Aisaya 1:9 - Uwumbɔr aagbaŋ

⁹ Uwumbɔr Mpɔɔnsakpiindaan yaa kaa ba gur binib siib kan, Jerusalem ba ga kuln ke Sodom aatiŋ ni Gomora aatiŋ aah nan kuln pu na la.

Aisaya 1:9 ပူးပေါင်းရင်းမြစ်များ

Mpiin 18:26

Le Uwumbɔr giin bui Abraham ke, “M yaa ti kan bininyaam bi pii piiŋmu Sodom aatiŋ ni kan, bininyaam ngbaan pu na, maan ki bii ki.”

Mpiin 18:32

Abraham nan ki bui ke, “Ndindaan, m gaŋ si, taa gee liŋuul m pu, ki cha m len kookoo aabɔr tee aa chee. Nibaakan bi yaa pii binib kipiik baanja kan.” Uwumbɔr nan ki bui u ke, “Bi yaa pii kipiik kan, maan bii kitiŋ ngbaan.”

Mpiin 19:24

N‑yoonn ngbaan le Uwumbɔr cha mmiigaal ni chirbil lir Sodom ni Gomora aatim ngbaan pu.

1 Bibɔrb 19:18

Le m ga cha binib ŋichur ŋilole ŋmar Israel aatiŋ pu, bima le ye bi mɔmɔk kii maamɔb, kaa gbaan liwaal Baal aanimbiin ni, kaa moor laanaŋ na.”

2 Bibɔrb 19:4

Asiria aatiŋ aabɔrkpaan tun ni waaninkpiib aaninkpel ke u nan seei Uwumbɔr u bi kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Aisaya 1:8

Jerusalem baanja le gur, le bi gob ki mu, le kaa kpa mpɔɔn mubaa ke kisaak ni aabool na.

Aisaya 11:11

Nwiin ngbaan yaa nan fuu ni kan, Uwumbɔr ga di waapɔɔn kunn ni waanib bi gaar Asiria, ni Ijipt, ni Patros, ni Kus, ni Elam, ni Babiloŋ, ni Hamaf aatim ni, ni ntim mu bi nnyusakpem aagbaan na ni, ni mu bi ŋidik pu nnyusakpem ni na.

Aisaya 11:16

Nsankpaan ga li dɔ ki nyan ni Asiria ni, ki tii waanib bi kaa kpo ki bi nima na, ke mu aah nan dɔ tii biyaajatiib Israel yaab, baah nan nyan ni Ijipt aatiŋ ni pu na.

Aisaya 17:6

Binib siib baanja le ga gur, le Israel aatiŋ ga li gur bi ke baah ker olif aasubil ki cha lisubil libaabaa bu aapaacham pu na, bee siisiib ŋi gur bu aataab aasubon pu pu na la. Min, Israel yaab Aadindaan Uwumbɔr le len kina.”

Aisaya 24:13

Kina le ga ŋa dulnyaa aatimbol mɔmɔk ni. Ni ga li naahn tijikaar aacheen yoonn la, buyoonn bi gbaa ker olif aakpan aasubil isui pu doo, ki ker ŋisubil ŋi gur na mu doo pu na.

Aisaya 24:6

Kina pu le Uwumbɔr puun lii kitiŋ pu. Kaanib bi pa baah tun pu na pu la. Bi ponn ni siib le ga gur.

Aisaya 37:4

Asiria aabɔrkpaan tun ni waaninkpiib aaninkpel ke u nan seei Uwumbɔr u bi, kaa kpa ndoon na. Cha Aadindaan Uwumbɔr ŋun ŋisiibil ŋimina ki daa binib bi seei ŋi na aatafal. Kina pu na, mee Uwumbɔr tii timi aanib bi ŋmar na.”

Aisaya 46:3

“Jakob aayaabitiib, nimi Israel yaab ponn ni bimɔk ŋmar na, li pel m chee man. Buyoonn bi nan ma nimi na, min le nan joo nimi.

Aisaya 6:13

Hali unii ubaa baanja le yaa gur binib kipiik ponn ni kitiŋ ngbaan pu kan, u mu ga kpo; unibaan ngbaan ga gur li bi ke baah gaa gii likpaln ki cha lisikpiil pu na la.” Lisikpiil ngbaan mɔk Uwumbɔr aanib bi ga nan ki naahn linibol pɔln na la.

Aisaya 65:8

Uwumbɔr ki len ke, “Ubaa aan bii ndaan aasubil ŋi ŋan na; baah ŋani ŋi pu na sɔ, bi di ŋi ŋa ŋisubil aadaan la. Kina le maan ku doo maanib mɔmɔk, m ga gaa binib bi tun maatuln na lii.

Jeremia 23:14

M ki kan maabɔnabr bi bi Jerusalem aatiŋ ni na aatunwanbir jer kina; bi gɔr kidagook le ki geei inyamɔn; bi ter binib le bi tun titunwanbir, le ubaa aa ŋmaa di cha titunwanbir aatuln. Mma chee kan, bi mɔmɔk bi ke Sodom ni Gomora aanib na la.

Jeremia 42:2

le ki nan bui mi, “Ŋaanii ki ŋa taah bui si pu na. Mee Tidindaan Uwumbɔr tii timi. Mee limeel tii timi bi mɔmɔk ŋmar na. N‑yoonn mubaa ti nan ye binib bi wiir na la, tɔ, dandana ma kan, sin aabaa waa ke timi siib kina le gur.

Jeremia 50:20

N‑yoonn ngbaan yaa nan fuu ni kan, titunwanbir tibaa aan ki li bi Israel ni, le mbiin mu aan ki li bi Juda ni, ba pu? m ga di cha pinn binib bi m cha bi ŋmar na. Min Uwumbɔr le len kina.”

Inandalahn 3:22

Uwumbɔr aageehm ni linimbaasaln li kaa door na beenin bi.

Inandalahn 4:6

Maanib kan ntafadaan ki jer Sodom yaab bi Uwumbɔr aaŋaal nan dan nan kuln bi liwinbaal na.

Esekiel 14:22

Unii ubaa yaa ŋmar ki gaa waabim lii kan, bi yaa dan aa chee kan, lik bi mbamɔm. Lik baah ye titunwanbirdam pu na aan ki bee ke ntafadaan mu m joo Jerusalem aatiŋ pu na ye chob la;

Esekiel 6:8

“M ga cha bi nya linikul ngbaan ni ki yaa koo ŋitimbol ŋiken ni,

Joel 2:32

Liyaadaal ngbaan unii umɔk mee Uwumbɔr na, uma le ga ŋmar ke Uwumbɔr aah len pu na ke, ‘Bibaa bi Jerusalem aatiŋ ni ki ga ŋmar; bima le ye binib bi m lee bi ke bi ga ŋmar na.’”

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Habakuk 3:2

Uwumbɔr, m ŋun saah tun lituln li na pu, le ijawaan chuu mi sakpen. Tɔ, ŋa timi aayoonn mumina ŋitukpaan ŋi aa nan ŋani na. Hali saaŋuul ponn ni kan, san timi kinimbaak.

Sefania 2:9

Maah sil ye Uwumbɔr u bi n‑yoonn mɔmɔk, ki ye Israel yaab Aawumbɔr na, m puu ke m ga kuln Moab ni Amonn aatim ke maah nan kuln Sodom ni Gomora aatim pu na. Mu ga kpaln baah gbii n‑yaan nin chee na, ni baah kuln nin chee kookoo aan timoor gaa nima chee na la. Maanib bi ŋmar na ga yoor baawan ni baatiŋ mu.”

Matiu 7:14

Nsan mu cha limɔfal li kaa kpa ndoon na ni na aa waa. Nsan ngbaan aabisamɔb mu aa waa. Binib bi dii mu na aa wiir.”

Rom Yaab 9:27

Tɔ, Uwumbɔr aabɔnabr Aisaya nan len Israel yaab aabɔr; u nan len ke Israel yaab wiir ke nnyusakpem aatambol aah wiir pu na, le bi ponn ni, binib siib baanja ga ŋmar;

Rom Yaab 9:29

Ni bi ke Aisaya aah nan ki len pu na ke, “Uwumbɔr Mpɔɔnsakpiindaan yaa kaa ba gur timi yaabitiib siib kan, ti mɔmɔk ba ga kuln ke Sodom aatiŋ aanib ni Gomora aatiŋ aanib aah nan kuln pu na la.”

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.

2 Piita 2:6

Tɔ, Uwumbɔr nan bii Sodom ni Gomora aatim ki cha mu kpaln nfatan, ki kuln ntim ngbaan aanib. Ni ye limɔkl la, le ki mɔk titunwanbirdam Uwumbɔr aah ga daa bitafal pu na.

Tibɔkpiirkaan 11:8

Le ŋinikpol ngbaan ga li dɔ kitisakpeŋ na aasan ni. Uwumbɔr yin kitiŋ ngbaan ke Sodom, ki ki yin ki ke Ijipt. Bi nan kpaa Tidindaan ndɔpuinkoo pu nima la.