Aisaya 1:7 - Uwumbɔr aagbaŋ

⁷ Nimi aatiŋ kuln a, le mmii wun nimi aatim mɔmɔk. Le ni si lik le biwɔwɔm gaa nimi aakpaakon mɔmɔk, ki gaa nimi aajikaar.

Aisaya 1:7 ပူးပေါင်းရင်းမြစ်များ

2 Bibɔrb Aabɔr 28:5

Ubɔr Ahas aatunwanbir pu, le Udindaan Uwumbɔr nan cha Siria yaab Aabɔr nyaŋ u, ki chur Juda aanib pam buen Damaskus aatiŋ ni ti ŋa tinaagbiir ni. Uwumbɔr ki cha Israel yaab aabɔr Peka u aate nan ye Remalia na nyaŋ Ahas, ki ku Juda aajakaab ŋichur nkub ni moninko liwinbaal. Juda aanib aah nan yii biyaajatiib Aadindaan Uwumbɔr na, le u nan cha kina ŋa.

Ilahn 107:34

U cha kitiŋ ki kpa tijikaar na kpaln nteersakpiin, bibiindam bi koo nima chee na pu.

Ilahn 107:39

Bidim aah nan nyaŋ Uwumbɔr aanib ki joo mbiin ni falaa jinni bi inimɔɔn ni na,

Ilahn 109:11

Cha waah joo binib bi aapɔln na gaa waawangol mɔmɔk, ki cha biwɔwɔm gaa waah tun ki kan tiwan ni mɔmɔk na.

Aisaya 1:8

Jerusalem baanja le gur, le bi gob ki mu, le kaa kpa mpɔɔn mubaa ke kisaak ni aabool na.

Aisaya 3:8

Mbamɔn, Jerusalem sil kuln a. Juda mu bi lir la. Baah ŋani tiwan nimɔk ki len pu na mɔmɔk seei Uwumbɔr binib aanimbil ni la; le bi fii sil uma Uwumbɔr u kpa mpɔɔn mɔmɔk na pu.

Aisaya 34:9

Edom aamɔɔ mɔmɔk ga kpaln kootaal la, le kitiŋ labr ŋa chirbil.

Aisaya 49:19

Saatingbaln nan bii ki kuln, le dandana ma li ga li par ki tii binib bi choo bi nan koo li ponn ni na. Le binib bi nan kuln saatingbaln ngbaan na ga li gur daa aa chee.

Aisaya 5:17

Ntim mu kpaln tilangbenn na ni, le ipiih ga ŋmɔ timoor aan iŋoob mu kan yaamoŋmɔpaan.

Aisaya 5:9

M ŋun Uwumbɔr Mpɔɔnsakpiindaan len ke, “Ŋidichanyaan sakpiin ŋimina mɔmɔk ga kpaln ŋidichakuun ki lir.”

Aisaya 6:11

Le m baa ke, “Ndindaan, nimina ga yunn kinye?” Le u gar mi ke, “Ki ti saa n‑yoonn mu ntim ngbaan ti kuln, nibaa aa ki bi mu ni na; buyoonn unii aa ti ki bi ŋidichal ni na; buyoonn kitiŋ kee kibaa aa ti ki kpa tinyoor tibaa na.

Aisaya 60:15

Ubaa aan ki lik si fam, kaan ki li nan si, kitiŋ ki baanib nan san cha ki aan ki ye tilangbenn na. M ga tii si mpɔɔn ni kinyaan nin chee mmɔɔn ga li bi n‑yoonn mɔmɔk na.

Aisaya 62:8

Uwumbɔr puu tipuur ti pɔɔ na, le waapɔɔn pu u ga ŋa waah puu pu na ke: “Saadim aan ki di saajikaabim ŋa baajikaar, le biwɔwɔm mu aan ki nyu nimi aadaan.

Aisaya 64:10

Ubaa aa ki bi saatim mu nan bi chain na ponn ni, le Jerusalem mu kpaln tilangbenn,

Aisaya 9:18

Binib ngbaan aatunwanbir bii tiwan ke mmii aah wu ikokon ni ŋinaabukar pu na la. Baatunwanbir bii tiwan ke kichook ni aamii aaŋmanyuu na la.

Aisaya 9:5

Mmii le ga wu bijab ngbaan aajaak aanaatak ni baabɔkul ŋi gur ye nsin ŋmeen na.

Jeremia 2:15

Bi ŋuuni bi pu ke ichinn na la; bi cha baatiŋ kpaln nteersakpiin, le baatim kpaln tilangbenn, ubaa aa ki bi mu ponn ni.

Jeremia 4:7

Uchinn aah nyani waabɔbɔryaan ni pu na, kina le unii u bii ŋitimbol na nyan ni. U choo u nan bii Juda aatiŋ la. Juda aatim ga kpaln tilangbenn la, le ubaa aan ŋmaa koo mu ni.

Jeremia 44:6

Le m di maaŋuusakpeln lii ni Juda aatim pu, ni Jerusalem ponn ni, le mu wun mmii. Mu nan kpaln tilangbenn, le ki kpa unii ijawaan, ke mu aah beenin bi pu din wee na.

Jeremia 6:8

Jerusalem aanib, cha tibɔbir timina li ye nsurm ki tii nimi, naa ye kina kan, m ga di nimi lii, m ga cha nimi aatiŋ kpaln nteersakpiin, nin chee ubaa aa koo na.”

Jeremia 7:34

Kitiŋ ngbaan ga kpaln nteersakpiin la. Mpopiin, ni mmɔɔn aafuuk, ni tibɔndinn aajim aamɔɔn ga doo Juda aatim, ni Jerusalem ponn ni.

Inandalahn 5:2

Timi aawangol gur bi biwɔwɔm aaŋaal ni la; bima le koo timi aadichal ni.

Esekiel 25:4

Nisui aah nan piin pu na pu, le m ga cha ŋinibol ŋi bi liwipuul wɔb aateersakpiin ni na nyaŋ nimi. Bi ga ŋa baakakaa yaan nimi aatiŋ ni ki kal nima. Bi ga ji ŋisubil, ki nyu nnaabiin mu ba ye nimi yaan na.

Esekiel 30:12

M ga cha Nail Aamɔɔl foor ki kuur, aan ki di Ijipt aatiŋ ŋa bibiindam aaŋaal ni. Biwɔwɔm le ga bii kitiŋ ngbaan mɔmɔk doo. Min Uwumbɔr le len kina.”

Hosea 7:9

kaa nyi ke biniyayam aaterm ngbaan gaal baapɔɔn la. Baawiin aa ki daa, le baa kpaan nyi.

Hosea 8:7

Bi yaa bun libuln kan, kitaabuŋ le bi ga nan chee. Njikaabim mu bi nkpaakon ni kaa biir na aan ŋmaa ŋa tijikaar. Hali mu yaa biir kan, biwɔwɔm le ga di mu ŋmɔ.

Liifai Yaab 26:33

M ga cha nimi aadim to nimi butɔb ki jenn yaa nimi koon ntiyayam ni. Nimi aatim ga bii doo, le ubaa aan ki li bi nimi aatiŋ ni.

Liifai Yaab 26:34

Le naah kaan ki koo kitiŋ ngbaan pu na, ki ga doon fuur kibaa pu. Naah ga ti li bi nimi aadim aatim ponn ni, tinaagbiir ni na, le kitiŋ ngbaan ga doon fuur kibaa pu.

Maika 5:11

M ga bii nimi aatim mɔmɔk, le ki ber naah maa tiwan ni mɔmɔk kiir nibaa na.

Maika 6:13

Kina pu na, m puun gor ke m bii doo nimi, nimi aatunwanbir pu.

Ikaal 28:33

Linibol yayan ga dan nan yoor nimi aajikaar mɔmɔk ti ni jin falaa ki kon na buen, le ni ga kan falaa ni ntafadaan mu pɔɔ na n‑yoonn mɔmɔk.

Ikaal 28:43

“Biwɔwɔm bi koo nimi aatiŋ ni na ga li kani tinyoor ki kpae idaa mɔmɔk, le nimi ma kan, nimi aapɔɔn ga li bar sii sii cha le ki ti doo.

Ikaal 29:23

Ikpaakon ga kpaln chirbil ni n‑yaan ŋmeen, ubaa aan ŋmaa bu tiwan nibaa ni punn, le timoor mu aan ŋmaa punn. Nima aatiŋ ngbaan ga li bi ke Sodom ni Gomora aatim, ni Adma, ni Seboyim aatim mu Uwumbɔr nan bii mu na la, n‑yoonn mu usui nan fii bi pu sakpen na, le u kuln mu.