Aisaya 10:20 - Uwumbɔr aagbaŋ

²⁰ N‑yoonn choo le Israel aanib bi ŋmar na aan nan ki li dak linibol li nan ban li ku doo bi na pu. Bi ga nan di baalandak mɔmɔk di tii bima Israel yaab Aawumbɔr u bi chain na la.

Aisaya 10:20 ပူးပေါင်းရင်းမြစ်များ

2 Bibɔrb 16:7

Ahas nan di inaŋ tun Asiria aatiŋ aabɔrkpaan Tiglaf Pileser chee ke: “M ye saatutunn u kii tii si mbamɔm na la. Dan nan gaa mi Siria yaab aabɔr, ni Israel yaab aabɔr bi bi tak mi na chee lii.”

2 Bibɔrb 19:31

Binib ga li bi Jerusalem aatiŋ ni, ni Sionn Aajool pu ki ŋmar, ba pu? Uwumbɔr le puu ke ni ga ŋa kina.

2 Bibɔrb Aabɔr 14:11

Asa nan mee Udindaan Uwumbɔr ke, “Uwumbɔr, aa ga ŋmaa ter bijab bi kaa kpa mpɔɔn na ke saah ga ter bi kpa mpɔɔn na pu na la. Tidindaan Uwumbɔr, ti lik sin pu, le ki nyan ni saayimbil pu ke ti ni bijab sakpem bee nan faa tɔb butɔb, ter timi n‑yoonn mue. Uwumbɔr, si le ye Tidindaan, ubaa aan ŋmaa nyaŋ si.”

2 Bibɔrb Aabɔr 28:16

Edom yaab nan ki piin ki loon Juda yaab ki chur binaagbiib pam, kina pu le Ubɔr Ahas bui Asiria aabɔrkpaan Tiglaf Pileser ke u ter u.

2 Bibɔrb Aabɔr 28:20

Asiria aabɔrkpaan ngbaan aah ba ga ter Ahas pu na, le u labr nyan upuwɔb le ki tii u tibɔr.

Esra 9:14

Kina kan, ti ga ŋa kinye ki suln saakaal bɔr, ki ki gir yoor bibiindam ngbaan aapiibim? Ti yaa ŋa kina kan, saaŋuul ga fii ti pu sakpen, le aa ga kuln ti mɔmɔk aan ubaa taa ŋmar.

Aisaya 1:9

Uwumbɔr Mpɔɔnsakpiindaan yaa kaa ba gur binib siib kan, Jerusalem ba ga kuln ke Sodom aatiŋ ni Gomora aatiŋ aah nan kuln pu na la.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 11:16

Nsankpaan ga li dɔ ki nyan ni Asiria ni, ki tii waanib bi kaa kpo ki bi nima na, ke mu aah nan dɔ tii biyaajatiib Israel yaab, baah nan nyan ni Ijipt aatiŋ ni pu na.

Aisaya 37:4

Asiria aabɔrkpaan tun ni waaninkpiib aaninkpel ke u nan seei Uwumbɔr u bi, kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Aisaya 46:3

“Jakob aayaabitiib, nimi Israel yaab ponn ni bimɔk ŋmar na, li pel m chee man. Buyoonn bi nan ma nimi na, min le nan joo nimi.

Aisaya 50:10

Nimi bi mɔmɔk pak Uwumbɔr ki kii waatutunn aabɔr na, nibaakan ni ga li chuun isan i bɔɔn na ni, ni mu tee tii Nidindaan Uwumbɔr naadii, ki li mak u pu.

Aisaya 6:13

Hali unii ubaa baanja le yaa gur binib kipiik ponn ni kitiŋ ngbaan pu kan, u mu ga kpo; unibaan ngbaan ga gur li bi ke baah gaa gii likpaln ki cha lisikpiil pu na la.” Lisikpiil ngbaan mɔk Uwumbɔr aanib bi ga nan ki naahn linibol pɔln na la.

Jeremia 3:23

Taah dooni ŋiwaa ŋigongon paab pu na aa kpa timi nterm mubaa. Timi Israel yaab aaterm nyani Tidindaan Uwumbɔr baanja chee la.

Jeremia 44:14

Juda aanib bi gur ki dan nan koo Ijipt ponn ni na ubaa aan san ŋmar ki kan limɔfal. Bi ponn ni ubaa aan ki gir ni Juda, nin chee bi ga ki li gee ke bi nan ki li koo na. Ubaa aan ki gir ni, see bikusam siib kina le ga gir ni.”

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Hosea 5:13

“Israel aatiŋ nan kan kaah bun pu na, Juda mu kan kibaa aabuun na, le Israel buen Asiria aabɔrkpaan na chee ki ti ban nterm, le waa nan ŋmaa tii ki laafee, bee u yann kaabuun.

Maika 5:3

Kina pu na, Uwumbɔr ga di waanib tii baadim, kaan ki gar bi ki ti saa buyoonn upii u ban u maa na maa waabijabo. Le Israel yaab bi bi biwɔwɔm aatiŋ ni na, ni bi bi Israel aatiŋ ni na ga ki kpaan tɔb chee.

Sefania 3:13

Israel aanib bi ŋmar na aan tun ubaa taani, kaan gii inyamɔn, kaan ŋmann ubaa. Bi ga kan liwangol, ki li bi ŋŋmarm ni, kaan li san unii ubaa ijawaan.”