaa gaa si lii.

Aisaya 4:3

Binib bi Uwumbɔr lee bi, bi ŋmar ki bi Jerusalem na, bi ga li gur yin bi ke binib bi ye Uwumbɔr aanib na la.

Aisaya 46:13

M joo linyaŋ aawiin mar ni la, mu aa ki daa kpala. Maanyaŋ aan ki yunn kpala. M ga gaa Jerusalem aatiŋ lii, ki joo ni Israel yaab kipak nima.”

Aisaya 51:13

Ni suln Uwumbɔr u naan nimi na bɔr aa? Uma le nan daa taln kitaapaak, ki baan kitiŋ aatinyikl. Ba ŋa ni san ijawaan n‑yoonn mɔmɔk binib bi muk nimi na aaŋuul pu, ki san binib bi ban bi ku doo nimi na? Baaŋuul aan ki pii nimi daalbaadaal.

Aisaya 61:3

ke m nan tii binib bi wii Sionn ni na mpopiin ni nsuudoon, bi taa ki wii, ki gaa kipak aalahn, ni taa li ye ikpowiil. Bi ga li naahn isui i Uwumbɔr ubaa bun i na la. Bi mɔmɔk ga li ŋani tiwan ni si chob na la, le binib ga pak Uwumbɔr, waah tun pu na pu.

Aisaya 7:4

Bui u ke u chuu ubaa suuna, ki gor ki li kii, ki taa li san ijawaan aan ki taa cha ni li muk u. Ubɔrkpaan Resinn ni waanib Siria yaab ni ubɔrkpaan Peka aa bir ki pii ŋimiidatul ŋi kaa gaal na aamii.

Aisaya 9:4

ba pu? aa gaa bi baatun ŋi nyuun ki nyaŋ bi na, ni likugeln li nyiibaa bibɔgbin pu na. Aa nyaŋ linibol li muk bi ki ŋa bi bijakaab na, ke saah nan nyaŋ Midiann aajab n‑yoonn mu jer na pu na.

Maika 5:5

le u ga joo ni nsuudoon. Asiria yaab yaa nan koo ni timi aatiŋ ni ki nyaŋ binib bi kii timi na kan, le ti ga di timi aayidam bi pɔɔ sakpen na tun aan bi ni bima ti jan.