Aisaya 10:1 - Uwumbɔr aagbaŋ

¹ Nimi aadoon le na. Nimi bi naani ikaal i kaa ye ibamɔn ki joo muk maanib na aadoon le na.

Aisaya 10:1 ပူးပေါင်းရင်းမြစ်များ

1 Bibɔrb 21:13

Bibiindam bilee ngbaan nan fii sil binib ngbaan mɔmɔk aanimbil ni, ki len ke u puun lii Uwumbɔr ni ubɔr mɔmɔk pu, kina pu le bi nan di u nyan kitiŋ ngbaan ni n‑gbaan ki yur ŋitakpal ku u.

Ilahn 58:2

Aayii. Ni dak titunwanbir ti ni ga ŋmaa ŋa na pu baanja la, le ki tun mpɔɔn aatunwanbir kitiŋ kee pu.

Nnyam 23:3

Ni yaa ji ugiin tibɔr kan, ni tii taa li kpa imaagann.

Nnyam 23:6

“Ugiin yaa kpa tibɔr, ni ban ni ji waabɔr kan, ni taa biin waabamɔn pu.

Aisaya 29:21

Binib bi bii biken ki biini titunwanbirdam aatun pu kaa dar bitafal, ki mu geei inyamɔn aan bibamɔndam aa kani baabamɔn na, Uwumbɔr ga kuln bi.

Aisaya 3:11

Le titunwanbirdam ga kuln; le baah ŋa biken pu na, Uwumbɔr ga di giin ŋa bi.

Aisaya 3:14

Uwumbɔr kuun bininkpiib, ni binib bi ye bisalolm na ke u ji bi tibɔr. Waah di ngalm mu di bil bi na sɔ: “Ni sun biken aasar mpɔɔn pu, le nimi aadichal ni gbii tiwan ni ni gaa bigiim chee na.

Aisaya 5:11

Nimi aadoon le na. Ni fii mala kichakpinaanyeek ni ki piin ndaan aanyum, ki nyu ki ti saa kijook ki nyu ki gbii.

Aisaya 5:18

Nimi aadoon le na. Naan ŋmaa gaa nibaa nimi aatunwanbir na chee.

Aisaya 5:23

Le buyoonn ni yaa kan igaŋgaŋlik na, ni di binib bi aabɔr aa ŋan na di lii, le kaa tii binib bi aabɔr ŋan na baabamɔn.

Aisaya 5:8

Nimi aamɔfal doo a. Ni moo daa ŋidichal ni ikpaakon ki kpei naah puen kpa i na pu. Naan yunn le unii aan ki kan mpaan ki koo nima chee, le nimi baanja le ga gur kitiŋ ngbaan pu.

Aisaya 59:13

Ti yii si, kaa si aapuwɔb, kaa dii saasan. Ti muk biken, ki fenn tipuwɔb tii si. Timi aalandak, ni timi aamɔliin mɔmɔk ye inyamɔn la.

Aisaya 59:4

Naa kpa ibamɔn, ki mu joo tibɔr chaa bibɔjirb chee. Ni si inyamɔn pu le ke ni di ji tibɔr ngbaan. Ni joo nimi aalandak ki ban ke ni di tun biken titotonn.

Jeremia 22:13

Uja u di beebee maa waadichal, ki moo maa kpae li pu inyamɔn pu aan waanib tun lituln fam, kaa gaal tipar na aamɔfal junn a.

Amos 2:7

Bi jon ki taar binib bi kaa kpa mpɔɔn na pu, le ki tur bigiim lir isan ni. Le uja ni ute kpaani unaagbiipiibo baan, kina le bi bii maayimbil li bi chain na.

Maika 6:16

Naah dii Ubɔr Omri aajapɔɔn Ubɔr Ahab aatunwanbir aasan na pu, le kina ga ŋa. Ni beenin joo baakaal la, kina pu le m ga bii doo nimi, le unii mɔk ga lik nimi fam. Binib bi bi dulnyaa wee ni na ga lik seen nimi.”

Habakuk 2:12

Saamɔfal junn a. Aa di titunwanbir naan kitiŋ, le ki di linikul maa kitiŋ ngbaan siin.

Habakuk 2:15

Tibɔbir bi aa pu la. Sin le bar ŋisubil aadaan lidabuul ni tii biken le bi ti gbii ki dɔ bi ŋmeen ki jinn bibaa inimɔɔn aanimbil ni.

Habakuk 2:19

Saamɔfal junn a; ba pu? aa bui lidɔgeln ke, “Finn ngeen pu,” le ki ki bui litakpal li kaa kpa kifuurk na ke, “Finn ngeen pu.” Liwaal ga ŋmaa kpiir tiwan nibaa tuk si ii? Bi ga di salmaa ni tikunabr le boon li, le li mu aa tee kpa kifuurk.

Habakuk 2:6

Bi mɔmɔk ga ŋa u mbɔnyun ni yaansara ki len ke, “Unii u kuun kinaayuk aawangol ki gaal binib aawan mpɔɔn pu bilni na aamɔfal ga kuln. Kina aatuln ga yunn kinye?”

Habakuk 2:9

Saamɔfal junn a. Aa di mpɔɔn ni beebee le ki di gaa binib aawangol le ki kpaln uwankpadaan, le ki pɔɔn aabaa ke aa maa saadichal paacham ki nya mbiin ni tibɔr ni.

Matiu 11:21

U nan len ke, “Korasinn aatiŋ aanib, tibɔbir bi ni pu. Betseda aatiŋ aanib, tibɔbir bi ni mu pu; ba pu? m yaa ba nan tun lijinjiir aatun Taya aatiŋ ponn ni, ni Saidonn aatiŋ ponn ni ke maah tun ni ponn ni pu na kan, bi ba ga kpeln baabimbin ni yunn a, ki li pee tiwanpeenkaan ni saak kuub na, ki di nfatan puk biyil, aan ki mɔk ke bisui bii baatunwanbir pu.

Matiu 23:23

“Nimi Uwumbɔr aakaal aamɔmɔkb ni Farisii yaab, tibɔbir bi ni pu; ni yakr tikpifar nfum kipiik ki nyan nibaa na ki di tii Uwumbɔr, ki muk nibaa ke ni joo Uwumbɔr aakaal mumina, ki yii nkaal mu ye nkaalkpaan na. Ni yii, kaa ŋani ni ŋan na, kaa san binib kinimbaak, kaa dii Uwumbɔr mbamɔm. Ni ŋan ke ni li joo nkaal ngbaan, ki yakr nimi aawan mu ki di tii Uwumbɔr.

Matiu 23:27

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu. Ni naahn ŋikaakul ŋi bi di ikukuun aayon ki piir ŋi na la, le lipaal ŋan, ponn ni mu gbii inikpab, ni tiwan ni bur na, ni tijɔŋ mɔk aabɔŋ.

Matiu 23:29

“Nimi Uwumbɔr aakaal aamɔmɔkb ni Farisii yaab, bi ye biŋmaŋmannim na, tibɔbir bi ni pu; ni maa ŋikaakul ki tii Uwumbɔr aabɔnabtiib bi nan bi n‑yaayoonn na, ki di ikukuun aayon ki piir bininyaam aakaakul,

Matiu 26:24

Min Unibɔn Aabo ga kpo ke naah ŋmee Uwumbɔr Aagbaŋ ponn ni ke m ga kpo pu na. Uja u ga kooh mi na ma kan, tibɔbir ga li bi u pu; bi yaa kaa ba ma u kan, ni ba soor ki tii u.”

Tibɔnyaan ti Luk ŋmee ti na 11:52

“Nimi Uwumbɔr aakaal aamɔmɔkb, tibɔbir bi ni pu. Naa mɔk binib Uwumbɔr aakaal mbamɔm. Nimi nibaa aa dii mu, le ki tee leŋ binib bi ban bi dii mu na nsan.”

Jɔnn 19:6

Uwumbɔr aatotoorninkpiib ni baatutum aah kan u na, le bi teen ke, “Kpaa u ndɔpuinkoo pu, kpaa u ndɔpuinkoo pu.” Le Pailat bui bi, “Nimi nibaa kpaa u ndɔpuinkoo pu man. Maa kan waataani ubaa.”

Jɔnn 9:22

Budabu cha bi len kina na le ye ke bi san Juu yaab aaninkpiib ijawaan; ba pu? Juu yaab aaninkpiib nan puun len ke unii yaa bui ke Yesu le ye Kristo u ga gaa binib lii na kan, bi ga nyan udaan mmeen aadiik ni.

Juud 1:11

Tibɔbir bi bi pu la. Bi yii Uwumbɔr aamɔb ke Keenn aah nan yii pu na. Bi mɔk binib mmɔkm mu kaa ŋan na ŋimombil pu, ke Balaam aah nan ŋa pu na. Bi yii baaninkpiib aamɔi ke Kora aah nan yii pu na. Uwumbɔr ga bii bi mu.