Aisaya 1:5 - Uwumbɔr aagbaŋ

⁵ Ba ŋa ni kpak u kinikpakpak? Ni ban ke nimi aatafadaan li wiir la aa? Israel yaab, nimi aayil kpaln ibuun ŋmeen la, le nimi aapobil ni nisui mɔmɔk buŋ doo a.

Aisaya 1:5 ပူးပေါင်းရင်းမြစ်များ

2 Bibɔrb 1:13

Ubɔr ngbaan nan ki di uninkpel uken ni bijab piiŋmu tun. U nan jon ligongoln ngbaan le ki gbaan utaŋaayil pu Elaija aanimbiin ni, le ki gaŋ u ke, “Uwumbɔr aanii, san m ni maajab kinimbaak. Taa ku timi.

2 Bibɔrb Aabɔr 28:22

Waatunwanbir aah nan ti moo bi nyaŋ ni na, le uja Ahas moo tun titunwanbir ti ubaa aa kee tun na.

Nehemia 9:34

Tiyaajatiib, ni timi aabɔrb, ni timi aayidam, ni bitotoorb mɔmɔk yii saakaal. Bi yii kaa pel saah bui bi pu na, ni saah sak bi pu na.

Aisaya 1:23

Saayidam ye binib bi kaa kii maamɔb na la, ki ye binaayukb aajɔtiib, le ki gaal ipiin, ni igaŋgaŋlik n‑yoonn mɔmɔk. Baa ter nkpobim buyoonn bi bi tibɔr ni na, kaan pel bikpopiib aabɔr buyoonn bi di ti fuu ni bi chee na.

Aisaya 31:6

Uwumbɔr ki bui ke, “Israel aanib, ni tun mi taani kaa si mpuwɔb; gir ni m chee man.

Aisaya 33:24

Timi aatiŋ ni aanii ubaa aan ki bui ke u bun, le Uwumbɔr ga di timi aatunwanbir mɔmɔk cha pinn timi.

Aisaya 9:13

Uwumbɔr Mpɔɔnsakpiindaan daa Israel yaab aatafal; le bi yii kaa kpeln baabimbin ki gir ni u chee.

Aisaya 9:21

Manase aanib ni Efraim aanib ga to tɔb butɔb, le ki ki gir kpaan ki to Juda yaab butɔb. Nimina aapuwɔb mɔmɔk na, Uwumbɔr aaŋuul aan kee sɔŋ; u ga li beenin ban u moo daa bitafal.

Jeremia 13:23

Unii u aawon bɔn na ga ŋmaa kpeln ti ŋa ti man na aa? bee upeenaamuun ga ŋmaa nyan uwon aah tuur tuur pu na aa? Bi yaa ga ŋmaa ŋa kina kan, nimi bi tun titunwanbir ŋmeen na mu ga ŋmaa kpeln ki ŋa ni ŋan na.

Jeremia 17:9

Ŋma ga ŋmaa bee unibɔn aasui? Tiwan nibaa aa bi ki ŋmaa ŋmanni ke unibɔn aasui na; ubaa aan ŋmaa bee mu aah bii sakpen pu na.

Jeremia 2:30

M daa nitafal, le naa ŋa nimi nibaa; naan kii ke m sur nimi. Ni ku maabɔnabtiib ke uchinn u aaŋuul fii na la.

Jeremia 44:15

Le bijab bi nyi ke bipuutiib toor kitork tii ŋiwaa na, ni bipiib bi mɔmɔk nan si nima chee na, ki di kpee Israel yaab bi koo Ijipt aaŋangii wɔb ki nan ye kinipaak sakpeŋ na, mɔmɔk bui mi ke,

Jeremia 5:3

Mbamɔn, Uwumbɔr sil lik ban mbimbinyaan la. U nan faa nimi, le naa sɔŋ nisui; u nan taa taa ni pu, le ni yii kaa bae. Ni nan kpa tafalaaŋun, kaa di cha titunwanbir aatuln.

Jeremia 5:31

maabɔnabtiib geei inyamɔn ŋmeen la; le bitotoorb di bibaa aapɔɔn le joo binib, le maanib gee kina la. Tɔ, nimina mɔmɔk ti doo kan, bi ga ŋa kinye?”

Jeremia 5:5

M ga buen binib bi bi mpɔɔn ni na chee le ti ti gbaa tibɔr. Nibaakan, bima ga li nyi Baawumbɔr aah gee pu na, bima ga li nyi Uwumbɔr aah ban ke bi ŋa pu na.” Le bi mu mɔmɔk yii Uwumbɔr aamɔb ki nyan upuwɔb.

Jeremia 9:3

Bi gee ke bi li geei inyamɔn n‑yoonn mɔmɔk la; le beebee aatuln ŋmeen bi kitiŋ ngbaan pu. Uwumbɔr bui ke, “Maanib yaa tun titunwanbir tibaa kan, le bi di tiken kpee, kaa nyi mi ke min le ye Baawumbɔr.”

Inandalahn 5:17

Ti gur ye bibum la, le tinyunyunn cha taa ki waa,

Esekiel 24:13

Jerusalem, saaninsuŋ aatuln le bii si. M pɔɔn mbaa ke m ŋa si chain, le aa beenin kpa tijɔŋ. Saan ki li bi chain, see aa ti kan maaŋuul aah pɔɔ pu na.

Esekiel 34:16

“M ga ban ipiih i wɔŋ na, ki giin ni i yenn na, ki poo i kan titotonn na aabuun, ki cha i bun na pɔɔk; le ipiih i filk ki pɔɔ na, m ga kuln ima, ba pu? m ye upihdaan u tun tiwan ni ŋan na la.

Esekiel 34:4

Nitafal aa bi ipiih i kaa pɔɔ na ni; naa sɔŋ ipiih i bun na aaween, kaa poo i kan titotonn na aabuun, kaa ban kani i yenn na, kaa ban kani i wɔŋ na. Ni tee labr le ki ŋani i mbiin.