Aisaya 10:18 - Uwumbɔr aagbaŋ

¹⁸ Iween i bir na aah ku unii pu na, kina le tikpaatan ti ŋan na ni tipur mu mɔmɔk ga doo.

Aisaya 10:18 ပူးပေါင်းရင်းမြစ်များ

2 Bibɔrb 19:23

Aa tun ni saanaagbiib ke bi nan puk kipupuk m chee ke aa di saataan aatɔroku tiib ki nyaŋ Lebanonn aajoo ŋi fɔk na aanib, le ki gaa santina aasui i fɔk na, ni isui i ŋan na mɔmɔk lii kitiŋ, ki koo tichoor ponn ni pam.

2 Bibɔrb 19:28

M ŋun saah kpa liŋuusakpeln ni kigaak pu na, le dandana m ga di njapiin di pui aamɔfal ni, le ki di itangar mu di ŋa aamɔb ni, ki di si giin dii nsan mu aa dii ni ki dan na.”

Aisaya 10:16

Uwumbɔr Mpɔɔnsakpiindaan ga di iween di daa binib bi mɔmɔk ji n‑yaan ni nkpan dandana wee na aatafal. Mmii le ga li wu biponn ni, kaan junn.

Aisaya 32:19

Le ŋitaatakpal yaa po lir ni kichook ni kan, kitisakpeŋ mu yaa wii ki lir kan,

Aisaya 37:24

Aa tun ni saanaagbiib ke bi nan puk kipupuk m chee, ke aa di saataan aatɔroku tiib ki nyaŋ Lebanonn aajoo ŋi fɔk na aanib, le ki gaa santina aasui i fɔk na, ni isui i ŋan na mɔmɔk lii kitiŋ, ki koo tichoor ponn ni pam.

Aisaya 9:18

Binib ngbaan aatunwanbir bii tiwan ke mmii aah wu ikokon ni ŋinaabukar pu na la. Baatunwanbir bii tiwan ke kichook ni aamii aaŋmanyuu na la.

Jeremia 21:14

M ga daa nitafal naah tun pu na pu. M ga see nimi aabɔrchiln mmii, le mmii ngbaan ga wu tiwan ni mɔmɔk duun li na. Min Uwumbɔr le len kina.”

Sekaria 12:6

“N‑yoonn ngbaan kan, m ga ŋa Juda aataŋaal ke kichook ni aamii na la, bee mmii mu bi njikaabim mu kuur na aakpaab ni pu na la. Bi ga kuln ŋitimbol ŋi mɔmɔk mann goln bi na. Jerusalem aanib ga li bi lifuur ni, baatiŋ ponn ni.